Bota

Në një operacion të orëve të fundit Guardia di Finanza italiane sekuestroi 1.1 tonë kokainë, të nisura nga Ekuadori të fshehur në një kontenjer me banane në portin e Kalabrisë.

Gazetari opozitar bjellorus, Roman Protasevich është shfaqur përsëri në televizionin shtetërore, i përlotur dhe me shenjat e prangave në duar nga ku pranuar fajësinë e tij për protestat masive kundër presidentit, Aleksander Lukashenko.

Dy fëmijët të moshës 12 dhe 14 vjeçare u përfshinë në një shkëmbim zjarri me policinë në Florida të SHBA, pasi kishin ikur nga shtëpia duke hyrë në një shtëpi tjetër dhe duke vjedhur armë

Pasagjerët e një avioni në aeroportin e Parisit janë evakuuar pasi është gjetur një pajisje e dyshimtë me material eksklov.  Avioni që vinte nga Çadi në Afrikë është i 'Air France'.

Dy motorë uji janë përplasur ballë për ballë në det, duke bërë që shoferët të fluturojnë disa metra në lartësi, por për fat të mirë nuk u lënduan.

Mbretëresha britanike Elizabeta II do të takohet me presidentin amerikan Joe Biden dhe Zonjën e Parë Jill Biden, javën e ardhshme, ka njoftuar Pallati Buckingham. Biden do të bëhet kështu presidenti i 12-të amerikan që do të takojë Mbretëreshën britanike

Një eksperiment unik, në qytetin brazilian Serrana banorët e të cilit u vaksinuan me vaksinën kineze të Sinovach, ka prodhuar rezultate impresive, aktualisht vetëm një pacient me COVID-19 është në gjendje kritike në klinikën Dr. Geraldo Cesar Reis në Serrana dhe ajo është një grua 63-vjeçare që refuzoi vaksinën. Dëshmi kjo që garanton efektivitetin në luftën kundër COVID-19 të vaksinës CoronaVac

Presidentja e Komisionit Evropian, Ursula von der Leyen, u shpreh se më shumë se 80 milionë qytetarë në Bashkimin Evropian kanë marrë të dyja dozat e njërës prej vaksinave kundër COVID-19.

Nga premtimi për bileta falas në ndeshje sporti tek birra falas, Joe Biden po hedh çdo gjë në tavolinë për të bindur qytetarët që të vaksinohen, të paktën të marrin një dozë të vaksinës deri më 4 korrik që është dhe “Dita e Pavarësisë”.

Danimarka, edhe pse një nga vendet me ligjet më të ashpra në botë ditën e sotme ka miratuar një nga ligjet më të ashpra, të zhvendosë  azilkërkuesit jashtë Evropës, në kundërshtim me thirrjet nga Kombet e Bashkuara dhe OJQ-të. OKB dhe shumë organizata për të drejtat e emigrantëve janë të frikësuara, se pas këtij vendimi liritë e tyre mund të cenoheshin.

Një grup kriminal i hakerëve rusë qëndron prapa sulmit kibernetik që ka shënjestruar kompaninë më të madhe në botë për përpunimin e mishit JBS, tha Byroja Federale e Hetimeve (FBI).

Çdo gjë ka ndryshuar që kur pandemia ka “pushtuar” botën, edhe gjërat më të zakonshme, si një xhiron në qytet, tashmë shijohet ndryshe.

Agjencia hapësinore “NASA”, ka njoftuar se misionet e saj të radhës do të nisen në planetin Venus midis viteve 2028-2030 të parët në dekada. Qëllimi është të studiohet atmosfera dhe historia gjeologjike e fqinjit më të afërt planetar të Tokës.

Institucionet e Bashkimit Evropian kanë përcaktuar 14 miliardë e 162 milionë euro për buxhetin e përgjithshëm për periudhën e tretë të Instrumentit të Asistencës Para Anëtarësimit (IPA III) për vitet 2021-2027,  të destinuara për vendet kandidate.

Tre në katër britanikë të rritur kanë marrë të paktën një dozë të vaksinës antiCOVID , deklaroi qeveria britanike, duke bërë që 75.2% e personave mbi 18  vjeç në vend të kenë marrë një dozë dhe 49.5% janë vaksinuar plotësisht.

Në kohët covidiane që po jetojmë, një koncert me njerëz, muzikë dhe pa maska duket si një “ëndërr” e largët, por në Florida të SHBA kjo u realizua në një mënyrë tepër kreative.

Fluturimet e pezulluara midis Gjermanisë dhe Rusisë, rinisin ditën e sotme. Njoftimi vjen pasi trafiku i linjave ajrore midis dy vendeve u pezullua të martën dhe të mërkurën, pasi autoritetet ruse nuk autorizonin mbërritjet e fluturimeve të Lufthansa në aeroportet e saj.

Partitë e opozitës izraelite kanë arritur një marrëveshje për të formuar një qeveri të re që do t'i jepte fund qeverisjes 12-vjeçar të Benjamin Netanyahu si kryeministër.

Presidenti francez Emmanuel Macron ka deklaruar se duke filluar nga 15 qershori, të gjithë adoleshentët e grupmoshës 12-18 vjeç do të mund të vaksinohen kundër COVID