Qofte me bullgur dhe salcë me gjalpë

Përbërësit:

Për qoftet:

• 1 gotë bullgur i imët
• 1 gotë çaji miell misri
• 150 gr mish i grirë pa yndyrë
• 1 vezë
• 4 lugë gjelle miell
• 1 lugë çaji salcë speci
• Kripë, kumin, piper i zi

Për salcën:

• 1 lugë gjelle gjalpë
• 1-2 lugë gjelle vaj ulliri
• 1-2 lugë gjelle salcë speci
• 2-3 garuzhde nga uji i qofteve
• Kumin, piper i zi, kripë

Për servirje:

• Kos me hudhër

Përgatitja:

Hedhim bullgurin në një enë të thellë, shtojmë rreth 1 gotë ujë të nxehtë sipër. E mbulojmë dhe e lëmë të zbutet për 20 minuta. Pasi bullguri të jetë fryrë, shtojmë mishin e grirë, vezën, miellin, salcën dhe erëzat. E përziejmë dhe e ngjeshim derisa masa të bëhet homogjene dhe e ngjitshme. Marrim masën me dorë dhe formojmë toptha të vegjël të rregullt. I vendosim qoftet në një tavë të lyer lehtë me miell që të mos ngjiten dhe më pas i kalojmë në ujë të vluar me kripë në një tenxhere. I lëmë të ziejnë rreth 15 minuta, derisa të ngrihen në sipërfaqe. Ndërkohë përgatitisim salcën: shkrijmë gjalpin dhe vajin në tigan, shtojmë salcën e specit dhe e kaurdisim lehtë. Hedhim 2 garuzhde ujë nga qoftet, shtojmë erëzat sipas shijes. E gatuajmë derisa salca të trashet pak. Marrim qoftet e ziera dhe i shtojmë në tigan me salcën, i përziejmë butë që salca të mbulojë çdo qofte. E servirim gatimin të ngrohtë në pjatë duke e shoqëruar me pak kos me hudhër.