-
VIDEO
Mos u mashtroni! Si të dalloni djathin pa hile / Ja truku që tregon eksperti
Siguria ushqimore është një çështje që na prek të gjithëve, veçanërisht gjatë stinës së verës, kur temperaturat e larta rrisin rrezikun e prishjes së ushqimeve. Si mund të sigurohemi që produktet që blejmë janë të freskëta dhe cilësore? Si të dallojmë mishin dhe bulmetin cilësor, pa u mashtruar nga produktet "pa hile"? Dhe cilat janë mënyrat më të mira për të ruajtur në frigorifer perimet, bulmetin dhe ushqimet e tjera, në mënyrë që të mbeten të sigurta për konsum? Për t'iu përgjigjur këtyre pyetjeve diskutojmë në “Rreze Dielli” me Prof. Dr. Abdyl Sinani, dekan dhe ekspert i teknologjisë ushqimore, i cili do të ndajë këshilla praktike për të qenë konsumatorë më të informuar dhe vigjilentë, si edhe do të tregojë disa mënyra të thjeshta për të dalluar produktet cilësore dhe për të shmangur rreziqet që lidhen me sigurinë ushqimore.
-
VIDEO
Si të mbani trupin në formë | Lojra me top & ushtrime për fëmijët dhe prindërit në plazh
Vera është koha ideale për të kaluar më shumë momente cilësore në familje dhe për të qenë sa më aktivë. Plazhi nuk është vetëm një vend për t'u relaksuar, por edhe një hapësirë perfekte për lojëra dhe ushtrime që i mbajnë në lëvizje si fëmijët, ashtu edhe prindërit. Në “Rreze Dielli” do të zbulojmë disa lojëra të thjeshta me top dhe ushtrime argëtuese që mund të praktikohen lehtësisht në bregdet, duke kombinuar aktivitetin fizik me argëtimin. Gjithashtu, do të dëgjojmë historinë e Einis Shpendit, atletit të vogël që prej tre vitesh stërvitet dhe garon me skuadrën e Tiranës, si edhe këshillat e instruktores së palestrës Matilda Çaushi për ta kthyer kohën me fëmijët në një përvojë të shëndetshme dhe plot energji.
-
VIDEO
Në mbrëmje fjalimet e Trump dhe Erdogan, pritet miratimi i një rezolute në seancë sot
-
VIDEO
Qofte pule në furrë me qepë të karamelizuara dhe shtresë djathi nga zonja Albana
Qofte pule në furrë me qepë të karamelizuara dhe shtresë djathi
Përbërësit:
- 1 kg fileto pule ose mish pule i grirë
- 3 qepë mesatare
- 150 gr djathë i fortë kaçkavall
- 3 lugë gjelle majonezë
- 1 vezë
- 4 lgj galetë (bukë e grirë)
- 50–70 ml qumësht
- 20–30 gr gjalpë
- 1 lugë gjelle vaj
- Kripë, piper i zi
- Hudhër pluhur
Përgatitja:
Pritini qepët në kubikë të vegjël. Në një tigan ngrohni gjalpin me vajin dhe skuqni qepët për 5–7 minuta, derisa të marrin ngjyrë të artë. Shtoni hudhrën pluhur, paprikën e tymosur, pak piper dhe kripë. Lërini të ftohen plotësisht. Kaloni fileton e pulës në makinën e mishit ose përdorni mish pule të grirë. Një të tretën e qepëve të skuqura shtojeni te mishi. Përzieni galetën me qumështin dhe lëreni 3–5 minuta që të zbutet. Shtojeni te mishi. Kriposeni, shtoni piper dhe përziejeni mirë derisa masa të bëhet homogjene. Përzieni më vete qepët e mbetura të skuqura, majonezën, vezën dhe djathin e grirë në rende të trashë. Nëse dëshironi, shtoni pak paprikë të tymosur ose piper të zi. Formoni qoftet dhe vendosini në një tepsi të shtruar me letër pjekjeje. Mbi secilën qofte vendosni rreth 1 lugë gjelle nga masa me djathë dhe shpërndajeni lehtë. Piqini në furrë të parangrohur në 180°C për rreth 30 minuta, derisa qoftet të piqen plotësisht dhe sipërfaqja të marrë një ngjyrë të bukur të artë.
-
VIDEO
Tarator me kungulleshka, kos dhe arra nga zonja Albana
Tarator me kungulleshka, kos dhe arra
Përbërësit:
- 500 gr kos deleje
- 150–200 ml ujë shumë i ftohtë
- 200 gr kungulleshka
- 1 tufë kopër
- 1–2 lugë gjelle lëng limoni
- 1 thelpi hudhër e shtypur
- 2–3 lugë gjelle vaj ulliri
- Lëkura e grirë e 1 limoni
- Kripë, piper i zi, piper i kuq
Për salcën me arra:
- 80 gr arra të grira
- 30 gr bukë e thekur e thërrmuar
- 4–5 kokrra piper të shtypur
- 3–4 lugë gjelle vaj ulliri
- Pak kripë
Përgatitja:
Rrihni kosin me ujin e ftohtë derisa të bëhet kremoz. Shtoni hudhrën, koprën, lëngun dhe lëkurën e limonit, kripën dhe piperin. Vendoseni në frigorifer për 20–30 minuta. Nxehni vajin e ullirit në tigan dhe skuqni kungulleshkat në zjarr të fortë për 3–5 minuta, derisa të marrin ngjyrë të artë. Kriposini lehtë. Përzieni arrat, bukën e thekur, piperin, kripën dhe vajin e ullirit derisa të krijohet një salcë me strukturë të trashë. Shërbejeni taratorin në pjata të thella. Vendosni sipër kungulleshkat e ngrohta, shtoni salcën me arra dhe përfundoni me kopër të freskët, pak lëkurë limoni të grirë dhe sipas dëshirës, një spërkatje me vaj ulliri ekstra të virgjër.
-
VIDEO
'Peinirli' Pite greke me pançetë, mozarela dhe vezë nga zonja Albana
Peinirli greke me pançetë, mozarela dhe vezë
Përbërësit për brumin:
- 500 gr miell
- 7 gr maja e thatë ose 25 gr maja e freskët
- 320 ml ujë i vakët
- 1 lugë çaji sheqer
- 1 lugë çaji kripë
- 2 lugë gjelle vaj ulliri
- Për mbushjen:
- 250 gr mozzarella e grirë
- 200 gr djathë kaçkavall i fortë
- 150 gr djathë i bardhë
- 200 gr pançetë ose proshutë e tymosur
- 4 vezë
- Piper i zi, rigon
- Gjalpë për sipër, pas pjekjes
Përgatitja:
Fillimisht përgatisni brumin. Tretni majanë dhe sheqerin në ujin e vakët. Lërini 10 minuta. Përziejeni miellin me kripën, shtoni vajin dhe majanë. Punojeni brumin për 8–10 minuta derisa të bëhet një brumë i butë dhe elastik. Mbulojeni dhe lëreni të fryhet për 1–1½ orë, derisa të dyfishojë vëllimin. Më pas ndajeni brumin në 4 toptha dhe hapeni secilin në formë ovale, rreth 30 × 15 cm. Vendosni përzierjen e djathërave dhe pançetën në mes. Palosni anët drejt brenda dhe bashkojini skajet duke krijuar formën karakteristike të "varkës". Ngrohni furrën në 250°C dhe piqini pitet e mbushura për 8–10 minuta. Nxirrini nga furra, hapni pak mbushjen në mes dhe thyeni nga 1 vezë mbi secilën pite. Futini përsëri në furrë edhe 3–5 minuta, derisa e bardha e vezës të mpikset, ndërsa e verdha të mbetet pak e lëngshme. Sapo t'i nxirrni nga furra, vendosni një copëz të vogël gjalpë dhe sipas dëshirës spërkatini me pak rigon ose piper të zi.
-
VIDEO
E PLOTË/ Shtypi i Ditës, 7 Korrik / As për 1 mijë euro nuk ia jap votën këtyre politikanëve
-
VIDEO
Çfarë shkruanin gazetat më 7 korrik 1998/ Serbët hyjnë në thellësi të tokës shqiptare në pozicion luftimi, Nano cilëson UÇK-në lëvizje popullore
Erërat, që arritën shpejtësinë deri në 149 kilometra në orë, përmbysën automjete dhe flakën çatitë e ndërtesave, duke lënë pas gjurmë të mëdha shkatërrimi. Të paktën një person rezulton ende i zhdukur.
-
VIDEO
Emisioni i plotë ‘Rreze Dielli’, 6 Korrik 2026 – Receta / Këmbët e ënjtura, lodhja dhe rënia e energjisë në vapë
Zonja Albana solli tre receta të shpejta dhe plot shije në “Rreze Dielli”. Recetat e përzgjedhura për ditën e sotme ishin: Picë e shpejtë shtëpie / Gjellë me bishtaja dhe patate / Kek i butë si sfungjer, si dhe një Detoks me kastravec, limon, xhenxhefil dhe fara chia.
Vera është stina që të gjithë e presim me padurim, por temperaturat e larta shpesh sjellin edhe sfida për shëndetin tonë. Shumë njerëz ankohen se gjatë këtyre ditëve ndiejnë këmbët më të ënjtura, lodhje të vazhdueshme, mungesë energjie, rëndesë në trup apo vështirësi për të përballuar aktivitetet e përditshme. Shpesh i justifikojmë këto shqetësime me vapën, por në disa raste ato mund të jenë sinjale që organizmi po përpiqet të na japë dhe që nuk duhen neglizhuar. Pse ndodh ënjtja e këmbëve në verë? Si ndikon i nxehti në qarkullimin e gjakut dhe në ekuilibrin e lëngjeve në organizëm? Çfarë roli luajnë ushqimi, hidratimi dhe mënyra e jetesës në këtë periudhë? Dhe mbi të gjitha, si mund ta ndihmojmë trupin të përballojë më mirë temperaturat e larta, duke u kujdesur për shëndetin në mënyrë natyrale? Për t'u ndalur te këto pyetje dhe për të marrë këshilla praktike se si të menaxhojmë këto shqetësime, flasim në “Rreze Dielli” me specialistin e bimëve mjekësore, Ylli Merja, i cili tregon se çfarë po na thotë trupi përmes këtyre simptomave, cilat janë gabimet që bëjmë më shpesh gjatë verës dhe cilat zgjidhje natyrale mund të na ndihmojnë të ndihemi më mirë.
-
VIDEO
Këmbë të ënjtura nga veshkat apo nga zemra? Ja si t’i dalloni
Vera është stina që të gjithë e presim me padurim, por temperaturat e larta shpesh sjellin edhe sfida për shëndetin tonë. Shumë njerëz ankohen se gjatë këtyre ditëve ndiejnë këmbët më të ënjtura, lodhje të vazhdueshme, mungesë energjie, rëndesë në trup apo vështirësi për të përballuar aktivitetet e përditshme. Shpesh i justifikojmë këto shqetësime me vapën, por në disa raste ato mund të jenë sinjale që organizmi po përpiqet të na japë dhe që nuk duhen neglizhuar. Pse ndodh ënjtja e këmbëve në verë? Si ndikon i nxehti në qarkullimin e gjakut dhe në ekuilibrin e lëngjeve në organizëm? Çfarë roli luajnë ushqimi, hidratimi dhe mënyra e jetesës në këtë periudhë? Dhe mbi të gjitha, si mund ta ndihmojmë trupin të përballojë më mirë temperaturat e larta, duke u kujdesur për shëndetin në mënyrë natyrale? Për t'u ndalur te këto pyetje dhe për të marrë këshilla praktike se si të menaxhojmë këto shqetësime, flasim në “Rreze Dielli” me specialistin e bimëve mjekësore, Ylli Merja, i cili tregon se çfarë po na thotë trupi përmes këtyre simptomave, cilat janë gabimet që bëjmë më shpesh gjatë verës dhe cilat zgjidhje natyrale mund të na ndihmojnë të ndihemi më mirë.
-
VIDEO
Kek i butë si sfungjer, vetëm me miell dhe vezë nga zonja Albana
Kek si sfungjer
Përbërësit:
- 4 të verdha veze
- 15 gr sheqer
- 5 gr ekstrakt vaniljeje
- 1 gr kripë
- 60 ml qumësht
- 20 ml vaj vegjetal
- 50 gr miell për kek
- 2 gr pluhur pjekës
Për marengën:
- 4 të bardha veze
- 55 gr sheqer
Përgatitja:
Ngrohni furrën në 155°C. Në një tas rrihni të verdhat e vezëve me pak sheqer derisa të zbardhen. Shtoni vaniljen, kripën dhe qumështin. Përziejini mirë. Hidhni vajin dhe përziejeni përsëri. Shtoni miellin e situr bashkë me pluhurin pjekës dhe përziejeni derisa masa të jetë homogjene. Në një tas tjetër rrihni të bardhat e vezëve. Shtoni gradualisht 55 gr sheqer dhe vazhdoni rrahjen derisa të formohet marengë e fortë. Shtoni marengën në masën me të verdhat duke e përzier me spatul me lëvizje të lehta nga poshtë lart. Mos e përzieni shumë, që të mos humbasë ajrin. Lyeni me gjalpë një tavë qeramike dhe hidhni brumin. Piqeni për 14 minuta në 155°C. Pas 14 minutash bëni një prerje të lehtë në mes të sipërfaqes së kekut me një thikë të mprehtë. Vazhdoni pjekjen edhe 30 minuta, derisa sipërfaqja të marrë ngjyrë të artë.
-
VIDEO
Bishtaja me patate nga zonja Albana
Bishtaja me patate
Përbërësit:
- 1 kg bishtaja
- 1 qepë mesatare
- 2 thelpinj hudhër
- 3 patate
- 250 ml salcë domate
- 2 gota ujë
- Vaj ulliri
- Majdanoz
- Kripë, piper i zi
- Spec i kuq pluhur
Përgatitja:
Në vaj kaurdisim fillimisht qepën me hudhrat, shtojmë patatet e prera në kubikë me pak kripë, më pas shtojmë bishtajat. Vazhdojmë kaurdisjen duke shtuar më pas salcën dhe ujin. E lëmë gjellën të gatuhet duke shtuar gjysmën e erëzave. Në fund rregullojmë shijen dhe e servirim të ngrohtë.