Tavë me pure patate, salcë dhe sallam turist

Përbërësit:

• 4 patate të mëdha
• 1 lgj gjalpë
• 1 fç qumësht
• 2 lgj djathë kaçkavall
• Kripë, arrë moskat
• Sallam turist FIX
• Salcë domate pure
• 1 lgj salcë koncentrat
• 1 qepë
• Gjethe dafine
• Kripë, piper i zi
• Djathë kaçkavall i butë

Përgatitja:

Fillimisht vendosim patatet të ziejnë në ujë me kripë. Më pas i shtypim patatet duke shtuar qumështin, djathin e grirë kaçkavall, kripën dhe arrën moskat. Pasi është krijuar masa e njëtrajtshme shtojmë gjalpin. Purenë e shtrojmë në një tavë.

Sallamin turist e presim në feta dhe e kaurdisim së bashku me një qepë të grirë. Pasi qepa ka ndryshuar ngjyrë shtojmë salcën e domates, gjethen e dafinës, kripë, piper të zi. Këtë masë e vendosim në tavë mbi pure dhe e spërkasim me djathë të butë kaçkavall të grirë.