-
VIDEO
Festa e Rroshnikut, panair me produkte ‘bio’ nga 13 fshatra të Beratit, fermerët: Të rregullohet rruga, të çojmë prodhime në treg
I njohur për pemtarinë e bukuritë e natyrës fshati Rroshnik i Beratit ka organizuar panairin e përvitshëm me prodhime “bio” të zonës , ku dominojnë arrat, verërat, rakia dhe fiqtë e Beratit. Në stenda të ndara fermerët kanë prezantuar prodhimet nga 13 fshatra ndërsa kërkojnë më shumë mbështetje nga shteti për nxjerrjen e produkteve në treg.
-
VIDEO
Seanca në Apelin e GJKKO për Adriatik Llallën, ish kryeprokurori ndodhet në spital! Avokati: Vuan nga një sëmundje e rëndë! Gjykata nuk pranon më prova, tërhiqet për vendim
Apeli i Gjykatës së Posaçme kundër Korrupsionit është tërhequr për të marrë një vendim përfundimtar për ish kryeprokurorin Adriatik Llalla, i cili kërkon shpalljen e pafajësisë ose rikthimin për gjykim të çështjes sërish në Shkallën e Parë por me një tjetër turp gjykuese. Trupi gjykues nuk ka pranuar asnjë provë të re të paraqitur nga avokati mbrojtës Sokol Hazizaj.
-
VIDEO
Durrës/ Falsifikonin tamponët COVID për qytetarët që udhëtonin drejt BE, arrest në burg për punonjësin e një laboratori dhe të një agjencie turistike, detyrim paraqitje për 3 të tjerë
Bëhet me dije se janë lënë në burg Blerim Maloku, punonjës në laboratorin 'Medical Care Lami" dhe Artiola Budani, punonjëse në agjencinë turistike 'Kristal Travel. Ndërkohë gjykata ka caktuar masën e sigurisë 'detyrim paraqitje' për Asllan Divën dhe Albiona Cukën, punonjës në labortaorin 'Medical Care Lami", si dhe për Violeta Begejan, punonjëse në një agjenci udhëtimi.
-
VIDEO
Linjat urbane përgjysmojnë autobusët në Tiranë! Vëzhgimi i Report Tv, qytetarët 'të patrembur' përballë COVID, grumbull dhe pa maska! I moshuari: Këta marrin vesh veç me kërbaç
Pavarësisht rritjes së rasteve me COVID, mbajtja e maskës në ambiente të mbyllura nuk po gjen zbatim, e veçanërisht në mjetet e transportit publik. Nga një vëzhgim i Report Tv në Tiranë, shumica e udhëtarëve janë pa maska ndërsa në autobusët urbanë është thuajse e pamundur të ruhet distanca sociale.
-
VIDEO
Tragjedia në spitalin COVID në Tetove, Rama: Ngushëllime familjarëve të viktimave, një përqafim për mbarë popullin e Maqedonisë së Veriut
Kryeministri Edi Rama e ka nisur mëngjesin e tij me ngushëllime për familjet dhe viktimat e tragjedisë së mbrëmjes së djeshme në spitalit COVID në Tetovë.
Me në fjongo e cila simbolizon zinë, kryeministri i ka dërguar edhe një “përqafim vëllazëror” komunitetit tetovar dhe mbarë popullit të Maqedonisë së veriut për këtë ngjarje të rëndë.
“Mirëmëngjesi dhe duke u bashkuar me të gjithë ju në ngushëllimet më të ndjera për familjet e viktimave të tragjedisë së mbrëmshme në spitalin Covid të Tetovës, si edhe në përqafimin vëllazëror për krejt komunitetin tetovar dhe mbarë popullin e Maqedonisë së Veriut, ju uroj një ditë të qetë juve e gjithë familjeve tuaja”, shkruan Rama në rrjetin e tij social.
-
VIDEO
Rriten frikshëm rastet e reja me COVID në vend, 1079 persona rezultojnë pozitiv me koronavirus, ndërrojnë jetë 5 qytetarë
Shifrat e personave të infektuar me COVID në vendin tonë në 24 orët e fundit janë rritur frikshëm. Nga 6732 testime të kryera kanë rezultuar pozitiv me COVID, 1079 qytetarë. Sakaq betejën me sëmundjen nuk e kanë fituar 5 qytetarë të cilët kanë ndërruar jetë: dy qytetarë nga Tirana të moshave 61-68 vjeç, dy qytetarë nga Elbasani të moshave 56-76 vjeç dhe një qytetar 77 vjeç nga Shkodra
-
VIDEO
Alban Zusi: Rritja e çmimeve si pasojë e ndikimit nga tregu ndërkombëtar! Brenda muajit njerëzit do të kenë 20% më shumë shpenzime, të merren masa! Të hetohen abuzimet
Shqiptarët duke filluar nga ky muaj do të kenë 20% më shumë shpenzime në konsumin e përditshëm dhe Qeveria duhet të marrë masa, sidomos në mbështejeve të familjeve në nevojë.
Apelin e ka bërë në studion e Report Tv, kryetari i Shoqatës së Eksportuesve, Alban Zusi, i cili ka konfirmuar se rritja e çmimeve në vend për prodhimet e shportës ka ardhur kryesisht si rezultat i ndikimeve nga tregu ndërkombëtar. Sipas tij gjithçka ka nisur në tregjet ndërkombëtare.
-
VIDEO
Nisja e legjislatures së X të Parlamentit, nesër seancë paradite dhe pasdite, betohen deputetët dhe zgjidhet kreu i ri i Kuvendit! Të gjitha procedurat dhe hapat ligjorë
Deri në zgjedhjen e Kryetarit të Kuvendit mbledhja e parë do të drejtohet nga deputeti më i vjetër në moshë. Në rast mospranimi ose mungese, mbledhja drejtohet nga deputeti që është pas tij më i vjetër në moshë. Me shumë mundësi seanca e 10 shtatorit do të drejtohet nga Luljeta Bozo, deputetja më e vjetër në moshë në këtë legjislaturë të Kuvendit.
-
VIDEO
Dëshmitarët okularë, tragjedi si kjo nuk mbahet mend! Ngado mund të shikoje pikëllim e të dëgjoje britma njerëzish
Një ngjarje e tillë nuk është parë tillë, kurrë në historinë e qytetit, është shprehur kështu një nga dëshmitarët okular të zjarrit të mbrëmshëm.
“Mbrëmë kemi parë një tragjedi të cilën nuk e kemi parë që 40 vite në këtë lagje. Jetoj këtu afër t’ju them të drejtën jam pa gjumë, sikurse e dhe ju, me siguri gjithë natën keni bërë hulumtime. Kjo si ngjarje që kam parë unë, ka ndodhur diku ora 21:04 ose 21:05 minuta, në këtë moment dikush është lajmëruar, ka njoftuar organet kompetente, zjarrfikësit, policinë. Në ora 21:10 minuta kam qenë këtu afër diku, zjarrfikësit ishin në vendngjarje, aq sa kanë mundur ata ta bëjnë punën e vete… Kemi ndihmuar familjarët me ujë me diçka, u munduam që të ndihmojmë të shpëtojmë, por ata që kanë shpëtuar nga brenda kanë ndihmuar veten, kanë pas fuqi dhe kanë dalë, sepse e dimë që kanë qenë në terapi intensive”, u shpreh një dëshmitar okularë.
Ndërkohë një tjetër dëshmitarë hedh dyshime se mos vallë zjarri ka qenë i qëllimshëm, duke pas parasysh se kohë më parë persona të panjohur tentuan ti dëmtojnë gypat e oksigjenit.
“Jam jashtëzakonisht i shqetësuar, kjo nuk përshkruhet me fjalë, mendoj mos është e qëllimshme. Në rast se është e qëllimshme, nuk është e njerëzishme… Se njëherë gypat i prenë për aspiratorët, e tash kjo e dyta…”, u shpreh një tjetër dëshmitarë.
Dëshmitarët të tjerë shprehen se ka pasur britma të mëdha njerëzish, ndërkaq shtojnë se flakët kanë shpërthyer shumë shpejtë. Qytetarët thonë se në vendin e ngjarjes për rreth 10 minuta kanë qenë prezent edhe zjarrfikësit, por fatkeqësisht zjarri ka shkrumbuar godinën për shumë pak kohë.
“Jam shumë i tronditur! Nuk e di deri ku do të shkojë, ky shtet si do të funksionojë kështu. Më vjen keq për njerëzit që jetojnë këtu. Unë jam mysafir jam këtu në pushim. Më vjen keq për njerëzit që jetojnë këtu. Kjo është skandal!”, thotë një mërgimtar nga Tetova.
“Isha brenda në oborr. Dëgjuam disa britma njerëzish, çfarë ishte…Nuk i dhashë rëndësi, thash fëmijët janë. Kur pas 10 minutave dëgjova se është djegur spitali. Zjarr i madh. Britma të mëdha kanë qenë, tragjedi. Pas 10 minutave a kishte vetura të zjarrfikësve? Po po kishte”, thotë një qytetarë i Tetovës.
“Me sy kur erdha unë vetëm flakën e pashë, tymin. Prej nga ura poshtë e pash tymin. Dmth shumë tym, shunë lartë, dmth edhe era vinte deri poshtë. 30 metra lartë zjarri. Katastrofë ka qenë, ulërime e madhe pikëllim e madhe”, tha një dëshmitar.
-
VIDEO
Përgjaket fushata e zgjedhjeve vendore në Kosovë, dy politikanë të PDK-së vrasin me armë njëri-tjetrin! Sherri nisi në një lokal
PEJË- Në prag të zgjedhjeve lokale që do të mbahen më 17 tetor, dy politikanë të Partisë Demokratike të Kosovës kanë vrarë me armë zjarrin njëri-tjetrin. Përkatësisht viktima kanë mbetur, Astrit Ademaj, i cili ishte kandidat për kryetar në Pejë dhe Blerand Kadrijaj, ish-kandidati për kryetar i Deçanit në vitin 2017, po nga partia e PDK-së. Dy viktimat dyshohet se kanë qenë në një lokal dhe fillimisht janë konfliktuar fizikisht, më pas ky konflikt ka agravuar deri në përdorimin e armëve të zjarrit, ku Ademaj dhe Kadrijaj kanë qëlluar me armë drejt njëri-tjetrit. Ndërsa i plagosur ka mbetur edhe vëllai i Astrit Ademajt, Avni Ademaj, i cili është arrestuar nga Policia. Policia ka sekuestruar dy armët e gjetura në vendngjarje. Sipas Zëdhënësit të Policisë, Driton Rugova, dy viktimat kanë mbërritur pa shenja jete në Spitalin e Pejës. “Rreth orës 20:20 minuta policia është informuar se në afërsi të shkollës Ekonomike në Pejë ka të shtëna me armë zjarri. Me të marrë informacionin policia ka dalë në vendin e ngjarjes dhe është kuptuar se nga këto të shtëna tre persona kanë pësuar lëndime trupore. Të njëjtit janë dërguar në spitalin rajonal në Pejë dhe gjithnjë sipas ekipit mjekësor, kanë konstatuar vdekjen e dy viktimave. Në vendin e ngjarjes janë njësitë relevante të policisë së Kosovës gjithashtu edhe Prokuroria e shtetit”, tha Rugova. Ngjarja ka ndodhur rreth orës 20:20 në afërsi të shkollës Ekonomike “Ali Hadri” në Pejë. Ende nuk dihen rrethanat e plota të ngjarjes, por grupi hetimor ndodhet në terren dhe po punon për zbardhjen e plotë të saj.
-
VIDEO
14 viktima nga zjarri në spitalin COVID në Tetovë, gazetari nga Maqedonia e Veriut për Report Tv: Ka pasur denoncime para disa muajsh për anomali në ndërtimin e godinës
Tetova u trondit mbrëmjen e djeshme nga një zjarr që përfshiu spitalin COVID, ku la të vdekur 14 pacientë. Ngjarja e rëndë tronditi të gjithë rajoni , ndërsa Tetova shpalli 3 ditë zie. Kush ishin shkaqet e zjarrit, ende nuk dihet. Gazetari nga Maqedonia e Veriut, Zekirja Mexhiti në një lidhje për Report Tv tha se kanë nisur hetimet për të zbuluar shkaqet e rënies së zjarri dhe pa u kuptuar kjo nuk mund ‘i vihet gishti se kush është fajtori dhe duhet të mbajë përgjegjësi. Gazetari u shpreh se në media ka pasur denoncime para pak muajsh në ligje me anomalitë që janë bërë në ndërtimin e këtij spitali COVID, por është ende e paqartë nëse ngjarja tragjike ka ndodhur prek këtyre anomalie apo jo. Ai tha se ka pasur reagime që kërkojnë dorëheqjen e qeverisë.
-
VIDEO
14 viktima nga zjarri në spitalit COVID, Tetova shpall 3 ditë zie
Pas tragjedisë që ndodhi mbrëmë në Covid-Qendrën në Tetovë, në një mbledhje të jashtëzakonshme të Këshillit të Komunës, u vendos që në Tetovë të shpallet tre ditë zie.
Kryetarja e Komunës së Tetovës, Teuta Arifi në një dalje për media, bëri të ditur se do të ndihmohen familjet për të tejkaluar këtë situatë. Teksa shprehu ngushëllimet, Arifi tha se shkaqet e kësaj tragjedie do të hetohen deri në fund.
“Jam shumë e bindur që institucionet do të shikojnë të gjitha pistat dhe pasojat janë aq të mëdha dhe duhen gjetur shkaqet e kësaj tragjedie. Ju shpreh ngushëllime familjarëve që kanë humbur familjarët e tyre”, tha Arifi.