-
VIDEO
Bukë misri në ajkë kosi nga zonja Albana
Buke misri ne ajke kosi
Përbërësit:
1 kg miell misri
700 ml ujë i ngrohtë
3 lugë vaj ulliri
1 lugë gjellë kripë
Për ajkën :
3-4 lugë gjelle salcë kosi
4-5 lugë gjelle ajkë
2-3 thelpinj hudhra
Kripë, piper
Përgatitja:
Në një tas hedhim 1 kg miell misri, 1 lugë gjelle kripe dhe 3 luge gjelle vaj ulliri. Më pas shtojmë pak ujë të ngrohtë (aq sa ta durojë gishti) dhe e përziejmë me një lugë druri. Vijojmë të shtojmë ujë derisa masa të lidhet dhe të bëhet e njëtrajtshme.
Masën e përftuar e shtrojmë në tavë të lyer me vaj ulliri. E nivelojmë me një spatul dhe lyejmë sipërfaqen me furçë me vaj ulliri.Tavën e vendosim në furrë të parangrohur në temperaturën 200 gradë Celsius për 40 minuta.
Ndërkohë në një tas bashkojmë salcën e kosit me ajkën e qumështit, shtojmë kripën dhe hudhrat e shtypura dhe i përziejmë mirë. Nëse duam një salcë më të lehtë e hollojmë me pak qumësht.
Pasi buka e misrit të jetë pjekur, e lemë të ftohet pak dhe më pas e presim në feta drejtkëndore të cilat i vendosim në masën e ajkës që përgatitëm.
-
VIDEO
'Shtypi i Ditës dhe Ju', ja çfarë shkruajnë gazetat për sot e mërkurë 2 Mars 2022
Titujt e gazetave për sot, nga dita më e përgjakshme e agresionit në Ukrainë te ushtria ruse rrethon Kievin e deri tek a është i aftë mendërisht Vladimir Putin?
-
VIDEO
Dita e 6 e luftës Rusi-Ukrainë, rezistenca ukrainase ndaj agresionit rus
Emisioni Repolitix trajtoi luftën Rusi-Ukrainë në ditën e gjashtë të agresionit rus. Të ftuar në studio Azgan Haklaj, Idajet Beqiri, Ervin Mici dhe Fatos Çoçoli.
-
VIDEO
Analistët në ‘Repolitix’: Putin në një rrugë pa krye, detyroi ushtrinë të shkojë në luftë! Çoçoli thirrje qeverisë: Bli grurë, do rritet me 40%
TIRANË- Ushtria ruse nuk është gati për luftë, por ka shkuar në front e papërgatitur dhe e detyruar për të luftuar. Kështu ka deklaruar analisti Ervin Mici në emisionin ‘Repolitix’ në Report Tv. Mici thotë se këto faktorë kanë çuar edhe në vështirësinë e ushtrisë ruse për ta pushtuar Ukrainën, pasi më parë kishin deklaruar se Ukraina do pushtohej brenda 72 orëve, por në fakt është dita e 6 e pushtimit dhe qeveria ukrainase nuk është dorëzuar.
-
VIDEO
Ish-ministri i Mbrojtjes, Fatmir Mediu: Qëllimi i Putin është më shumë se Ukraina, është zgjerimi i influencës ruse! Askush nuk mund të jetë i qetë
Në një kohë kur agresioni i Rusisë kundrejt Ukrainës është rritur, dhe ushtria ruse po përgatitet të godasë objektivat në Kiev, ish-ministri i Mbrojtjes në vendin tonë Fatmir Mediu thotë se qëllimi i Vladimir Putin është më shumë se Ukraina, është zgjerimi i influencës ruse në rajon.
-
VIDEO
Konsulli Shqiptar i Nderit në Ukrainë flet nga Kharkiv për Report Tv: Çdo mëngjes mbledh vullnetarë për të luftuar! Ushtarët rusë u gënjyen, nuk e dinin që po shkonin në luftë
Kharkiv, qyteti i dytë më i madh i Ukrainë, është përballur sot me bombardime nga ushtria ruse. Në një intervistë për Report Tv, Konsulli Shqiptar i Nderit në Ukrainë, ota thotë se nuk do të dorëzohen përpara ushtrisë ruse.
Në ‘Studio Live’ me gazetarët Arbër Hitaj dhe Migena Sotiri, Omarov tregoi se zgjohet çdo mëngjes dhe mbledh vullnetarë për të luftuar. Konsulli Shqiptar i Nderit në Ukrainë tha se kanë arritur ta zmbrapsin ushtrinë ruse nga Kharkivi me anë të luftimeve dhe mbrojtjes që kanë organizuar.
-
VIDEO
Ish-shefi i shtabit të FA në Report TV: Sulmi rus ka kaluar në fazën e dytë, Putin nuk po kursehet! Shqiptarët që s’janë trajnuar, të mos bashkohen në luftën e përgjakshme
Ish- shefi i shtabit të Forcave të Armatosura dhe deputeti socialist Bardhyl Kollçaku tha në Report Tv se kjo është faza e dytë e sulmit rus ndaj Ukrainës dhe se duke parë rezistencën e tyre nuk po kursen asgjë! Sipas tij ditët në vijim do të jenë edhe më të vështira, duke sjell dëme katastrofale.
“Tani kemi hyrë në fazën e dytë të luftimeve, ushtria ruse po hedh në veprim të gjithë arsenalin e saj, nuk po kursen asgjë, madje edhe raketat që janë të ndaluara nga Konventa e Gjenevës. Sot në Kharvik pamë një masakër. Nga pjesa ruse ka kaluar në fazën e dytë të përshkallëzimit. Nëse në fillim kujdeseshin të mos vrisnin civil, por tani që shohin rezistencën e ukrainasve po veprojnë. Në ditët në vazhdim mendoj që do të kenë përshkallëzim dhe dëme të pamenduara ndonjëherë.”, u shpreh ai.
-
VIDEO
Gjinekologia Keta: Marrëdhëniet seksuale për herë të parë duhet të fillojnë në këtë moshë, ja arsyeja
Kryerja e marrëdhenieneve seksuale ne moshe ende te mitur po kthehet ne nje problematike ne rritje nga viti ne vit, kjo edhe sipas statistikave. Në një intervistë në emisionin “Rreze Dielli’” gjinekologia Mimoza Keta, u shpreh se marredheniet seksuale ne moshe te mitur, sjellin pasoja dhe probleme tek adoleshentet me pas.
-
VIDEO
Lufta dhe ndikimi në ekonominë tonë, Preçi: I tërthortë! Rritja e çmimeve abuzim, bizneset me rezerva për 90 ditë! Qeveria të orientojë qytetarët drejt prodhimit vendas
Eksperti i Ekonomisë Zef Preçi tha në Report Tv se sulmi rus në Ukrainë, ka ndikim të tërthortë në ekonominë, individët dhe bizneset shqiptare deri në këto momente. Ai shtoi se bizneset në këto raste abuzojnë për t’u pasuruar, ndërsa konsumatorët janë ata që varfërohen si pasojë e rritjes së çmimeve.
“Ndikimi deri tani është i tërthortë që lidhet me individin dhe biznesit në tërësi. Gjatë krizave të tilla forcohet tendenca që individi t’i përdorë me shtrëngesa lekët dhe nuk bën investime të mëdha. Shqipëria dhe vendet si ne të përgatiten të vënë në provë sistemin e tyre, për të parë sesi mund të reagohet, Shoh tendenca për të anashkaluar detyrime ligjore dhe bizneset në kohë krizash pasurohen, konsumatori varfërohet.”, tha ai.
-
VIDEO
Ëmbëlsirë e veçantë në gotë me salep nga zonja Albana
Ëmbëlsirë e veçantë në gotë me salep nga zonja Albana
Përbërësit:
300 gr biskota
120 gr gjalpë
250 gr maskarpone
250 gr pana ëmbëlsire
2-3 lgj salep
150 ml ujë
Çokollatë në grimca
Përbërësit:
Grijmë biskotat dhe i bashkojmë me gjalpin. Këtë masë e vendosim si shtresë në
gotat e servirjes ose në një tavë ëmbëlsirash.
Tresim salepin në ujë të ngrohtë dhe më pas e vendosim në sobë dhe e lemë derisa të trashet. E lemë pak të ftohet dhe e shtojmë mbi shtresën e biskotave.
Rrahim panën e ëmbëlsirave dhe më pas shtojmë maskarponen. E trazojmë mirë dhe e vendosim si shtresë të fundit të ëmbëlsirës. E spërkasim me disa copëza çokollate dhe e kemi gati për t’a servirur.
-
VIDEO
Supë me qofte, spinaq, patate dhe karrotë nga zonja Albana
Supë me qofte, spinaq, patate dhe karrotë nga zonja Albana
Përbërësit:
Për qoftet:
500 gr mish i grirë
2 kokrra qepë
1 lç keçap
1 lç miks erëzash
Kripë, piper
Pak miell
Për supën:
2 karrota
2 patate
1 qepë
100 gr spinaq
4 lgj vaj ulliri
1 tufë kopër
1 kokërr limon
1 lk kerri
Piper i kuq djegës
Kripë, piper i zi
Përgatitja:
Fillimisht përgatisim brumin e qofteve dhe e lemë të pushojë.
Grijmë qepën imët dhe e kaurdisim me pak vaj ulliri. Shtojmë karrotën të grirë në rende, patatet në kubikë të vegjël dhe erëzat. Shtojmë ujë në masë të përbërësve dhe i lemë perimet të zbuten. Pas 5 minutave vendosim qoftet (sa një kokërr arrë të pudrosura mirë me miell) dhe i lemë të gatuhen brenda në supë.
Në 5 minutëshin e fundit të pergatitjes së supës rregullojmë shijen, shtojmë spinaqin, koperën dhe lëngun e limonit. Supën me qofte e servirim të ngrohtë spërkatur me piper të kuq.
-
VIDEO
Byrek me qepë dhe djathë nga zonja Albana
Byrek me qepë dhe djathë nga zonja Albana
Përbërësit:
1 pako petë të gatshme
1 ½ kg qepë
3-4 lgj vaj ulliri
1 lgj trumzë
50 gr uthull balsamike
½ lgj sheqer
300 gr djathë të bardhë
Kripë, piper
Vaj ulliri për petët
Përgatitja:
Presim qepët në gjysmë hënë dhe i vendosim në një tigan të madh me 3-4 lugë vaj ulliri. I spërkasim me kripë, piper, trumzë, pak sheqer dhe uthull balsamike dhe i lemë qepët për rreth 20 minuta në temperaturë të lartë të skuqen dhe karamelizohen mirë. Më pas e vendosim qepën e karamelizuar në një tas ku shtojmë djathë të bardhë të thërrmuar.
Parangrohim furrën në temperaturën 180 gradë Celsius në ajër.
Lyejmë tavën me pak vaj ulliri dhe shtrojmë dy peta duke i spërkatur me yndyrë. Vendosim një shtresë me qepë, një shtresë me dy petë, përsëri mbushje – petë. Rregullojmë anësoret e petëve dhe më pas e presim byrekun, por jo duke e çuar thikën deri në fund. E vendosim byrekun të piqet në furrë në 180 gradë për 45 minuta.