Albert Gjymenga ishte ende i riu, kur humbi çdo kontakt me familjen e tij nga Shkozeti i Durrësit. Nëna Hysnie e kujton fare mirë atë mbrëmje të 28 majit 2003, kur rreth orës 21:00 dikush e telefonon dhe i kërkon ndihmë. "kam shtruar gruan në spital, të lutem më ndihmo që të më mbash fëmijët" 24-vjeçari del nga shtëpia rrëmbimthi pa treguar emrin e shokut dhe adresen e shtëpisë ku do shkonte atë natë….. Mëngjesin e ditës tjetër, ai nuk u kthye në familje… Nëna me babain menjëherë iu drejtuan policisë së Durrsit ku bënë një denoncim për humbjen e tij. 3 ditë pas zhdukjes në familjen Gjymenga mbërrin shoku që e telefonoi mbrëmjen e 28 majit. Ai nuk kishte asnjë informacion dhe i shqetësuar që nuk ishte lidhur me të riun. I pohon prindërve të Albertit se atë mbrëmje e kishte telefonuar për ndihmë, por pasi e kishte pritur minuta të tëra, 24-vjeçari nuk kishte shkuar në shtëpinë e tij. Ardhja e mikut të Albertit në familje ishte të pyeste pse nuk i përgjigjej më në telefon, por mëson se shoku i tij ishte zhdukur pa lënë asnjë gjurmë. Edhe sot pas 20- vitesh mister ngelet largimi i tij, as kush nuk e pa atë natë maji, askush nuk ia degjoi me zerin… Alberti kishte 3 vite i fejuar, ku partneria e kërkoi dhe e priti deri në vitin 2009 , dhe më pas vendosi të largohej për të nisur një tjetër jetë. Ndërsa, babai mbylli sytë po në vitin 2009 me brengën për të birin. Sot është nënë e tij Hysnie dhe motra……që vazhdojnë pa reshtur kërkimet për të mësuar ndonjë lajm apo informacion për Alberitn, sot 44 vjecar.