Lajme nga emisionet

Protesta e dhunshme në selinë e Partisë Demokratike për analistin Erlis Çela nuk prodhoi asnjë fitues pasi Berisha humbi reputacionin e ndërsa sipas tij Basha nuk ishte përse të bënte rezistencë. Ndërkohë, gazetari Basir Çollaku tha në Report Tv se brenda selisë së Partisë Demokratike ditën e protestës kishte njerëz të inkriminuar të cilët kanë dhunuar mbështetësit e Berishës.

Vrasja e gruas nga ish-burri i saj në Vaun e Dejës, risolli edhe njëherë në vëmendje një prej plagëve të rënda të shoqërisë shqiptare, dhunën në familje që përfundon deri në tragjedi. Sociologu Zyhdi Dervishi i ftuar në ‘Sot Live në Shqipëri’ listoi 3 prej arsyeve kryesore që çojnë deri në këto raste tragjike.

Në një intervistë në emisionin “ Rreze Dielli” specialisti i bimëve medicinale Ylli Merja tregoi mënyrat se si mund të forcojmë trurin përmes kurave natyrale.

Mesazhi që është dhënë të shtunën për të gjithë shqiptarët është i frikshëm. Për aktivisten Brizida Gjikondi, Sali Berisha me sulmin në Partinë Demokratike tregoi edhe një herë karakterin e tij. Në 'Sot live në Shqipëri' të gazetarit Andi Kapxhiu, Gjikondi tha se dhuna është e vetmja rrugë që Berisha ka gjetur gjithmonë.

Nëse keni menduar se këto ditë të para të janarit kanë qenë të ftohta, atëherë nuk kemi parë asgjë akoma! 10 ditëshi i dytë i janarit pritet të jetë edhe më i ftohtë me temperatura që do të shkojnë deri në -13 gradë celsius në zonat malore.

Në emisionin “Rreze Dielli” në Report Tv, astrologu i njohur Jorgo Pulla tregoi më tepër për parashikimin e yjeve këtë javë.

Roland Bejko tha se kjo protestë ishte fytyra e vërtetë e Sali Berishës. Ai u shpreh se Berisha përgjaku PD dhe se nga selia blu mund të dilnin arkivole, madje nuk përjashtonte që në rrethimin që i bënë protestuesit mund ta gjuanin me thikë.  

Analisti Frrok Çupi e konsideroi protestën e dhunshme të thirrur nga Sali Berisha një sulm ndaj PD dhe vetë SHBA për të shfryrë inatin se pse e shpalli "non grata". Çupi tha se brenda PD ka pasur gjithmonë persona të dhunës dhe sipas tij Berisha është kujdesur gjithmonë që t'i mbledhë këto persona të krimit rreth vetes.

Situata e tensionuar në PD ishte tema e diskutimit këtë mbrëmje në emisionin 'Pa Protokoll' të gazetares Anduela Ndreu në Report Tv. Anëtari i Këshillit Kombëtar të PD, Blendi Sulaj, tha se në protestën e nesërme të thirrur nga Berisha do të ketë kriminelë që do kryejnë akte dhune. Ndërsa analisti Plator Nesturi është i mendimit se kriza në selinë blu zgjidhet vetëm në gjykatë.

Ngritja e shtabit pararojë të ushtrisë amerikane në vendin tonë, për deputetin e Partisë Socialiste Bardhyl Kollçaku nuk është një përzgjedhje rastësore, por ka ardhur si rezultat i një bashkëpunimi ndër vite mes Forcave të Armatosura Shqiptare me NATO-n dhe SHBA-në. Në Report Tv, Kollçaku tha se javën e ardhshme nisin punimet për bazën ajrore të Kuçovës. 

Në emisionin 'Kontrast' në Report Tv, duke komentuar situatën në PD, gazetari Carlo Bollino u shpreh se rruga ligjore është në favor të Bashës.  Bollino u shpreh se vendimi i marrë në Kuvendin e datës 18 dhjetor nga Basha, rrëzon vendimin e parë të marrë në 11 dhjetor nga Berisha.

Atë se çfarë pritet të ndodhë në 8 janar, ditën kur do të mbahet protesta e thirrur nga Sali Berisha, për Kreshnik Çollakun, do të jetë një ngjarje që do të turpërojë për një kohë shumë të gjatë demokratët dhe të gjithë vendin.

. Një ditë para protestës së thirrur nga Sali Berisha, Varaku tha se pret të njëjtën retorikë dhe të njëjtën përpjekje për ta bërë sa më spektakolare lëvizjen e tij. Megjithatë, përkundër përpjekjeve të Berishës, Varaku theksoi se Basha do të vijojë të ketë kryetar i PD-së më 9 janar.

Në një kohë kur varianti Omicron është bërë mjaft agresiv për sa i përket transmetueshmërisë, eksperti i Shëndetit Publik dhe drejtues i programit të Track & Trace në Southwark, Londër, Laidon Shapo, i ftuar në “Sot Live në Shqipëri”, u shpreh se doza përforcuese e vaksinës anti-COVID duhet të merret edhe në Shqipëri 2-5 muaj pas marrjes së dy dozave të para dhe jo 6.

Shqipëri duket se ka nisur ‘dimrin demografik’ përsa i përket shkallës së lindshmërisë në vend. Në një intervistë në emisionin "Rreze Dielli" sociologia Entela Binjaku tha se shifrat janë gjithmonë në rënie. 

Shifrat e larta të infektimeve nga COVID-19 ditët e fundit në vendin tonë kanë ngritur "alarmin", por epidemiologu Ilir Alimehmeti për Report Tv tregoi se pavarësisht se Omicron ka "pushtuar" Shqipërinë, me rëndësi ka numri i të shtruarve në spital dhe ai është i ulët.

Idajet Beqiri, avokati i ish-truprojës së Sali Berishës, Izet Haxhisë ka shpjeguar sot se seanca ku u dha sot pretenca për vrasjen e Azem Hajdarit ka pasur probleme. I ftuar  në Report Tv, Beqiri tha se nuk janë marrë në pyetje dëshmitarët që mbrojtja ka kërkuar e ndërsa e cilësoi si të pazakontë faktin që gjykata ka ‘ndërruar mendje’ për të mos marrë parasysh deklaratat e Berishës në media në lidhje me vrasjen e shekullit ndërkohë që më herët i kishte pranuar.

"Jashtëzakonisht e rëndësishme, pikë kulmore në diplomacinë shqiptare", kështu e cilësoi diplomati i njohur Lisen Bashkurti anëtarësimin e Shqipërisë në Këshillimin e Sigurimit të OKB-së.

Nard Ndoka, kreu i Partisë Demokristiane, ish-aleat i PD-së është i mendimit që "lufta" e brendshme politike mes Lulzim Bashës dhe Sali Berishës mund të zgjidhet mes negociatave.