Supë pule me oriz dhe limon

Përbërësit:

• 1 pulë (e plotë ose në copa)
• 2 karrota
• 1 qepë
• 2 degë selino
• 200 gr oriz
• 2 vezë
• 1 lugë gjelle miell misri
• 1–2 gjethe dafine
• Lëngu i 2 limonëve
• Kripë, piper i zi

Përgatitja:

Ziejmë pulën me qepën, karrotat, selinon dhe gjethet e dafinës derisa të zbutet mirë. Heqim pulën, e pastrojmë nga kockat dhe e presim në copa të vogla. Në lëngun e supës shtojmë orizin dhe e ziejmë derisa të jetë gati. Rrahim vezët me lëngun e limonit dhe miellin e misrit. Marrim pak lëng të nxehtë nga supa dhe e shtojmë ngadalë te përzierja e vezëve (për ta temperuar). E hedhim përzierjen në tenxhere, pa e zier më fort, vetëm e ngrohim, derisa supa të trashet lehtë. Shtojmë pulën, rregullojmë shijen me kripë dhe piper dhe fikim sobën.