Tavë me patëllxhan, domate dhe djathë

Përbërësit:

• 2–3 patëllxhanë
• Vaj për skuqje
• 1 qepë mesatare
• 2 thelpinj hudhër
• 1 domate e freskët
• 300 ml salcë domateje (pure)
• 1 lugë gjelle sheqer
• 1 lugë çaji paprika
• 1 lugë çaji erëza miks
• 1 tufë majdanoz
• 30 gr djathë parmixhan
• 3 vezë
• 2 lugë gjelle pana
• Pak vaj ulliri
• Kripë, piper i zi

Përgatitja:

Presim patëllxhanët në feta rreth 1 cm, i kriposim lehtë dhe i lëmë 15–20 minuta të nxjerrin hidhësinë. Më pas i fshijmë me letër kuzhine dhe i skuqim me pak vaj derisa të marrin ngjyrë të artë. I vendosim mbi letër kuzhine që të kullojë vaji, ose mund t’i vendosim në tavë në furrë të parangrohur në 180 gradë. Ndërkohë kaurdisim qepën e grirë në pak vaj ulliri, shtojmë hudhrën, domaten e grirë dhe purenë e domates. Vijojmë me kaurdisjen pak minuta duke shtuar më pas kripë, piper, erëza dhe pak sheqer. E lemë të ziejë 10–15 minuta derisa salca të trashet pak. Në fund shtojmë majdanoz të freskët. Në një tas rrahim vezët me panën dhe djathin e grirë. Në fund të tavës vendosim pak salcë, shtojmë një shtresë patëllxhanësh, përsëri salcë, patëllxhanë, duke bërë disa shtesa. Në fund hedhim përzierjen me vezë sipër dhe e vendosim tavën në furrë të piqet në 180°C për rreth 25–30 minuta.