• VIDEO

    Topi flet për herë të parë për marrëveshjen me Bashën para zgjedhjeve

     Ai ka folur për herë të parë edhe për atë se çfarë ndodhi në selinë e blu, episodin ku Lulzim Basha u bë bashkëfajtorë me Sali Shehun dhe nënshkruan një marrëveshje fiktive, sikur FRD, partia e themeluar prej tij, pranonte koalicionin me PD, për t'u futur bashkë në zgjedhjet e 25 prillit. Mes vendimeve absurde të Bashës, cilëson edhe largimin e shumë figurave historike nga PD-ja, mes tyre edhe Jozefina Topallin, edhe pse raportet mes tyre nuk kanë qenë asnjëherë të mira. “Basha ka dalë dhe ka thënë që ka nënshkruar marrëveshjen me Topin, ku ishte firma ime. Të nesërmen kjo gjë është marrë vesh vetëm pas dorëheqjes sime, Basha u bë bashkëfajtor i një akti zyrtar ku unë nuk isha prezent, kur je në opozitë ti duhet të demonstrosh akte të larta të karakterit dhe sinqeritet, por kur del lakuriq në opozitë çfarë pret nga njerëzit. Berisha ishte lider i ashpër, ka problemet e veta, ka pasur edhe kontribute, ky është lider pa karakter, nuk mund të fshihet asgjë mbi maskën e buzëqeshjes. Ai mund të largosh njerëzit e kontributeve të mëdha, unë kam pasur probleme me Topallin, por si mund ta largosh Topallin, di mjaft raste që ka qenë duke lënë kokën, mbi ç’bazë se do ta kesh”, tha Topi

  • VIDEO

    Topi në Report Tv: Berisha arkitekti i shkatërrimit të PD! Basha lider pa karakter, të tradhton rrugës

    TIRANË- Opozita aktuale është në diktaturë dhe fajtor kryesor për këtë, një nga figurat historike të PD-së, Bamir Topi, thotë se është Lulzim Basha, një lider pa karakter, jo vetëm politik por edhe si njeri. Megjithatë, arkitekt të shkatërrimit të PD-së, për Topin është Sali Berisha, që e bën përgjegjës, mes të tjerave edhe për emërimin në krye të partisë, Lulzim Bashën. Këtë të fundit e quan lider të dështimin, për të cilin thotë se i ka gjetur të gjitha gjërat gati dhe mendon se në këtë mënyrë do bëhet edhe kryeministër. Ai shpreh keqardhje që njerëzit besojnë ende tek ai, teksa kthehet pas në kohë dhe tregon se sa përshtypje i ka bërë marrëdhënia e Bashës me Berishën, ku ai sapo kishte ardhur në PD. Një kofidencë që nuk di ta shpjegojë se nga i vinte, dhe nisur nga kjo, duke e përshkruar si tradhtar, raportin që ka me ish- kryeministrin, për Topin, është një detyrim. 

    “Berisha arkitekt i shkatërrimit të PD dhe duke ia besuar këtij njeriu është me përgjegjësi të mëdha, Verdiktin e mori nga dikush tjetër. Basha një njeri që i ka marrë të gjitha gati, është katapultuar, në 2005 e di dhe vendin kur kishim festuar për të festuar përjetoni e PD, në Durrës aty e kam parë për herë të parë, aty e pashë që ndryshe nga të tjerët kishte një komunikim shumë konfidencial me Berishën, më ka bërë shumë përshtypje, por në natyrën time nuk i bëja komente. Berisha dhe Basha e pandarë, Basha të tradhton gjatë rrugës, por ka qenë i detyruar me një simbiozë politike, ky i ka marrë të gjitha pozicionet në mënyrën më të lehtë të mundshme, por pjesa më e madhe e njerëzve që e ngritën atë parti nga hiri, i ke të larguar, ardhja, marrja e disa pozicioneve, ke një lider pa karakter, dhe nuk flas për karakter politik, nuk ka karakter njerëzor, me këtë mund të ecësh dhe rrugës e sheh veten me stërkëmbësha.”, tha Topi.

  • VIDEO

    Topi në Report Tv: Shqipëria nuk është gati të futet në BE! Sulmet e Ramës ndaj unionit të tepruara!

    Shqipëria nuk është gati që të integrohet në Bashkimin Europian, dhe sulmet e bëra drejt Bashkimit Europian nga kryeministri Edi Rama, ish-presidenti Bamir Topi nuk i sheh aspak të arsyeshme. Përtej keqardhjes që thotë se ndjen për vendin pasi do ta shohë në BE, Topi ka listuar një sërë problematikash që sipas tij nuk shkojnë e që i kanë bllokuar rrugën Shqipërisë drejt Europës. Duke pranuar që edhe BE ka problemet e saj, për Topin, “hallet” e vendit tonë janë shumë herë më të mëdha dhe se procesi u bllokua për faj të Bullgarisë që vuri veton ndaj Maqedonisë së Veriut, sipas tij janë justifikime.

    “Në çdo dalje, sulmon BE, do të mjaftonte BE se bëhet fjalë për një nivel të lartë politik, Europa ka problemet e veta, por ne kemi më shumë probleme, kjo është alibi që Rama tenton ta përdorë, por e tepron, nuk mund të sulmohet BE në çdo moment, duket sikur kemi dalë te rrugica e lagjes së vjetër. Nuk është gjuhë politike kjo, nga ana tjetër a jam unë i dyzuar nëse e kemi ne problemin apo ato, sigurisht e kemi të dyja pakët. Ju mendoni se gjërat shkojnë siç duhet në vend. Të përdorësh alibinë e kundërshtimit në një kohë kur nuk i bën për gjërat që i ndodhin vendin, nuk është gjuhë politike kjo. Shqipëria nuk është gati, janë shumë gjëra që nuk shkojnë, ka probleme të mëdha me demokracinë, është një njeri që i ka të gjitha pushtetet, ka një marrëdhënie hegjemoniste në politike, tentohet të mbahet një opozitë që nuk është opozitë, por që nuk i krijon asnjë problem kryeministrit, të mos flasim për administratën. Tani të përdoret një artificë se për shkak të Maqedonisë së Veriut Bullgaria bllokoi Shqipërinë, nuk është alibi për të mbuluar defektet madhore që ka ky vend”, tha Topi.

  • VIDEO

    “SPAK po bën nxehjen”, Bamir Topi i “fut frikën” kokave të politikës: Pas çështjeve të mëdha fshihen ata, do iu vijë radha

    Ish-presidenti i Shqipërisë, Bamir Topi ka komentuar sot në Repolitix aktualitetin politik në vend, marrë shkas nga arrestimet e bujshme së fundmi, përfshirë kryebashkiakun e Lushnjës Fatos Tushe, Eduart Kaprin e Pogradecit apo ish-zv.ministren e Brendshme Rovena Voda.

    Topi tha se SPAK dhe drejtësia në përgjithësi merrem me çështjet e jo me individët, por pas çështjeve janë individët.

    Ish-Kreu i Shtetit deklaroi se në Shqipëri në këto 31 vite ka shumë çështje të nxehta, pas të cilave fshihen “kokat” e mëdha të politikës.

    Bamir Topi: Një gjë nuk shoh mirë unë. Që SPAK është futur në debatet politike dhe mediatike. Ky institucion duhet të lihet i qetë, jo të destabilizohet nga qendrimet politike apo presionet mediatike. Ndoshta SPAK po bën nxehjen tani, për sa kohë nuk po arreston ata që konsiderohen “kokat e mëdha”. Nuk merren në konsideratë individët, por çështjet. Pastaj në bazë të çështjeve del individi. Pas shumë çështjeve të mëdha mbrapa janë individë të rëndësishëm që do të kenë punë me drejtësinë. Nuk mund të shprehem se cila ka qenë çështja më e rëndë, por në Shqipëri ka ngjarje që kanë destabilizuar opinionin publik, pastaj janë ato me abuzimet e fondeve publike. Nuk jam nga ata që e pres të madhen sot, dhe tani. Jo, çdo gjë ka kohën e vetë.

  • VIDEO

    Vijon proçesi i vaksinimit derë më derë flet drejtoresha Mirela Cami

  • VIDEO

    ‘Më detyroj të abortoja,u largova shtatzënë’/Jeta e 13-vjecarit me sindromën Down, babai e mohoi

    Manjola Braja është një 38-vjecare nga Bradadeshi i Elbasanit, nënë e tre fëmijëve, e cila sot ndodhet në udhëkryq. Kalvari i vuajtjeve në jetën e saj nisi, që në moshën 14-vjeçare, kur ajo nuk mundi të shijonte dot fëmijërinë, pasi do t’i hynte halleve shumë shpejt. Ajo nisi bashkëjetesën pa mundur dot të bëjë celebrimin, për shkak të moshës, me Shpëtim Ramazani, djalin të cilin ia bënë me shkuesi. Me nisjen e kësaj marrëdhënie, në jetë do të vinte fëmija i tyre i parë vajza e më pas djali. Manjola do të bëhej nënë për herë të tretë, ndërsa ishte 5 muajshe shtatzënë, pas ecos së radhës mëson se djali që ajo priste ishte me sindromën doën. Bashkëshorti i kërkoi ta hiqte fëmijën, ndërsa ajo nuk pranoi kurrsesi.Ky debat çoi në ndarjen mes çiftit dhe pak ditë më pas ai braktisi gruan shtatzënë, bashkë me dy fëmijët e tjerë. Djali i vogël lindi pa e njohur të atin, që nuk e deshi. E gjendur në udhëkryq dhe e pamundur t’i rriste e vetme fëmijët Manjola i dërgon në shtëpinë e fëmijës, aty ku jetuan prej disa vitesh. Kur vajza e madhe mbushi 10 vjece dhe më i vogli 5, ajo vendos t’i rimarë fëmijët, pasi Manjola u njoh me një tjetër djalë. Dritan Braja hyri në jetën e saj në momente të vështira, kur ajo kërkonte një mbështetje të fortë pas zhgenjimit që kishite marr nga ish-bashkëhsorti dhe babi i tre fëmijëve. 7 vite më parë Manjola do të kurorëzonte jetën e saj në martesë me Dritanin, i cili pranoi dhe kushtet në të cilat ajo ndodhej. Cifti bashke me tre fëmijët nisën një jetë në qytetin e Librazhdit, në një shtëpi të marr me qira qytet në të cilin jeta u bë edhe më e vështirë. Ai nuk punonte, ndërsa Manjola sakrifikonte shumë për të nxjerrë bukën e përditshme edhe për tre fëmijët e saj nga martesa e parë. Sikur të mos mjaftonte e gjitha kjo, Dritani nisi të dhunonte nënën, duke mos kyrsyer as fëmijët e saj. Një dhunë sistematike që detyroi vajzën e madhe të largohej nga shtëpia, për shkak të njerkut të saj. Dyert e komisariatit të policisë së Librazhdit u bënë, banesa e dytë për gruan e cila shpesh denonconte bashkëshortin për dhunë, ndërsa u pajis vetëm një herë të vetme me urdhër mbrojtje për tre muaj. Por pavarësisht kësaj me dhunuesin e ndante vetëm një gardh. 7 vite martesë ajo nuk mundi të kërkonte divorcin, pasi ai e kërcënonte me jetë, deri ditën kur Dritani i kërkoi të marr plackat dhe të ikte nga shtëpia. Në këto rrethana më 25 prill Manjola të këtij viti paraqitet në Gjykatë dhe kërkon divorcin. Sot janë ende në process ndarja, por ai i ka lënë një tjetër barrë. Të paguajë kredinë prej 2 milion lekë që cifti morën për të shlyer qiranë e shtëpisë. 38-vjecarja vjen në studion e emisionit ’Pa Gjurmë’ për të kërkuar ndihmë, pasi deri një ditë më parë ajo vazhdon të kërcënohet me jetë nga bashkëshorti Dritan Braja. Sot ajo jeton me qira në qytetin e Elbasanit, ndërsa e ka të pamundur të kujdeset për djalin 13-vjecar me sindromën doën, i cili kërkon një trajtim të vecantë. Kur nuk mundi ta bëjë vite më parë, kurrsesi ajo nuk don ta braktisë sot djalin e saj, por kërkon që të bëjë më të mirën e mundshme.

  • VIDEO

    Statuti i partisë, Ristani në Report Tv: Kongresi nuk synon të bëjë ndryshime thelbësore! Basha, kolltugofag i ngjitur pas pushtetit! Po kthen PD në një ndërmarrje personale

    Arben Ristani ish-deputet i Partisë Demokratike, thotë se Kuvendi Kombëtar i PD-së nuk është një Kuvend i jashtëzakonshëm dhe se nuk synon që të bëjë ndryshime të qenësishme në parti. Ristani, i ftuar në Report Tv, thotë se ky është një kongres ku kryetari i partisë synon që të mbyllë proceset politike, dhe që të realizojë synimet e tij që janë kthimi i PD në një ndërmarrje private të kryetarit

  • VIDEO

    Tërmeti dhe pandemia, psikiatria Reli: Jemi në një stres pas traume

  • VIDEO

    Arrestimi i mjekëve në QSUT, Dollenberg nga Gjermania: Mënyra sesi po trajtohen bluzat e bardha në Shqipëri është e gabuar

    Arrestimi i mjekëve në QSUT për korrupsion ka revoltuar bluzat e bardha të cilat protestuan në lidhje me këtë vendim. Në një lidhje telefonike për Report Tv, mjekja shqiptare nga Gjermania Aurora Meta Dollenberg u shpreh se mënyra sesi po trajtohen mjekët është e gabuar.

  • VIDEO

    'Jam në formë të jashtëzakonshme', Calja premton historinë për Shqipërinë: Në Olimpiadë për medalje, për doping mos kini frikë

    Briken Calja për Report TV premton se në Tokio do ti sjellë Shqipërisë medaljen e parë në Lojrat Olimpike. Ai thotë se gëzon një formë të jashtëzakonshme, ndërsa siguron se në rast triumfi nuk do të ketë frikë për doping. “Unë jo më kot flas që jam afër medaljes sepse rezultatet janë të matshme, nuk është vetëm një dëshirë e Brikenit. Normalisht që dëshira është shumë e madhe për t’ia dalë dhe konkurentët i njoh. Gara do jetë një ndër më të fortat e peshëngritjes për t’u ndarë medaljet. Do jenë 6 shtete, që janë superfuqi, që do ndeshen për këto medalje. Unë gjithsesi gëzoj një formë të jashtëzakonshme dhe do ia dalë më së miri,”-tha peshëngritësi.

  • VIDEO

    Statuti i partisë, Komisioni Statutor në PD diskuton sot për ndryshimet! Basha, Kadilli dhe Harxhi sërish 'përballë'! Të përbashkëtat dhe ndasitë në propozime

    Pas zgjedhjeve të 13 qershorit në PD, Lulzim Basha, Fatbardh Kadilli dhe Edit Harxhi do të jenë sërish përballë njëri-tjetrit sot, ndërsa pritet grupi i ngritur në Partinë Demokratike të diskutojë dhe më pas të përzgjedhë mes propozimeve të tyre për ndryshimet statutore. Në tërësinë e tyre, të tre propozimet kanë në thelb demokratizimin e PD dhe hapjen e partisë, por ndryshe nga Basha, Kadilli dhe Harxhi propozojnë sanksionimin në statut të kufizim të mandatit të kryetarit të partisë në 4 vjet në rast të humbjes së zgjedhjeve, propozim ky që nuk preket aspak nga Basha.

  • VIDEO

    Dosja/Tenderi korruptiv me uniformat e policisë,Ardi Veliu kundërshtoi kompaninë fituese: Probleme me çmimet, këmisha me mëngë të gjata, më e lirë se ajo me të shkurtra

    "Report Tv" ka siguruar të tjera detaje nga dosja hetimore në lidhje me abuzimin me tenderin e uniformave të Policisë në Ministrinë e Brendshme, ku më 10 korrik u arrestuan 9 zyrtarë dhe ish-zyrtarë.

    Sipas dosjes hetimore të SPAK, të siguruar nga gazetari i Report Tv, Arsen Rusta, rezulton se Policia e Shtetit ka kundërshtuan kompaninë që fitoi tenderin, duke evidentuar një sërë problematikash me disa elemente të zbatimit të kontratës, konkretisht për sa i përket dorëzimit të mallit, kolaudimit të mallit, sasitë e pritshme, pajisjet e sistemit elektronik të shpërndarjes, mirëmbajtja e sistemit elektronik, si dhe çmimet e ofruara.

Për lajme të tjera kërkoni në arkiv