Veri Jug - Mesazhe pune nga Bubullima

6 Qershor, 17:18 | Përditesimi i fundit: 2021-06-06 17:22:43

Veri Jug ju fton të njohim dhe të zbulojmë fshatin Bubullimë, një fshat në zemër të Myzeqesë, me 80 mijë hektarë tokë dhe ku banojnë mbi 600 familje vetëm në qendër të njësisë administrative. Në Bubullimë, aty ku në vitet 80-t të shekullit të kaluar kishte mbi 250 mësues, sot në vitin 2021 zhvillojnë aktivitetin e tyre prodhues me dhjetra fermerë të mëdhenj dhe të vegjël, me prirje agroturizmin. Ndalesë në qendër të fshatit dhe më pas në një baxhio të vogël, ku çifti I fermerëve Kaja kanë ngritur një punishte për përpunimin e produkteve të qumështit. Përmes intervistave, ju do të mësoni kur ngrihet në mëngjes menaxherja e baxhios Lindita dhe në sa fshatra e grumbullon qumështin Estrefi, investitori, qysh në pikë të mëngjesit. Në fund, një mesazh nga banori i fshatit, Naim Kaja. I cili thotë se puna, vetëm puna është sot burimi i energjive pozitive në fshatin Bubullimë dhe përgjithsisht në të gjithë Myzeqenë. Ndiqni reportazhin “Mesazhe pune nga Bubullima” realizuar nga moderatori i emisioneve Veri Jug, gazetari Agim Pipa. Të djelën, premierë, ora 14.30

Programe të tjera

    Nuk u gjeten video për këtë program!

Shiko të gjitha

    Nuk u gjeten video për këtë program!

Shiko të gjitha