• VIDEO

    Basha: Të gjitha arritjet e mëdha të Shqipërisë kanë vulën dhe nënshkrimin e Berishës

    Pa program, me disa humbje në kurriz të tij dhe me shumë demokratë të zhgënjyer kundrejt vendimeve të marra në krye të PD, Lulzim Basha vijon të këmbëngul para demokratëve se ai është i duhuri për drejtimin e PD dhe se partinë po tentojnë ta përçajnë me diversionet që po bëhen nga kundërshtari. Për Lulzim Bashën të gjitha arritjet e mëdha të vendit kanë vulën e tij, të PD-së dhe të Sali Berishës dhe se beteja e vërtetë është me kundërshtarin dhe armikun e madh të demokracisë regjimin Rama-Doshi.  

    "Të gjitha arritjet e mëdha të këtij vendi kanë vulën tonë, kanë vulën tuaj, gjithçka, që nga rrëzimi i komunizmit dhe demokracia, që nga futja në Këshillin e Europës, anëtarësimi në NATO, heqja e vizave, statusi kandidat, zhvillimi ekonomik dhe infrastrukturorë kanë vulën e demokratëve, kanë vulën e Partisë Demokratike, kanë padiskutim vulën me nënshkrim e Sali Berishës. Ndaj, le ta zhvillojmë këtë proces statutorë që na e diktojnë rregullat e brendshme duke e konsideruar një vlerë të shtuar dhe një oportunitet, një mundësi, por po kështu të mos harrojmë se beteja e vërtet është me kundërshtarin, me armikun më të egër të demokracisë dhe të shqiptarëve, me regjimin e Edi Ramës, Tom Doshit dhe kriminelëve me të cilët ka ndaluar përkohësisht aspiratën e Tropojës dhe të Shipërisë për ndryshim", tha Basha.

  • VIDEO

    Harxhi nga Kukësi: Nëse PD vijon me këtë rrugë do përfundojë si LDK e Kosovës! Rama rrëzohet vetëm me votë

    Kandidatja për kryetare të PD-së, Edith Harxhi tha se qëllimi i saj është që të hap partitë, të rikthejë konkurrencën dhe garën brenda saj në mënyrë që PD të shihet sërish si një parti shprese dhe vlerash për shqiptarët, pasi në të kundërt nëse vijohet me këto rrugë që ka nisur kreu aktual i saj Lulzim Basha, PD do të përfundojë si LDK në Kosovë.

    Gjatë takimit me strukturat e PD në Kukës, Harxhi tha se demokratë që prej 2013 kanë pësuar vetëm humbje dhe kjo nuk duhet të lejohet. PD është aset kombëtar u shpreh Harxhi dhe çdo fitore e saj është fitore për të gjithë shqiptarët.Kemi të bëjmë me humbje ciklike që prej 2013, këto nuk janë vetëm humbje elektorale. Synimi ka qenë që ne të bëjmë diçka për këtë aset kombëtar, pasi PD është një aset kombëtar dhe jo në pronë e anëtarësisë dhe demokratëve por e gjithë shqiptarëve dhe herët apo vonë kurdo që ne të fitojmë është fitore për të gjithë shqiptarët, pasi ne jemi këta që kemi mbrojtur vlerat kombëtare dhe çështjet kombëtare. Ne kemi larguar njerëz, figura të partisë dhe kjo përbën farsën e partisë. Nëse ne vazhdojmë këtë rrugë që kemi nisur PD do të përfundojë si LDK në Kosovë, duhet të kthejmë shpresën dhe të mos kemi më përçarje, të hapim partine, të kemi konkurrencë të lirë, kandidatët duhet të jenë pjesë e vendimeve dhe jo vetëm kryesia", tha Harxhi.

  • VIDEO

    Gjonaj në Komisionin e Ligjeve: SPAK të hetojë prokurorë e gjyqtarë të shkarkuar

    TIRANË- Teksa  raportoi para Komisionit të Ligjeve për vitin 2020, Ministrja e Drejtësisë Etilda Gjonaj, vlerësoi punën e Prokurorit të Përgjithshëm, SPAK dhe BKH-së, ndërsa bëri thirrje që të hetohen gjyqtarë dhe prokurorë që kanë dhënë dorëheqjen nga Vettingu.

    “SPAK duhet të bëjë hetime proaktive dhe ndjekje penale të të gjithë  gjyqtarëve dhe prokurorëve që kanë dhënë dorëheqjen nga Vetting, për të cilët ka prova dhe indicie se pasuria e tyre është në bazë të korrupsionit. Po ashtu si duhet të ndiqet hetimi për të gjithë gjyqtarët dhe prokurorët e shkarkuar, për të cilët komisionet e Vettingut kanë prova se kanë pasuri të paligjshme”, tha Gjonaj.

    Pas sugjerimit të deputetes Elena Xhina, Gjonaj  foli për ashpërsimin e kodit penal për abuzimet seksuale tek fëmijët dhe dhunën në familje.

    “Duhet të ashpërsojmë dënime penale për dhunën në familje dhe abuzimet seksuale tek të miturit pas rasteve të shumta të konstatuara”, tha Gjonaj  .

    Ministrja Gjonaj u ndal edhe në disa ndryshime në kodin penal

    “Ndryshime në Kodin Penal lidhen pikërisht me përgjegjësitë e të gjithë atyre që ndërtojnë në mënyrë të paligjshme, bëjnë shtesa në kundërshtim me lejet e ndërtimeve, dhe lejeve zhvillimore. Apo në rastet kur ato kanë sjellë dëmë që lidhen me pasuritë e qytetarëve, tashmë janë të përcaktuara qartësisht si përgjegjësi penale, me veprime konkrete në Kodin Penal”, përfundoi ministrja.

     

  • VIDEO

    Fatbardh Kadilli takim me demokratët e degës 9 në Tiranë: Basha e ka provuar që s’fiton dot asnjë garë!

    Kandidati për kryetar të PD-së, Fatbardh Kadilli, zhvilloi sot një takim me demokratët e degës 9 në Tiranë, nga ku nuk kurseu akuzat për kryetarin aktual, Lulzoim Bashën.

    Për Kadillin Basha e ja provuar se nuk mund të fitojë asnjë garë dhe se kryeministri Edi Rama e ka mundur ‘sa herë ka pasur qejf’.

    “Basha doli paraditen e së hënës dhe tha vullneti i popullit është në kuti dhe janë numëruar të majtat tani do numërohen të djathtat. Po ti që e dije se janë ca të majta ca të djathta, pse nuk e dije se ça ka në kuti? Vetëm për këtë paaftësi nuk duhej të dilte nga shtëpia ca ditë nga turpi. Të shkëpusni vëmendjen nga një lider nuk është e lehtë, por a keni dëshirë të mbani liderin, apo të fitoni. Ky lider e ka provuar veten që nuk ka fituar asnjë garë. Tani del dhe na thotë ‘Rama nuk do që të jem unë në krye të PD’, ça sikleti ka Rama me këtë? E ka mundur sa herë ka pasur qejf”, tha ai.  

    Kadilli shtoi se programi i tij synon hapjen e partisë që të mos shihet  si pronë e kryetarit, por e demokratëve.

    “Unë jam që partia të mos shihet si pronë e kryetarit, por si pronë e demokratëve, partia duhet të jetë më e madhe se kryetari. Ta kthejmë këtë parti në një parti të hapur që të jenë të gjithë brenda, jo ca të nënës ca të babës”, u shpreh Kadilli.

  • VIDEO

    Rama publikon pamjet mahnitëse të livadheve me Zambakët e Poetit mbi fshatin Xibër- Hane

    Kryeministri Edi Rama ka publikuar pamjet mahnitëse të livadheve me Zambakët e Poetit mbi fshatin Xibër-Hana në Klos.

    'Të njoh me Shqipërinë'- shkruan kreu i qeverisë në videon e publikuar në rrjetet sociale.Report Tv publikoi një ditë më parë një reportazh mbi këto livadhe në fshatin Xibër të Bashkisë së Klosit, ku prej një muaji janë mbushur me lule të bardha. Quhet (Narcissus poeticus) ose Lulja e Poetit. Panorama është mahnitëse, nga do hedh sytë sheh veç bardhësi.

  • VIDEO

    Vuloset rezultati për Gjirokastrën, Kolegji Zgjedhor rrëzon paditë e PD, LSI dhe Vetëvendosje

    Kolegji Zgjedhor ka vulosur rezultatin e zgjedhjeve për qarkun e Gjirokastrës duke rrëzuar të gjitha paditë e bëra nga PD, LSI dhe Vetëvendosje, për zgjedhjet e 25 prillit. Kolegji ka rrëzuar kërkesën e PD për marrjen e provave shtesë për qarkun e Gjirokastrës nga institucionet.

    Përfaqësuesi i PD Ivi Kaso ngriti para Kolegjit shqetësimin sipas tij për votimin e emigrantëve që u ndaluan të vijnë si pasojë e pandemisë.

    “Një mase të madhe iu është mohuar e drejta vetëm, 6 ditë pa zgjedhjeve për të afektuar qartësisht procesin.Dhe në këtë bashki kjo ka efekte te drejtëpërdrejta sidomos në bashkinë Dropull, që në masë më të madhe të popullsisë ka etni greke. Këtu më pak gjysma kanë votuar e atyre që ushtruan të drejtën e tyre në 2013.

    Kas kërkoi në shqyrtim , paraqitemn mbi 20 prova dhe kërkuam prova të tjera që gjendeshin pranë institucioneve shtetërore dhe refuzuan t’i ndajnë me ne, çka përbën implikim para zgjedhor që ndikoi pastaj në votën e qytetarëve. Kemi 30 ankesa për shkelje nga qeveria. Për shirje e njerëzve me rekorde kriminale, që ndikoi në votë, manipulimin e saj, shpërndarja e të mirave materiale gjithashtu një tjetër shkelje, përdorimi i administratës nga partia në pushte, këto janë dhe në raportin e ODIHR”, tha Ivi Kaso.

    Kandidati i pavarur i mbështetur nga Vetëvendosja, Kreshnik Merxhani ka paraqitur para Kolegjit disa pretendime në bazë të të cilave, sipas tij vullneti i qytetarëve është ndryshuar dhe shton se disponohen video ku shfaqen persona të cilët shënjojnë në fletat e votimit. Sipas Merxhanit, vëzhguesit e Vetëvendosjes janë penguar për të kryer punën e tyre, kjo ka ndodhur në raste të përsëritura vazhdimisht. Më parë KAS ka rrëzuar kërkesën e PD për shpalljen të pavlefshme të zgjedhjeve të Gjirokastër. Edhe sot Kolegji Zgjedhor si KAS nuk pranoi marrjen e provave shtesë për Gjirokastrën.

  • VIDEO

    Rama takim me fermerët në Divjakë e Lushnje: Në mandatin e tretë, 1 mld euro eksporte bujqësore

    Investimet dhe mbështetja e dhënë për sektorin e bujqësisë rritur investimet e fermerëve shqiptarë duke synuar gjithnjë e më shumë tregun përtej kufijve.

    Kryeministri Edi Rama kreu disa inspektime në fushat e Myzeqesë ku veçoi edhe një herë se fokusi i qeverisë në mandatin e tretë mbeten fermerët dhe zhvillimi i bujqësisë duke synuar 1 mld euro eksporte.

    'Këtu jemi në Divjakë në një kompleks të madh serash prej 3.6 hektarësh nga ku shihet qartë investimi i në teknologji moderne që prodhon 15 mln fidanë. Ky fermer shqiptar furnizon me fidanë tregun vendas dhe të huaj.'- tha kryeministri.

    Në takimet e tij me fermerët e Divjakës dhe Lushnjës, Kryeministri Rama dhe Ministrja e Ekonomisë Milva Ekonomi, veçuan se se heqja e TVSH për imputet dhe atë të naftës rritën dhe fuqizuan fermerët duke zgjeruar aktivitetin e tyre dhe shtuar gamën produkteve.

    'Edhe heqja e TVSH-së së imputeve dhe e naftës ishte shumë pozitive. Kur erdhëm këtu, kjo zonë mbillej me jonxhë dhe grurë, tani është e gjitha me shalqi dhe perime”, - nënvizoi sipërmarrësi.

     

    “Janë mbështetur me heqjen e TVSH-së së makinerive dhe pajisjeve, ndërkohë duan ta shtojnë investimin dhe për këtë po bëhen gati për një tjetër aplikim”, - u shpreh ministrja Ekonomi.

  • VIDEO

    Lezhë, Basha: PD rrezikon përçarjen nëse dorëzoj drejtimin, beteja jonë është me Ramën

    Është i vetmi mes katër kandidatëve që ka zgjedhur të mos shkojë me një platformë në duar përballë demokratëve, por Lulzim Basha ka bindjen se është i duhuri për të vijuar drejtimin e Partisë Demokratike. Gjatë takimit me strukturat në Lezhë, Basha tha se dorëzimi i partisë mund të cojë në përcarje të saj.

     “Dorëzimi përball atyre që e konsiderojnë 25 prillin fitore të Ramës dhe jo masakër zgjedhore, mund të çoj në lindjen e një përçarje në radhët tona”, tha Basha

    Por Basha pranon se Partia demokratike ka nevojë për ndryshim, duke nisur që nga statuti, për të cilin është kritikuar ashpër.

    “ Bashkë kemi bërë një udhëtim jo thjesht politik, por edhe transformues brenda partisë tonë. Në 2018 kemi miratuar një statut të ri, i kemi dhënë fuqi anëtarësisë, kemi bërë organizime dhe riorganizime dhe padiskutim që ne duhet të vazhdojmë të jemi të gatshëm të bëjmë përmirësime të tjera”, shtoi ai.

    Nga Lezha, Basha deklaroi se beteja e tij është përballë Edi Ramës, ndërsa tha se do ta vijojë zbardhjen e masakrës elektorale, pavarësisht se sipas tij, insitucionet ku PD ka ankimuar zgjedhjet, referuar Komisionit Qendror të zgjedhjeve, janë të kapura politikisht.

    "Parti e vlerave doli në fushatë me vlera, me njerëzit e vlerave, me një program vlerash dhe më një fushatë vlerash. Eshtë padiskutim mençuria politike e demokratëve që ditën përkundër agresionit dhe makinerisë së propagandës disavjeçare të Edi Ramës, jo vetëm qëndrojmë të bashkuar krah më krah njëri-tjetrin në këtë betejë, por ta zgjerojmë e ta forcojmë këtë bashkim siç e bëmë duke përthithur brenda frontit tonë energjinë e të gjithë grupeve të interest që kërkonin ndryshim. Duke nënshkruar për herë të parë në historinë e pluralizmit mbi 12 kontrata midis Partisë Demokratike si forcë e ardhshme qeverisjëse dhe organizatave përfaqësuese të mbi 1.3 milionë shqiptarëv që nga ato të biznesit, e të fermerëve, tek ato të persekutuarve e të pronarëve, që nga ato të mjekëve e të të studentëve, tek ato të turizmit.  Pra, një front, një bashkim vullnetesh vizionesh dhe mbi të gjitha pritshmërish për ndryshim", tha Basha.

     

  • VIDEO

    Pacienti e pret me duartrokitje, kryeministri batuta: Po këtë pse e mbani se qenka në superformë

    Spitali Rajonal i Fierit ka nisur fazën e parë të shërbimeve, ndërsa duket se pacientët janë shumë të kënaqur me kushtet dhe shërbimin e stafit mjekësor.

    Kryeministri Edi Rama inspektoi sot ambiente e spitalit, ndërsa nuk i kurseu batutat me një pacient që e priti me duartrokitje.

    Ai iu drejtua kryeministrit duke i thënë ‘punëtori më i madh i Shqipërisë’, ndërsa Rama iu përgjigj me shaka: “Po këtë pse e mbani se ky qenka në superformë”.

    Dialogu mes Ramës dhe pacientit:

    Pacienti: Zoti kryeministër, punëtori i madhi Shqipërisë, ke bërë edhe Ministren e Shëndetësisë shumë punëtore

    Rama: Po këtë pse e mbani se ky qenka në superformë

    Pacienti: Unë jam i sëmurë, po do shërohem, ti të na rrosh

    Rama: Mirë këtu?

    Pacienti: Këtu qenka fantastike, punonjësit qenkan florinj.

  • VIDEO

    Nis faza e parë e shërbimeve në Spitalin Rajonal të Fierit, Rama: Do jetë si një qendër e transferimit të dijes

    Spitali Rajonal i Fierit ka nisur fazën e parë të shërbimeve. Kryeministri Edi Rama, i shoqëruar nga Ministrja e Shëndetësisë Ogerta Manastirliu, inspektuan sot ambientet e spitalit, ndërsa komunikuan edhe me pacientët e shtruar, të cilët u shprehen të kënaqur për kushtet dhe cilësinë e shërbimit nga stafi mjekësor, i përbërë nga mjekë turq dhe shqiptarë.

    Duke iu drejtuar mjekëve turq, Rama tha se misioni i tyre në Spitalin Rajonal të Fierit do të jetë i dyfishtë pasi, përveç shërbimit, ata do t’i përcjellin kolegëve shqiptarë edhe dijet e tyre. Sipas Ramës, ky spital do të shërbejë edhe si qendër transferimi i dijes për spitalet e tjera në vend.

  • VIDEO

    Kuvendi voton më 9 qershor për shkarkimin e Metës! Balla: Emri i ri në bashkëpunim me opozitën

    Seanca parlamentare ku do votohet për shkarkimin e presidentit Ilir Meta do të mbahet më 9 qershor ditën e mërkurë, në orën 10:00. Vendimi u mor sot nga Konferenca e Kryetarëve në mbledhjen ku u diskutua për votimin e raportit të Komisionit Hetimor për shkarkimin e Metës, që u miratua më 28 maj.

    Kreu i grupit Parlamnetar i PS Taulant Balla, tha se mazhoranca do të marrë kohën e duhur për të shqyrtuar raportin, ndërsa theksoi se  nevoja për shkarkimin e presidentit  është për të çliruar institucionin nga pengmarrja. Pas 9 qershorit Balla tha se mazhoranca nuk ka ardhur me qëllim që të caktojë në krye të presidencës një emër nga radhës e saj. Ndërsa në fund, dha edhe një koment të shkurtër për vendimin e Gjykatës Kushtetuese lidhur me ngërçin institucional mbi emërimin dhe shkarkimin e ministrave.

  • VIDEO

    Zgjedhjet për kryetar të ri, Basha: PD rrezikon përçarjen nëse dorëzoj drejtimin! Beteja jonë është me Ramën, KQZ e kapur politikisht

    Pavarësisht se e bëjnë përgjegjës për humbjen e zgjedhjeve, Lulzim Basha është i vendosur të mos e dorëzojë drejtimin e PD. Referuar  kundërshtarëve brenda partisë, Basha thotë se PD rrëzikon të shkojë drejt përcarjes nëse dorëzohet te ata që e quajnë 25 prillin fitore të Ramës.

Për lajme të tjera kërkoni në arkiv