• VIDEO

    Pamje ekskluzive nga 400 kg kokainë të kapura në Kosovë, mbështjellë me imazhin e whiskyt brazilian

    Gazetari i Report Tv Arsen Rusta ka siguruar pamje ekskluzive të 400 kg kokaine të kapur në Kosovë, e cila ka kaluar me një kamion mishi nga Porti i Durrësit. Janë 20 pako kokaine të futura në kutitë e mishit të pulës.

  • VIDEO

    'Kokainë kishte ardhur nga Brazili', policia e Kosovës: Vlen rreth 20 milionë euro, janë sekuestruar, armë, para dhe makina

    Kryeprokurori i Kosovës, Aleksandër Lumezi, së bashku me drejtorin e Policisë së Kosovës, Samedin Mehmeti, si dhe përfaqësuesit e autoriteteve italiane dhe atyre shqiptare, thanë në një konferencë për shtyp se 7 persona janë arrestuar për kapjen e 400 kg kokainë në Lipjan.

    Mehmeti tha se është sekuestruar një sasi e lartë prej 400 kilogramë kokainë, si dhe një armë, ndërsa operacioni është duke vazhduar.

    'Deri tani janë arrestuar 7 persona nga Kosova, janë konfiskuar 400 kg kokainë, 1 armë dhe lloje të ndryshme të veturave që gjendeshin në depo'- tha Mehmeti.

    Sakaq kryeprokurori Lumezi tha se ky kontingjent kokaine me vlerë rreth 20 mln euro, dyshohet se ka ardhur nga Brazili, ka kaluar nëpërmjet Italisë në Shqipëri e më pas edhe në Kosovë, ndërsa hetimet vazhdojnë në të trija vendet.

    'Ju njoftojmë se me urdhër të Prokurorisë Speciale të Kosovës dhe në bashkëpunim me Policinë e Kosovës dhe autoritetet italiane dhe ato të Shqipërisë, janë ndërmarrë masa dhe veprime që kanë rezultuar me konfiskimin e 400 kg kokainë, vlera e së cilës është rreth 20 milionë euro dhe janë sekuestruar sasi e parave, veturave dhe gjësendeve të tjera, të cilat do të përdoren në procedurat e radhës. Dëshiroj të them se gjatë fazës së hetimeve janë përdorur masa të fshehta, ku kemi përcjellë lëvizjen e kësaj ngarkese, nga Brazili në Itali, pastaj në Durrës dhe deri në arritjen e destinacionit, pra në Republikën e Kosovës'- tha Lumezi.

    Ndërkaq, Kryeprokurori i Shtetit, Aleksandër Lumezi, tha se një aksion i tillë nuk mund të luftohet nga një shtet i vetëm, prandaj edhe janë bërë bashkë për të vepruar kundrejt kësaj vepre kriminale.

    “Jemi të vetëdijshëm që rreziqet bashkëkohore të drejtësisë dhe sigurisë nuk mund të luftohen nga një shtet i vetëm, prandaj kemi bashkëpunuar me partnerët tanë”, ka thënë Lumezi

  • VIDEO

    Kapja e 400 kg kokainë në kamion, autoritetet e Kosovës: Janë arrestuar 7 kosovarë

    Autoritetet e prokurorisë së Kosovës në një konferencë për mediat lidhur me kapjen e 400 kg kokainë tha se deti tani janë arrestuar 7 persona , shtetas të Kosovës dhe janë shpallur në kërkim edhe disa persona të tjerë të përfshirë në këtë ngjarje. Autoritete thanë se ato janë identifikuar dhe se po punohet për kapjen e tyre.

     “Janë arrestuar 7 persona te Kosovës, në kërkim te disa personave të tjerë të identifikuar nga policia dhe po punohet për kapjen e tyre. Substanca narkotike është gjetur në një vend në Lipjan, bastisje të tjera janë bërë edhe në vend të tjera! Mund të ketë lidhje edhe me organizata ndërkombëtarë, është fjala për 7 shtetas të arrestuar të Republikës së Kosovës, operacioni është duke vazhduar dhe mund të ketë ndryshime. Në lokacione është bastisur me qëllim gjetjen e substancës narkotike. Janë 7 shtetas kosovar që janë arrestuar. Operacioni është në vazhdim nuk nënkupton që do të ketë të tjerë”, thanë autoritetet e Kosovës.

    Ditën e sotme janë kapur në një kamion me pula në Lipjan të Kosovës me 400 kg kokainë e fshehur në 20 arka.

  • VIDEO

    400 kg kokainë e sekuestruar në Kosovë, prokurori Vladimir Mara: Janë përdorur metoda speciale të hetimit

    Prokurori shqiptar i çështjes, Vladimir Mara gjatë konferencës së përbashkët të zhvilluar në Kosovë për kapjen e 400 kg kokainë tha se është një ndër hetimet më të mira të kryera, me metoda speciale.

    'Në fakt është ndër hetimet më të mira që ne kemi ndjekur për shkak të metodave speciale të hetimit që kemi përdorur. Ky hetim është nisur në Itali, pastaj në Shqipëri dhe më pas në Kosvë, hetimet vazhdojnë në të tria vendet.'- tha Mara.

  • VIDEO

    Kapja e 400 kg kokainë në kamion në Kosovë, Kraja: Operacioni tregoi efikasitetin e strukturave tona

    Kreu i SPAK , Arben Kraja, i cili ishte i pranishëm në Kosovës për operacionin e ndodhur ditën e sotme ku u kap një kamion me 400 kg kokainë, që kishte kaluar nga porti i Durrësit, tha se kjo nxori në pah jo vetëm që krimi ka zgjeruar territorin e veprimit, por që nëse shtete bashkëpunojnë mund ta luftojnë atë.

    “Ka dy momente qe duhen vlerësuar nga kjo ngjarja se grupet kriminale po organizohen në një territor shumë të gjerë nga Brazili, Itali, Shqipëri e Kosovë. Por gjithashtu doli në pah se bashkëpunimi mes vendeve do të sjellë sukses në goditjen e tyre.  Bllokimi i sasive të tillë 400 kg kokainë tregon efikasitetin e strukturave tona ishte i duhur dhe i suksesshëm”, tha Kraja

    •  
  • VIDEO

    Niset për kurim në shtetin gjerman/ Kunata: Ishte në gjendje të rënduar,u zhduk nga spitali

    Kristina Dauti ka humbur kontaktet me familjen në Shqipëri prej datës 4 nëntor të vitit 2020. 64-vjeçarja me origjinë nga Korça, prej 1 viti jetonte në Hamburg të Gjermanisë e vetme, ku kishte shkuar për t’u kuruar. Kunata e saj Vasilika Dauti, iu drejtua emisionit “Pa Gjurmë” në Report tv për ndihmë, ndërsa rrëfeu sesi më 4 nëntor të vitit 2020 patën të fundit telefonatë me Kristinën. Ajo kishte probleme në ecje që në lindje, ndërsa çalonte, një problem i cili ishte bërë mjaft shqetësues për të kohët e fundit. Gjermania ishte i vetmi vend, ku i kishin dhënë shpresa, aty ku pritej t’i nënshtrohej edhe një operacioni. Pak para se të zhdukej, gjendja e saj shëndetësore ishte përkeqësuar së tepërmi. Kjo gjë vuri në alarm familjarët në Shqipëri, pasi 64-vjeçarja mbylli çdo komunikim të mundshëm edhe në rrjetet e saj sociale. ’Në telefonatën e fundit, kur fola me kunatën time, ajo ishte në një gjendje shumë të rënduar shëndetësore, madje kishte përfunduar në një karrocë me rrota. Kristina më tregoi se ndodhej në një azil, në Gjermani dhe Shërbimi Social atje i kishte vendosur edhe një grua që t’i shërbente. Unë i thashë të kkthehej në Shqipëri, meqë ishte aq keq pasi e pashë edhe në video, që i ishin shtrembëruar duart, këmbët dhe kishte mjaft probleme me kockat. Por përgjigjja e saj ishte se nuk do të kthehej, pasi mjekët atje i kishin dhënë shpresa, madje do t’i nënshtrohej edhe një operacioni’ Si për ironi të fatit, zgjodhi 4 nëntorin, datën e saj të lindjes për të zhdukur çdo gjurmë, thuajse krejt papritur. ’Më 4 nëntor të vitit 2020, që përkon me ditën e saj të lindjes ne i ramë telefonit, i shkruajtëm në messenger, por ajo nuk u përgjigj. Kështu i humbëm kontaktet me të. Ne nuk e dimë çfarë ka ndodhur, nëpërmjet miqve mësuam se iu kishte thyer telefoni, ndoshta mund të ketë përfunduar në ndonjë tjetër azil, por gjithsesi Kristina, kunata ime nuk rrinte kurrë pa më telefonuar, të paktën një telefonatë që është mirë. E pajisur me dokumenta të rregullta, Kristina Dauti jetonte e vetme prej më shumë se 20 vitesh, në Athinë të Greqisë. Për familjarët kjo është hera e parë që 64-vjeçarja shkëput kontaktet me ta. Unë uroj të mos ketë ndodhur asgjë e keqe me fatin e saj, pasi ajo është larguar shumë herët nga Shqipëria dhe na ka munguar gjithnjë në familje. Unë uroj, që ajo ta ketë bërë operacionin, të ketë shkuar gjithçka me sukses. Urojmë që të lidhemi sa më shpejt me të.

    Emisionin "Pa gjurmë" me moderatore Odeta Dume mund ta ndiqni çdo të hënë, të martë, të premte në orën 16:55 dhe çdo të enjte në orën 20:55 në ekranin e Report Tv

  • VIDEO

    Hiqet tenda e vaksinimit në Elbasan, mbetjet mjekësore lihen përtokë

  • VIDEO

    Trafiku / Ja si është gjendja në rrugët e Tiranës pasditen e 17 majit

  • VIDEO

    FOTO ekskluzive/ Kapen në Kosovë 400 kg kokainë të fshehura në kamionin me pula! U nis nga Brazili

    Është kapur në Kosovë një kamion me 400 kg kokainë që ka kaluar nga porti i Durrësit. Report Tv bën me dije se bëhet fjalë për një operacion të kryer nën koordinimin e DEA-s amerikane, të cilët kishin informacion që në origjinë për ngarkesën në fjalë duke i vendosur GPS për të parë se ku do të shkonte.

    Kokaina ishte fshehur në kamionin me mish pule dhe konteineri u nis nga Amerika e Jugut, ndaloi në Gioia Tauro në Itali dhe më pas ndaloi në Durrës. Me të mbërritur konteineri në Durrës, policia shqiptare ka konstatuar drogën, por nuk ka ndërhyrë duke e lejuar që të kryeshin procedurat për të zbuluar se cili do të ishte destinacioni final i tij. Pasi kanë kryer procedurat, autoritetet e kanë ndjekur kamionin me konteinerin sipër, i cili është nisur për në Kosovë. Në këtë moment është njoftuar edhe policia e Kosovës dhe sa ka kaluar kufirin policia ka ndërhyrë duke bërë edhe sekuestrimin e sasisë së madhe të drogës në Lipjan. ReportTv mëson se operacioni është ndjekur prej 15 ditë deri në mesditën e kësaj të hëne kur është bërë edhe dorëzimi i kontrolluar.

    Kokaina ishte e vendosur në 20 arka, ku ishin hequr pulat dhe ishte vendosur droga në vend të tyre.Të përfshirë dyshohet se janë një numër i konsiderueshëm personash por deri më tani janë arrestuar 2 persona, shoferi i kamionit që transportonte drogën dhe një tjetër, ende i paidentifikuar. Vlera e kësaj sasie të kapur është afro 8 milion euro. Shoferi i kamionit ka thënë se nuk ka pasur dijeni që ka pasur drogë në to.

    Krahas DEA-s, në operacion janë përfshirë pala italiane, si vendi ku konteineri bëri tranzitin për në Shqipëri, pala shqiptare si edhe policia e Kosovës pasi u zbulua se cili do të ishte destinacioni final i konteinerit të mbushur me drogë. Policia shqiptare kishte dy muaj që priste ngarkesën kolosale të kokainës dhe ndërkohë që kjo ndodhte në portin e Durrësit janë sekuestruar edhe dy ngarkesa të tjera më lëndë narkotike të tjera.

  • VIDEO

    Raporti / Vetingu boshatis 6 gjykatat e Apelit, Korça mbetet me vetëm 1 gjyqtar! Ikën 44 nga 78

    Veprimi i ligjit të Vetingut ka shënuar kulmin në vitin 2020, duke çuar në përgjysmimin e gjyqtarëve në gjashtë Gjykatat e Apelit në Shqipëri. Pas boshatisjes së Gjykatës së Lartë dhe Kushtetuese në vitet 2018-2019, të cilat kanë rinisur të funksionojnë në fund të vitit 2012, tashmë sfida e madhe e drejtësisë së re janë vakancat në gjykatat e apelit. Nga 78 gjyqtarë të përcaktuar në organikën e gjashtë gjykatave të apelit, deri në fund të vitit 2020 kanë ushtruar detyrën vetëm 41 gjyqtarë. 37 gjyqtarët të apelit janë shkarkuar nga komisionet e Vetingut kryesisht për pasuri të paligjshme ose kanë dhënë dorëheqjen nga frika e përballjes me Vetingut.

    Të dhënat pasqyrohen në raportin vjetor të Këshillit të Lartë Gjyqësor, për funksionimin e gjykatave. Por vakancat në apel janë thelluar më tej gjatë 4 muajve të parë të vitit 2021, pasi janë shkarkuar dhe kanë dhënë dorëheqjen edhe 7 gjyqtarë të tjerë, duke çuar numrin në 44, që do të thotë se nga 78 gjyqtarë të përcaktuar në organikën, sot ushtrojnë detyrën vetëm 34 gjyqtarë. Mungesa e gjyqtarëve ka shtuar numrin e dosjeve të pashqyrtuara në Apel. Më serioze situata paraqitet në Korçë, ku nga 6 gjyqtarë kanë mbetur vetëm 1, pasi në 18 mars është shkarkuar njëri nga dy gjyqtarët e fundit që kishin mbetur.Gjatë vitit 2020, KLGJ-ja ka nisur procedura për të plotësimin e 20 vakancave, por procesi ka hasur në vështirësi. Së pari, për disa vende vakante në gjykatat e apelit në rrethe, nuk ka aplikuar askush, çka ka sjellë rihapjen e procedurave në mënyrë të përsëritur. Së dyti, kandidatët që kanë aplikuar nuk kanë përfunduar procesin e Vetingut. Në këto rrethana, Këshilli i Lartë Gjyqësor, për të evituar bllokimin total në disa gjykata të apelit në rrethe, ka caktuar 9 gjyqtarë në skemën e delegimit, për për gjykimin e çështjeve të veçanta.

  • VIDEO

    138 mln euro fatura të papaguara energjie nga Ujësjellësi, kreu i ERRU: Nuk ka sinjale për rritje të çmimit të ujit!

    Çmimi i lartë i energjisë elektrike është një nga shkaqet kryesore se përse shoqëritë e ujësjellës-kanalizimeve nuk arrijnë dot të paguajnë faturat në kohë. Kryetari i Entit Rregullator të Ujit Ndriçim Shani tha në Komisionin e Veprimtarisë Prodhuese, se aktualisht borxhi arrin në 138 milionë euro, por ende nuk ka një plan zgjidhje konkrete për këtë situatë.

    “Borxhi ndaj KESH në rang republike për të gjitha shoqëritë e ujësjellës-kanalizime është 70 milionë euro, dhe janë rreth 70 milionë euro të tjera kamatëvonesa, pasi kjo është një shumë progresive, dhe ka arritur në 138 mln euro. Akoma nuk kemi një informacion të saktë se në çfarë faze është zgjidhja për këtë situatë, por  ne si ERRU ndjejmë detyrimin të themi që ky nuk është një problem bardhë e zi, pra është për tu paguar dhe ne nuk e paguajmë. Kjo kërkon një analizë të thellë, sepse nëse do të paguhet energjia elektrike ku në pjesë të ujësjellësit zë 55% të kostos, të studiohet edhe përballueshmëria e saj. Duhet të parë edhe borxhi i kaluar. Duhet parë çmimi i energjisë elektrike apo duhet të shikohen burime të tjera”, deklaroi kreu i ERRU, Ndriçim Shani.

    Nga ana tjetër Shani sqaroi se pavarësisht këtij borxhi momentalisht nuk po diskutohet për rritje të tarifës së ujit për të shlyer detyrimet ndaj OSHEE.

    “Ende nuk kemi ndonjë sinjalizim nga Shoqëria e Ujësjellës-Kanalizimeve, që ata janë duke përgatitur ndonjë aplikim për rritje tarife. Kur të vij do e marrim në shqyrtim, do bëhet analiza e kostove, dhe do të shikohet edhe në kontekst pa-përballueshmërie, reagimi i publikut dhe elementë të tjerë”, tha Shani.

    Po ashtu Shani foli edhe për objektivat, ku në fokus do të jetë furnizimi 24 orë me uji të pijshëm në Tiranë.

     

  • VIDEO

    Bie numri i infektimeve/ 17 raste të reja me COVID, ndërrojnë jetë 3 qytetar

    TIRANË- Në vendin tonë është shënuar një shifër e ulët e rasteve me COVID, ku gjatë 24 orëve të fundit kanë rezultuar pozitiv me koronavirus 17 qytetarë, nga 2639 testime të kryera. Betejën me sëmundjen nuk e kanë fituar 3 qytetarë, 1 qytetar nga Durrësi, 1 qytetar nga Malësia e Madhe, 1 qytetar nga Vlora të moshave 40- 79 vjeç.

    Në 24 orët e fundit janë shëruar 1,107 qytetarë, duke e çuar numrin e të shëruarve në 125,419 që nga fillimi i epidemisë. Ministria njofton se aktualisht në spitalet COVID po trajtohen 80 pacientë nga të cilët 9 pacientë janë në terapi intensive. Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga COVID19.

Për lajme të tjera kërkoni në arkiv