-
VIDEO
Qollopite e Gjirokastrës nga zonja Albana
Qollopite e Gjirokastrës
Përbërësit:
- 400 gr miell gruri
- 300 gr djathë i bardhë
- 3 gota qumësht
- 200 gr kos
- 2 vezë
- Vaj ulliri
- Pak sodë buke
- Pak kripë
Përgatitja:
Marrim dy tasa të thellë, tek njëri tas përziejmë miellin me sodën e bukës dhe me kripën. Tek tasi tjetër vendosim kosin, qumështin, vajin e ullirit dhe vezët dhe i rrahim mirë me tel guzhine. Më pas shtojmë miellin gradualisht duke e rrahur me telin e guzhinës derisa të përftohet brumi. Në fund shtojmë djathin e bardhë të copëtuar dhe e përziejmë. E shtrojmë masën e përgatitur në një tepsi të lyer me vaj ulliri dhe e pjekim në 220 gradë derisa të marrë një ngjyrë të bukur në sipërfaqe.
-
VIDEO
Kunguj të mbushur, një tavë verore me shumë shije nga zonja Albana
Kunguj të mbushur
Përbërësit:
- 1 kg kunguj
- 3 qepë
- 500 gr mish i grirë
- 2 lgj oriz
- 2 lgj vaj ulliri
- 1 lgj gjalpë
- 3 domate
Për salcën:
- 4 lgj salcë e koncentruar
- 1 spec i kuq
- 1 karrotë
- 3 thelpinj hudhër
- 2 lgj vaj ulliri
- 1 tufë majdanoz
- Kripë, piper i zi
Përgatitja:
Kaurdisim fillimisht qepën e grirë imët, më pas shtojmë mishin e grirë, vazhdojmë kaurdisjen duke shtuar më pas dhe pak ujë. E lemë rreth 10 minuta të gatuhet dhe më pas shtojmë orizin, kripën, piperin e zi dhe salcën, produktet e së cilës i kemi kaluar në blender. Kungujve u kemi hequr pjesën e brendshme të cilën e shtojmë tek mbushja. Vendosim në tavë si bazë një shtresë me salcën e domates. Vendosim kungujt të cilët i mbushim me için e përgatitur. Vendosim mbi mbushje nga një fetë domate. Tavën e vendosim në furrë në temperaturën 200 gradë Celsius për 40 minuta. Sipas dëshirës, në 10 minutëshin e fundit mund të shtojmë pak djathë kaçkavall të grirë.
-
VIDEO
Kaçamaku i Sharrit nga zonja Albana
Kaçamaku i Sharrit
Përbërësit:
- 5 gota ujë
- 1 gotë miell misri
- 2 thelpinj hudhër
- 1 lç kripë
- 2 lgj gjalpë
- 2 lgj ajkë / djathë kaçkavall
Përgatitja:
Vendosim në një tenxhere të madhe ujin së bashku me kripën dhe thelpinjtë e grimcuar të hudhrës. E lëmë ujin derisa të vlojë, më pas shtojmë gradualisht miellin e misrit duke e përzier pa ndërprerje gjatë gjithë kohës. Ulim pak zjarrin që kaçamaku të vlojë ngadalë. E përziejmë herë pas here duke shtuar dhe pak ujë në momentin që shohim që kaçamaku ngjit në fundin e tenxheres. Në fund shtojmë gjalpë dhe e servirim menjëherë të ngrohtë me pak ajkë ose me djathë të grirë kaçkavall.
-
VIDEO
'Shtypi i Ditës dhe Ju', ja çfarë shkruajnë gazetat për sot e martë 4 korrik 2023
Titujt e gazetave për sot, nga mesazhet e Bill Clinton nga Tirana te "qesharake si kunati i shokut Xhemal" KLP emëron motrën e Felajt në Prokurori e deri tek ana e errët e një lufte.
-
VIDEO
Bill Clinton dhe shqiptarët (3 korrik 2023)
Emisionin "5 Pyetje nga Babaramo" me moderator Ilir Babaramon mund ta ndiqni çdo të hënë në orën 20:55 në ekranin e Report Tv Ish-ministri i Jashtëm, Paskal Milo foli në Report TV pas vizitës së presidentit të SHBA-ve, Bill Clinton për herë të parë në Tiranë, i cili me një vendim historik në vitin 1999 ku njoftoi se bota do të futej në luftë për të mbrojtur Kosovën, e cila më pas u çliruar nga forcat serbe.
-
VIDEO
Bill Clinton në Tiranë, Paskal Milo për ‘5 Pyetjet’: Mesazhi i tij shkoi për Kosovën, të mos mbetet peng i sëshkuarës dhe të mos e humbasë besimin ndaj SHBA
Ish-ministri i Jashtëm, Paskal Milo foli në Report TV pas vizitës së presidentit të SHBA-ve, Bill Clinton për herë të parë në Tiranë, i cili me një vendim historik në vitin 1999 ku njoftoi se bota do të futej në luftë për të mbrojtur Kosovën, e cila më pas u çliruar nga forcat serbe.
-
VIDEO
Pretendimet e Berishës se pati ndërhyrje në sistem, Celibashi në ‘Kontrast’: Do të verifikojmë 100% qendrat e votimit elektronik
Komisioni Qendror i Zgjedhjeve (KQZ) do të verifikojë 100% të 3 qendrat ku u votua elektronikisht në zgjedhjet lokale të 14 majit, përkatësisht në Elbasan, në Kamëz dhe në Vorë. Kështu deklaroi kreu i KQZ-së Ilirjan Celibashi i ftuar në emisionin ‘Kontrast’ në Report Tv, i cili u shpreh se ligji thotë se mund të verifikohet deri në 10%, por nuk të ndalon që ta bësh edhe me 100%
-
VIDEO
Clinton vjen në Tiranë të marrë mirënjohjen shqiptare (3 korrik 2023)
-
VIDEO
Emisioni i plotë ‘Rreze Dielli’, 3 Korrik 2023 – Receta / Horoskopi i muajit Korrik / Shëndeti i zemrës
Zonja Albana solli dy sugjerime recetash plot shije në “Rreze Dielli”. Recetat e përzgjedhura për ditën e sotme ishin: Qofte të rreme në salcë me kos dhe hudhra / Pulë me oriz në furrë.
Në rubrikën “Parashikimi i Yjeve” astrologu Jorgo Pulla bëri një parashikim të detajuar për muajin Korrik për 12 shenjat e zodiakut. Sipas astrologut Jorgo Pulla shenjat më me fat për muajin Korrik janë Gaforret dhe Bricjapët. Ka një ndikim favorit dhe është një mundësi shumë e mirë sidomos për Gaforren, shenjë e cila ka një ndikim shumë të madh këtë muaj. Më datën 3 korrik kemi Hënën e plotë, kemi gjithashtu ndikimet e planeteve që kanë të bëjnë me ndikimin e Diellit në trekëndësh me Hënën dhe Mërkurin, planeti i komunikimit me Afërditën, planetin e dashurisë. Çdo gjë do të jetë e favorizuar në këtë kohë në lidhje me paranë si dhe me nismat e reja sa i takon çështjeve të punës. Eshtë një periudhë me shumë mundësi në realizimin e gjërave që nuk janë mundur të realizohen më parë. Kujdes dhe vëmendje kërkohet për Dashin e 10-të ditëshit të tretë, Peshoren e 10-të ditëshit të parë dhe Ujorin e 10-të ditëshit të dytë. Kujdes nëse kanë probleme me ligjin, është mundësia që këto probleme të mund të zgjidhen.
Në rubrikën “Bima dhe Shëndeti” me specialistin e bimëve mjekësore Ylli Merja folëm për shëndetin e zemrës, një nga organet më të rëndësishme të trupit tonë. Me ardhjen e stinës së verës personat që vuajnë nga sëmundjet e zemrës duhet të tregojnë kujdes të shtuar pasi temperaturat e larta ndikojnë shumë në gjendjen e tyre shëndetësore. Shkaktarët nxitës të sëmundjeve të zemrës, shprehet Merja – ndodhen pikërisht në tryezën tonë, pasi: konsumi i produkteve shtazore me tepricë rrit kolesterolin, toksinat bakteriale që ndodhen tek mishi dhe ushqimet e përpunuara ngurtësojnë muret e zemrës dhe arterieve, niveli i lartë i sheqerit në gjak lodh zemrën, pirja e duhanit trash gjakun e ngurtëson arteriet, mos tretja e mirë e ushqimeve, kapsllëku. Gjithashtu ankthi dhe stresi mund të shkaktojnë atak kardiak, shprehet Merja. Ndërsa ndjenjat e forta shkaktojnë rritje të pulsit të zemrës. Për të mbajtur në kontroll të gjitha problematikat e zemrës, Ylli Merja rekomandon perimet dhe frutat më të mira në këtë drejtim si dhe një sërë bimësh medicinale.
-
VIDEO
Shpëtoni zemrën tuaj nga sëmundjet! Ylli Merja: Ja perimet, frutat dhe bimët që shërojnë zemrën
Në rubrikën “Bima dhe Shëndeti” në emisionin e mëngjesit “Rreze Dielli” me specialistin e bimëve mjekësore Ylli Merja folëm për shëndetin e zemrës, një nga organet më të rëndësishme të trupit tonë. Me ardhjen e stinës së verës personat që vuajnë nga sëmundjet e zemrës duhet të tregojnë kujdes të shtuar pasi temperaturat e larta ndikojnë shumë në gjendjen e tyre shëndetësore.
Shkaktarët nxitës të sëmundjeve të zemrës, shprehet Merja – ndodhen pikërisht në tryezën tonë, pasi: konsumi i produkteve shtazore me tepricë rrit kolesterolin, toksinat bakteriale që ndodhen tek mishi dhe ushqimet e përpunuara ngurtësojnë muret e zemrës dhe arterieve, niveli i lartë i sheqerit në gjak lodh zemrën, pirja e duhanit trash gjakun e ngurtëson arteriet, mos tretja e mirë e ushqimeve, kapsllëku. Gjithashtu ankthi dhe stresi mund të shkaktojnë atak kardiak, shprehet Merja. Ndërsa ndjenjat e forta shkaktojnë rritje të pulsit të zemrës.
Për të mbajtur në kontroll të gjitha problematikat e zemrës, Ylli Merja rekomandon perimet dhe frutat më të mira në këtë drejtim si dhe një sërë bimësh medicinale.
-
VIDEO
Parashikimi i horoskopit për muajin Korrik nga astrologu Jorgo Pulla
Në rubrikën “Parashikimi i Yjeve” në emisionin “Rreze Dielli”, astrologu Jorgo Pulla bëri një parashikim të detajuar për muajin Korrik për 12 shenjat e zodiakut. Sipas astrologut Jorgo Pulla shenjat më me fat për muajin Korrik janë Gaforret dhe Bricjapët. Ka një ndikim favorit dhe është një mundësi shumë e mirë sidomos për Gaforren, shenjë e cila ka një ndikim shumë të madh këtë muaj. Më datën 3 korrik kemi Hënën e plotë, kemi gjithashtu ndikimet e planeteve që kanë të bëjnë me ndikimin e Diellit në trekëndësh me Hënën dhe Mërkurin, planeti i komunikimit me Afërditën, planetin e dashurisë. Çdo gjë do të jetë e favorizuar në këtë kohë në lidhje me paranë si dhe me nismat e reja sa i takon çështjeve të punës. Eshtë një periudhë me shumë mundësi në realizimin e gjërave që nuk janë mundur të realizohen më parë.
Kujdes dhe vëmendje kërkohet për Dashin e 10-të ditëshit të tretë, Peshoren e 10-të ditëshit të parë dhe Ujorin e 10-të ditëshit të dytë. Kujdes nëse kanë probleme me ligjin, është mundësia që këto probleme të mund të zgjidhen.
Astrologu Jorgo Pulla më tej u ndal në parashikimin më të detajuar për 12 shenjat e zodiakut për muajin Korrik 2023.
-
VIDEO
Pulë me oriz në furrë nga zonja Albana
Pulë me oriz në furrë
Përbërësit:
- 1 qepë e thatë
- 2 lgj vaj ulliri
- 2 lgj gjalpë
- 1 pulë e freskët
- 2 gota oriz
- 5 gota lëng mishi
- 1 gjethe dafine
- Kripë, piper
Përgatitja:
Kaurdisim një qepë të grirë imët me pak vaj ulliri dhe gjalpë. Pasi qepa të zbutet vendosim pulën të pa prerë ose të ndarë në racione dhe i japim një kaurdisje të lehtë sa të ndryshojë pak ngjyrë. Më pas shtojmë ujë, kripë, piper, erëza sipas dëshirës dhe e lëmë pulën të ziejë.
Ndërkohë orizin pasi e kemi larë e vendosim në një tavë duke e hapur me lugë. Vendosim mbi oriz pulën së bashku me buljonin e zierjes. E vendosim tavën në furrë të nxehtë në 200 gradë Celsius për rreth 40-45 minuta.