-
VIDEO
Basha nga Peqini dhe Paskuqani: Këtë garë brenda partisë e shfrytëzova vetëm për tu bërë bashkë me ju
Në ditën e fundit të fushatës për kryetar të Partisë Demokratike, kryetari aktual i PD-së Lulzim Basha ka zhvilluar një takim me anëtarësinë e PD në Peqin dhe në Paskuqan.
Duke i konsideruar zgjedhjet e 25 prillit si ditën kur ra demokracia, Basha thotë se demokratët në zgjedhjet e së dielës do të tregojnë se ne nuk dorëzohen përballë kësaj pakice.
Basha tha nga Peqini se Qarku i Elbasanit u vendos më 25 prill "në thepin e artilerisë të njeriut më të urryer në Shqipëri pas Edi Ramës, kryekriminelit Taulant Balla dhe kriminelëve të tij".
-
VIDEO
Gara për kreun e PD, sot dita e fundit e fushatës, nesër heshtje zgjedhore! 75 mijë anëtarë zgjedhin mes Bashës, Harxhit, Shehajt dhe Kadillit
Sot është dita e fundit e fushatës së 4 kandidatëve për kryetar të PD për t’iu drejtuar mesazhet e tyre demokratëve, duke iu kërkuar që t’iu besojnë drejtimin e partisë për 4 vitetet e ardhshme.
Katër kandidatët, Lulzim Basha, Agron Shehaj, Edith Harxhi dhe Fatbardh Kadilli, sot do të zhvillojnë takimet e fundit elektorale, ndërsa dita e nesërme është heshtje zgjedhore dhe nuk lejohen aktivitetet. Të shtunën demokratët vendosin se kush do të drejtojë PD.
-
VIDEO
BE 30 mld euro Ballkanit por duhet treg rajonal/Integrimi,Tirana peng i Shkupit?
Emisioni Repolitix trajtoi samitin e Tiranës së vendeve të Ballkanit Perëndimor ku komisioneri i BE për zgjerimin deklaroi planin e investimeve prej 30 mld euro në këtë rajon ndërsa nevojitet që 6 vendet të krijojnë tregun rajonal. Temë e emisionit ishte dhe integrimi me mbajtjen e konferencës së parë, ku duket se për Shqipërinë ska pengesa ndërsa mbetet i pazgjidhur ngërçi mes Bullgarisë dhe Maqedonisë së Veriut. A mund ta penalizojë Shqipërinë problemi i Maqedonisë së Veriut me Bullgarinë? Të ftuar në studio Teuta Vodo sekretare për marrëdhëniet me Jashtë në PS, Endri Shabani drejtues i Nismës Thurje, Plator Nesturi diplomat dhe Majlind Lazimi ekspert ekonomi
-
VIDEO
Harxhi sfidon Bashën për vizën në SHBA: Le ta përgënjeshtroj! Në PD ka shumë ish-sigurimsa, të hapen dosjet
Përtej sfidës që po i bën për t’i marrë drejtimin e PD-së, Edith Harxhi ka zgjedhur ta sfidojë Lulzim Bashën edhe në lidhje me vizën e tij në SHBA. Më herët Harxhi tha se SHBA ia ka refuzuar Lulzim Bashës, ndërsa sot nga Malësia e Madhe në prani të demokratëve tha se nëse kjo nuk është e vërtetë, Basha le të dalë dhe ta përgënjeshtrojë.
-
VIDEO
Një ditë pasi Kuvendi miratoi shkarkimin e tij, Meta bën detyrën, dekreton ligjin me SHBA
Një ditë pas shkarkimit nga Kuvendi, presidenti Ilir Meta ka dekretuara sot shpalljen e katër ligjeve që ratifikojnë marrëveshje ndërkombëtare të Republikës së Shqipërisë, lidhur me SHBA të Republikën Federale të Gjermanisë
-
VIDEO
Urdhri për bllokimin e pasurive të personave non-grata, gazetarja: Dëshmi se SHBA është në krah të Shqipërisë në luftën kundër korrupsionit
Vendimi i administratës së presidentit amerikan Joe Biden për të bërë publik urdhrin për bllokimin e pasurisë së personave ‘non grata’ edhe për shqiptarët pjesë e kësaj liste, dëshmon edhe njëherë përpjekjen dhe angazhimin e SHBA, për stabilitetin në rajon.
-
VIDEO
Një ditë para votimit në OKB të Shqipërisë si anëtare në Këshillin e Sigurimit, Xhaçka: Pritshmëritë janë modeste, por ambiciet e larta
Ministrja për Evropën dhe Punët e Jashtme, Olta Xhaçka po zhvillon një vizitë pune në Nju Jork pak ditë përpara votimit në Asamblenë e Përgjithshme të kandidaturës së Shqipërisë si anëtare jo e përhershme e Këshillit të Sigurimit
-
VIDEO
Gara të dielën, Basha: 13 qershori test për demokratët! Nuk përcaktohet kryetari, por aksioni i PD
Kryetari në detyrë i PD, Lulzim Basha e konsideron 13 qershorin test për demokratët, pasi sipas tij të të dielën nuk do të përcaktohet vetëm kryetari i ardhshëm, por edhe aksioni politik. Takimet me demokratët i vijuan sot edhe 3 kandidatët e tjerë në garë për drejtimin e partisë.
-
VIDEO
Zgjedhjet për kryetar të PD, Komisioni Zgjedhor miraton udhëzimin, vota e pavlefshme nëse ka shënime e shenja
Jo të gjitha votat që do të hidhen në kutinë e votimit në të 76 degët e PD për të zgjedhur kreun e ri të demokratëve do të shkojë për njërin prej kandidatëve në garë.
Komisioni Zgjedhor, ka miratuar udhëzimin që përcakton se cilat do të jenë votat që do të konsiderohen të vlefshme dhe ato të pavlefshme.
Sipas udhëzimit, të vlefshme do të konsiderohen vetëm ato fletë votimi në të cilat është votuar qartësisht vetëm njëri prej kandidatëve. Në rast se demokratët do të duan të zgjedhin 2 prej kandidatëve në garë, vota nuk do të shkojë për asnjërin prej tyre, por do të shpallet e pavlefshme.
Nul do të jenë edhe fletët e votimit në të cilat:
-Janë bërë shënime ose shenja
-Nuk është votuar për asnjërin kandidat
-Nuk është e qartë për kë kandidat është votuar
-Është votuar për një person që nuk është në fletën e votimit
Vlerësimi i fletëve të votimit do të bëhet nga anëtarët e komisionit zgjedhor, ose mund të kontestohen nga vëzhguesit e secilit prej kandidatëve. Në fletët e votimit kandidatët janë të renditur Fatbardh Kadilli, Edith Harxhi, Agron Shehaj dhe i fundit kryetari në detyrë Lulzim Basha. Të dielën demokratët do të votojnë njërin prej të katërve të drejtuar partinë më të madhe opozitare në vend, nga ora 8:00 deri në orën 19:00, ndërsa procesi i numërimit do të bëhet në qendrat e votimit dhe jo në selinë blu, ndryshe nga zgjedhjet e kaluara, tw cilat u fituan nga Lulzim Basha me 91.3% të votave.
-
VIDEO
Hapja e kufijve me BE/ Varhelyi: S’është çështje politike apo diplomatike, e vendosin vetë shtetet! Rama: Ne jemi më mirë se ato sa i përket shifrave
Komisioneri për Zgjerimin, Oliver Varhelyi tha se hapja e kufijve nuk është çështje politike apo diplomatike, por e gjitha varet nga situata epidemiologjike e pandemisë. Ai tha se janë shtet anëtare ato që vendosin mbi bazë të kapaciteteve që ato kanë.
“Komisioni ka bërë një rekomandim se kjo si kompetence është e shteteve anëtare për të vendosur për udhëtimet jo thelbësore dhe deri më tani janë shtet anëtare që duhet të shikojnë se në ç’kushte janë ato gati për të hequr kufizimet që tashmë ekzistojnë. Faktori kyç është situata epidemiologjike, situata në Ballkanin Perëndimor është përmirësuar, ka edhe marrëveshje 2 palëshe mes vendeve. Të gjithë e kemi vuajtur këtë gjë dhe nuk besoj se është e këndshme për askënd, por e gjitha varet nga situata e pandemisë, nuk është çështje politike apo diplomatike, por për shëndetin. Me të filluar sezoni veror në fillim të korrikut, kjo çështje do të jetë pjesë e historisë”, tha Varhelyi.
Rama u përgjigj me batutë.
“Në oborrin tonë jemi më mirë se ata nga ana e situatës shëndetësore. Po t’u shkojmë ne te trau me standartet, vlera dhe sistemin që funksionin mbaron puna, por na takon ne. Kemi besim që jemi në rrugën e duhur dhe në këtë rrugë jemi me fat se ajo që ka ndryshuar në historinë tonë mes shekujve para se të shfaqet BE dhe pas shfaqjes është BE që na ka dhënë mundësinë për të lidhur fijet”, tha Rama.
-
VIDEO
Po pengohen negociatat nga Bullgaria? Varhelyi: Po punojmë edhe pas kuintave! Rama: Është çështje e brendshme e BE
I pyetur nëse do të jetë Bullgaria ajo që do të pengojë Shqipërinë dhe Maqedoninë e Veriut për një datë për hapjen e negociatave, komisioneri Varhelyi tha se po punohet edhe pas kuintave.
"Ashtu siç e thashë ky është muaj kritik. Ne po punojmë fort edhe në këto momente prapa kuintave që të gjejmë zgjedhje. Presidenca e BE-së është e angazhuar për të gjetur zgjidhje, po ashtu është ende herët për të thënë se çdo të ndodhë. Ne duam që kjo të ndodhë", u shpreh ai.
Ndërkohë që Kryeministri Rama deklaroi se kjo tashmë është një ccështje vetëm në dorë të vendeve anëtare dhe ata e kanë vendimin.
:"Përgjigja ime mbetet po ajo që ka qenë. Ne e para ka rëndësi që detyrat tona t'i bëjmë plotësojmë. Nuk i bëjmë se na i kërkojnë kryeqytetet e Evropës por sepse na i kërkon detyrimi ndaj fëmijëve tanë dhe ndaj brezave të ardhshëm. Detyrat e shtëpisë të integrimit evropian janë rruga për të modernizuar shtetin tonë. Këshilli Evropian ka pasur arsyet e vetme që nuk ka lidhje me ne dhe kjo gjë ka marrë kohën e vet. Sot fatmirësisht është pranuar që kjo nuk lidhet me ne. Ka një ngërç të Bullgarisë dhe Maqedonisë së Veriut dhe sigurisht që kërkohet që të zgjidhet ky ngërç për të avancuar procesi. Ne nuk kemi asnjë arsye për të thënë se ne po sakrifikohemi. Ka një pyetje legjitime se deri kur zgjat kjo histori. Por kësaj pyetje nuk po ia kërkojmë përgjigjen sot. Të presim mbledhjen e Këshillit, të shikojmë se si do shkojnë gjërat", tha Rama.
-
VIDEO
Samiti i Ballkanit Perëndimor në Tiranë, Varhelyi: Plan investimesh 30 mld euro, do financohet nga BE
Komisioneri për Zgjerimin, Oliver Varhelyi ka bërë me dije se bashkëpunimi mes vendeve të Ballkanit Perëndimor sjellë një plan prej 30 mld eurosh investime, plan i cili do të financohet nga BE.
“Jam i kënaqur që shoh që ndoshta ky do jetë fillimi i fundit të krizës së pandemisë dhe se do të fillojmë që t’i rikthehemi mënyrave të mëparshme dhe të kryhen takime të tjera kaq të rëndësishme në formë fizike dhe të shtyjmë përpara punën. Ne e shohim një angazhim dhe përkushtim të udhëheqësve për të krijuar tregun e përbashkët rajonal, nuk kemi arritur aty ku dëshirojmë , por duhet të arrijmë atje deri në korrik, kur të kemi samitin e radhës. Po shikojmë rezultatet e para që po ndryshojnë jetë qytetareve me marrëveshjen për lëvizjen pa tarifën Roaming, kjo është një arritje e madhe, do ketë të tjera që të lëvizin me ID, njohja e diplomave, heqja e lejes për punë, pra të gjithë këto gjëra do të bëjnë që bashkëpunimi në Ballkanin Perëndimorë t’i shërbejë qytetarëve. 30 mld euro në formë investimesh në rajon, ky nuk ka për të funksionuar nëse rajoni nuk funksionon si një i tërë, ky plan investimesh do japë rezultatet e veta nëse ky rajon punon në këtë treg rajonal. Nga ana ime, ne kemi një marrëveshje në BE për financimin e këtij plani, kemi arritur marrëveshje me Këshillin dhe PE për programin e fondeve të paraaderimit, mekanizëm që do të financohet ky plan. Kemi disa çështje në tryezë, duam që të organizohet konferenca ndërqeveritare me Shqipërinë dhe Maqëdoninë e Veriut dhe kemi këtë Samit të sotshëm që të tregojmë rezultatet, ky vit mund të jetë për Ballkanin Perëndimor”, tha Varhelyi