• VIDEO

    Me shpejtësi 3-fish mbi normën e lejuar, të dehur në timon e gara shpejtësia, Policia Rrugore bën bilancin e korrikut: 344 drejtues mjetesh të arrestuar dhe mbi 46 mijë të gjobitur

    Në një bilanc për muajin korrik, Policia rrugore bën me dije se janë arrestuar në flagrancë 344 drejtues mjetesh dhe motomjetesh, nga të cilët 184 për drejtim mjeti pa leje drejtimi dhe 160 për drejtim mjeti në gjendje të dehur.

  • VIDEO

    Gjirokastër/ Zjarri në Lunxheri, flakët i drejtohen banesave, urdhër për evakuimin e banorëve! Peleshi: Tregohuni bashkëpunues

    Vihet në kontroll zjarri në fshatin Palokastër në Bashkinë Gjirokastër ku u krijuan 2 vatra të rrezikshme që prej ditës së djeshme. Vënian në kontroll e flakëve është bërë e mundur gjatë orëve të vona të natës së djeshme falë ndërhyrjes energjike te PMNZSH Gjirokastër duke lënë pas një territor të djegur gati 5 ha kryesisht kullote.

    Ndërsa në Lunxheri janë riaktivizuar sërish vatrat e zjarrit. Përgjatë 14 orëve zjarret në këtë fshat kanë shkaktuar një bilanc të rënduar në djegien e kullotave dhe drurëve frutorë sidomos në fshatrat Qesarat, Dhoksat dhe Valare.

  • VIDEO

    Pika e re kufitare, kryeministri i Malit të Zi: Konfirmim i forcimit të lidhjeve tona! Pa njëri-tjetrin nuk mundemi, bashkë mund të bëjmë shumë

    I pranishëm në Grabom të Malësisë së Madhe, ku u hap pika e re kufitare, kryeministri i Malit të Zi, Zdravko Krivokapiq tha se kjo konfirmon forcimin e lidhjeve mes dy vendeve. Krivokapiq e vuri theksin te bashkëpunimi, ndërsa tha se vendet nuk mund të bëjnë pa njëri-tjetrin, pro se bashkë mund të bëjnë shumë.

    “Kam kënaqësi të veçantë të marrë pjesë në këtë eveniment solemn, në hapjen e pikës së dytë kufitare mes Malit të Zi dhe Shqipërisë. Më kujtohet shumë mirë kur kemi pasur një kufi të hekurt, një perde të hekurt mes Shqipërisë dhe Malit të Zi. Pikërisht këto kazerma dhe bunkerë që kemi pas këtu, të bënim të ndjeheshe sikur po jetonim në dy planetë të ndarë, pa komunikim. Falë përpjekjeve tona të përbashkëta në drejtim të BE, tashmë kemi këto pika kufitare moderne që dëshmojnë mbi besimin mes dy vendeve tona dhe i lejojnë qytetarëve të kalojnë lirshëm, pa pritur dhe pa humbur kohë në këto pika kufitare. Ky eveniment sot dëshmon për marrëdhëniet mes dy vendeve tanë, premtimi që bëhet duhet të mbahet. Besa e dhënë në Shqipëri dhe fjala në Mal të Zi, nuk ka kërkuar vulë, por gjithmonë është respektuar. Rruga jonë e vetme është ajo drejt BE. Kjo është edhe konfirmim i forcimit ët lidhjeve tona, të realizimit të potencialeve të këtyre vendeve. Pa njëri-tjetrin nuk mundemi dhe bashkë mund të bëjmë shumë”, tha ai.

    •  
  • VIDEO

    Ballkani i Hapur, hapet pika e përbashkët kufitare me Malin e Zi në Grabom të Malësisë së Madhe, Rama: Qëllimi ynë që njerëzit të ndjehen dhe të jenë të lirë si në BE

    Është hapur sot në Grabom të Malësisë së Madhe një pikë  e përbashkët kufitare me Malin e Zi, në vazhdën e lehtësimit të lëvizjes drejt një Ballkani të Hapur. Lajmi u bë me dije nga kryeministri Edi Rama, i cili ndodhet në Grabom.

    I pranishëm në Grabom, Rama në fjalën e tij në ceremoni është shprehur se në këtë pikë të re kufitare me Malin e Zi qëllimi është që njerëzit e rajonit të ndjehen dhe të jenë të lirë si në BE.

  • VIDEO

    Zjarr në një pikë skrapi në Babrru, shtëllungë tymi në qiellin e Tiranës! Nuk ka të lënduar

    KAMËZ-Teksa e gjithë vëmendja është e përqendruar në zjarret në pyjet e vendit, sidomos në jug, një tjetër vatër zjarri është konstatuar në Tiranë para pak minutash.

    Zjarri ka rënë në një pikë skrapi në territorin e Bashkisë Kamëz. Nga informacionit paraprake mësohet se nuk ka asnjë person i lënduar deri tani.

  • VIDEO

    Standard & Poor’s vlerëson ekonominë shqiptare me B+: OK për reformat, rritje ekonomike prej 5% deri në fund të 2021

    Agjencia prestigjioze financiare Standard & Poors konfirmon vlerësim në “B+” dhe perspektivën “e qëndrueshme” të ekonomisë për Shqipërinë. Agjencia parashikon që ekonomia deri në fund të këtij viti të rritet me 5 % ndërsa gjatë 2022 prodhimi i brendshme bruto të arrij në nivelet e 2019 para pandemisë

  • VIDEO

    Fshehën dhe nuk deklaruan pasuritë, SPAK çon për gjykim në GJKKO ish kreun e Gjykatës Kushtetuese, Bashkim Dedja dhe ish anëtarin Fatos Lulo

    Bashkim Dedja, me detyrë ish-Kryetar i Gjykatës Kushtetuese të Republikës së Shqipërisë, dhe Fatos Lulo ish anëtar i Gjykatës Kushtetuese janë dërguar në GJKKO nga SPAK pas përfundimit të hetimeve për mosdeklarim dhe fshehje pasurie.

  • VIDEO

    Aksident te Uji i Ftohtë në Vlorë, makina bie në ferra

    Një aksident ka ndodhur sot në zonën e Ujit të Ftohtë në Vlorë.

    Një makinë ka dalë nga rruga dhe është futur në ferra.

  • VIDEO

    Ministria e Mbrojtjes jep informacione për zjarret: Rreth 500 efektivë të FA në terren, rrezik në Dukat e Llogara! Vatër aktive edhe në fshatin Cukal

    Ministria e Mbrojtjes ka dhënë informacione lidhur me situatën e zjarreve në vendin tonë.

    “Rreth 500 efektivë të Forcvave të Armatosura, 50 mjete, 3 helikopterë, zjarrfikëse e autoambulanca janë angazhuar prej orëve të para të mëngjesit të sotëm në operacionin për shuarjen e flakëve në Gadishullin e Karaburunit. Flakët kanë vijuar të jenë aktive përgjatë natës, duke u kthyer në rrezik për banorët e fshatit Dukat. Aksioni po vijon prej orësh nga toka dhe nga ajri për të vënën nën kontroll flakët, në mënyrë që ato të mos përparojnë drejt Parkut të Llogarasë”, thotë ministria.

    Një tjetër vatër aktive është në fshatin Cukal, thotë ministria është në njësia administrative Shllak, bashkia Vau Dejës, ku ka rënë zjarr në një sipërfaqe me shkurre dhe pemë të ndryshme. Shërbimi vendor i MZSH Vau Dejës ndodhet në vendngjarje dhe po punohet për shuarjen e flakëve.

    Gjithashtu puna po vijon për vënien nën kontroll të zjarrit të rënë në fshatin Qesorat, të njësisë administrative Lunxhëri në bashkinë e Gjirokastrës, ku bashkë me punonjësit e shërbimit të zjarrfikëses së këtij qarku janë bashkuar edhe 20 efektivë të FA.

  • VIDEO

    Era favorizon përhapjen e flakëve, rrezikohet ushtria, ndërpritet operacioni në Dukat të Ri

    Për shkak të erës së fortë e cila favorizon përhapjen e flakëve është ndërprerë operacioni i shuarjes së zjarrit në fshatin Dukat i Ri.

    Puna e ushtrisë në terren është ndërprerë për shkak se atyre u rrezikohet jeta nga flakët. Rreth 500 FA janë angazhuar për të vënë flakët në kontroll në të gjitha vatrat e rrezikshme.

  • VIDEO

    Zjarret në vend, Niko Peleshin e nervozojnë pyetjet e Report Tv, lë intervistën përgjysmë: Kemi 500 ushtarë në terren, kapacitetet i kemi të limituara

    VLORË-Ministri i Mbrojtjes, Niko Peleshi, është parë serish sot në terren pas kritikave të shumta për neglizhencë në luftën me flakët që kanë 'pushtuar' vendin, sidomos në Qarkun e Vlorës.  Nga Dukati, ai foli në një intervistë edhe për Report Tv, ku u shpreh se strukturat e Ministrisë së Mbrojjes janë në terren dhe 500 trupa po ndihmojnë në shuarjen e flakëve.

    Sipas tij, përvecc helikopterit të ushtrisë gjatë ditës së sotme do të ndihmojnë edhe 2 helikopterë të kontraktuar nga privatët.

  • VIDEO

    Zjarret në Vlorë, në Karaburun deri tani janë djegur mbi 600 hektarë

    Dëmet e shkaktuara nga zjarret në Vlorë janë kolosale. Vetëm në Karaburun, gazetari i Report TV Armand Xhelili raporton se ka mësuar se janë djegur mbi 600 hektarë. Kjo tregon se helikopteri i ngritur prej 2 ditësh në ajër për shuarjen e flakëve është me vonesë, pasi nëse do të ishin nxjerrë më herët dëmet nuk do të ishin kaq të mëdha dhe situata do të ishte më në kontroll.

    •  

Për lajme të tjera kërkoni në arkiv