-
VIDEO
Ndërtimet pa leje/ Shehaj: Prokuroria shumë e ashpër me qytetarët e thjeshtë! Pse njerëzve me pushtet nuk ia shemb askush pallatet
Deputeti opozitar, Agron Shehaj ka saktësuar pyetjen e tij drejtuar Prokurorit të Përgjithshëm, Olsjan Çela lidhur me ndërtimet pa leje. Shehaj thotë se prokuroria është e ashpër me qytetarët e thjeshtë ndërsa pushtetarët janë farë të paprekur nga shkelja e ligjit.
-
VIDEO
Xhafaj: Përdorimi i medias për të nxjerrë sekretet hetimore i papranueshëm, të ndërhyhet me propozime të reja ligjore
Deputeti socialist Fatmir Xhafaj me tone kritike adresoi disa prej problemeve me të cilat po përballet sot drejtësia. Deputeti Xhafaj tha se krijimi i SPAK dhe GJKKO i dha fund kulturës së pandëshkueshmërisë, duke theksuar se tashmë askush nuk është mbi ligjin.
“Askush nuk është mbi ligjin dhe se rëndësia e pavarësisë së institucioneve është absolute pavarësisht fuqisë politike, nga ana tjetër ato janë edhe dëshmi të integritetit dhe profesionalizmit, në hetimin dhe gjykim penal. Prokuroria ka evoluar drejt një modeli modern të pavarësisë së prokurorit. Krijimi i SPAK dhe GJKKO ka qenë hap vendimtar duke ndryshuar kulturën e pandëshkueshme risë dhe barazisë para ligjit”, tha Xhafaj.
Xhafaj tha se duhet forcuar statusi profesional i prokurorëve.
“Te ky raport bëhet e dallueshme mënyra se si e shohim dhe si duam ti kemi këto institucione. Kam një respekt të veçantë për punën e prokurorëve tanë që përballen me ngarkesë e kushte të vështira infrastrukture dhe presione. Janë në vijën e parë të përballjes me krimin, presionin dhe ndaj që në momentet e para të hartimit të reformës, kam mbështetur me forcë, për forcimin e statusit të tyre profesional, garanci për pavarësinë, karrierën dhe mbrojtjen e integritet institucional”, theksoi Xhafaj.
Kritika ka edhe për sekretet hetimore që rrjedhin në media, duke thënë se kjo tashmë është e papranueshme.
“Përdorimi i medias për të nxjerrë sekret hetimor është i papranueshëm. Gjyqtari dhe prokurori duhet ti shërbejnë institucionit publik përmes ligjit dhe jo karrierës personale. Jemi pak të vonuar, duhet ndërhyrje përmes mekanizmave ligjor ose me propozime të reja ligjore”, vijoi Xhafaj.
-
VIDEO
Berisha sulmon Toni Gogun: Është Nesti Angoni që kallëzoi Veliajn në SPAK
Berisha sulmoi ministrin e Shtetit për Marrëdhëniet me Parlamentin, Toni Gogu, duke thënë se emri i tij qëndron pas anonimit Nesti Angoni që kallëzoi Erion Veliajn në SPAK.
-
VIDEO
A gënjeu Irena Gjoka në formularin e dekriminalizimit? Olsian Çela: Jemi në pritje të përgjigjes nga Greqia
Prokurori i Përgjithshëm, Olsian Çela u pyet nga deputetët e opozitës për gjyqtaren e Posaçme, Irena Gjoka të cilën e akuzojnë se ka fshehur një dënim nga Greqia për falsifikim dokumentesh. Në përgjigje, Çela tha se çështja është trajtuar edhe më herët gjatë raportimit në Komisionin e Ligjeve, duke theksuar se mosdeklarimi i të dhënave të vërteta në formularin e dekriminalizimit përbën vepër penale. Ndërsa sa i takon pyetjes për sanksione administratave, Olsian Çela tha se në përfundim të verifikimit ia dërgojmë organit kompetent.
-
VIDEO
Çela: Duhet rikonceptim për masat e sigurisë ndaj magjistratëve! Mungesa e përvojës ndikon në cilësinë e hetimeve! Drafti i Kodit Penal? S'ka humanizëm
Prokurori i Përgjithshëm, Olsian Çela po iu përgjigjet pyetjeve të deputetëve në Kuvend. I pyetur për kushtet e punës së Prokurorive pas reformës në drejtësi, ai tha se një shqetësim të tillë e ka ngritur prej vitesh dhe se një ndër çështjet që duhet adresuar urgjent është situata në disa godina, sidomos në Tiranë. Sa i përket sigurisë së magjistrave, Çela theksoi se është e nevojshme që të ketë një rikonceptim total të masave.
-
VIDEO
Arrestimi i avokatit pas përplasjes me prokurorin në gjykatë, Çela: Nuk duhet të ndodhte! Vjen nga përvoja e re e prokurorëve në profesion
Prokurori Çela ka folur dhe për arrestimin e avokatit Ulian Barjami pas përplasjes në sallën e gjyqit me prokurorin Gjergji Ceka. Ky i fundit pretendoi se u kërcënua nga Barjami pasi ky i fundit tha ‘do të merrem personalisht me ty’.
-
VIDEO
Vrasja e gjyqtarit Kalaja, Çela në Kuvend: Ka shumë punë për të përmirësuar sigurinë, duhet vepruar urgjentisht
Kryeprokurori Olsian Çela në Kuvend është pyetur edhe për sigurinë në institucionet e drejtësisë, pas vrasjes në sallën e Gjykatës së Apelit të gjyqtarit Astrit Kalaja. Çela tha se ngjarja e rëndë është një nxitje për të vepruar sa më urgjentisht, duke theksuar se sa i përket sigurisë ka shumë vend për të përmirësuar.
-
VIDEO
Hetimet për pastrim parash? Çela në Kuvend: Kemi ende shumë punë për të bërë
Kryeprokurori i Përgjithshëm, Olsian Çela iu përgjigj pyetjes së deputetes Jorida Tabaku, lidhur me numrin e referimeve nga Drejtoria e Tatimeve dhe institucioneve të tjera të inteligjencës financiare për veprat penale të pastrimit të parave.
-
VIDEO
Ndërtimet pa leje/ Prokurori Çela: 1130 procedime për vitin 2024! Duhet të hetohen institucionet përkatëse dhe zyrtarët që kanë lejuar zhvillimin e paligjshmërisë
Prokurori i Përgjithshëm Olsjan Çela, ka dhënë përgjigje dhe lidhur me ndërtimet pa leje në vend, nëse ka pasur apo jo referime nga zyrtarë apo institucionet përkatëse, dhe në rast se jo, a jemi përpara veprës penale të shpërdorimit të detyrës, thuhej në pyetjen drejtuar Çelës.
-
VIDEO
Olsian Çela i përgjigjet opozitës në Kuvend: Po hetohet përdorimi i administratës në fushatë zgjedhore
Kryeprokurori i Përgjithshëm, Olsan Çela iu përgjigj pyetjes së deputetit të PD, Agron Gjekmarkaj në lidhje për krimet zgjedhore. Çela bëri me dije se aktualisht janë në hetim disa çështje penale të shpërndara në të gjithë territorin e vendit, që lidhen me përdorimin e administratës publike dhe të fondeve shtetërore gjatë fushatave zgjedhore.
-
VIDEO
Raporti për 2024-ën/ Prokuroria e Përgjithshme në Kuvend: Nga numri i ulët i prokurorëve, rritja e kriminalitetit e deri tek infrastruktura e dobët
Prokurori i Përgjithshëm, Olsian Çela ka raportuar për të dytën herë bilancin e punës së kryer nga Prokuroria e Përgjithshme për vitin 2024, kësaj radhe në Kuvendin e Shqipërisë. Fillimisht raporti është prezantuar në Komisionin e Posaçëm të Ligjeve, ndërsa sot Çela do t’i përgjigjet dhe pyetjeve të ligjvënësve.
-
VIDEO
E sulmon nga SPAK, a po i shmanget Berisha përballjes me Dumanin në Kuvend? Kreu i PD: Mercenar, u kthye në avokatin e Ballukut
Kjo seancë pritej që të përballte Sali Berishën me Dumanin, hera e parë që kur SPAK nisi hetimet për aferën Partizani dhe kërkoi masë sigurie ndaj tij. Në raportimin e një viti më parë të Dumanit në Kuvend, Berisha ishte në arrest shtëpie.