Kronikë

Peshkatarët në zonën e Kanalit të Vivarit në Butrint kanë vënë re një numër të madh gaforresh të ngordhura të cilat i zhvendoste rryma e ujit gjatë fenomenit të zbaticës.

Një 46-vjeçar është nënë hetim pasi akuzohet për zjarrvënie në fshatin Vajkan pranë varrezave duke djegur një sipërfaqe toke. Edhe në Kavajë është vënë në hetim një person me probleme të shëndetit mendor, pasi vuri një zjarr duke djegur ullishte dhe një banesë të vjetër.

Moti i ngrohtë dhe me temperatura të larta do të vijojë të na shoqërojë edhe në ditët në vazhdim, tha një lidhje live për Report Tv, meteorologia, Adiola Bani.

Për ish-oficerin e forcave speciale të FA, Denis Deliu, i cili ka shërbyer dy misione në Afganistan, marrja e pushtet nga talebanët pas 20 vitesh është e trishtë, pasi aty u derdh gjak dhe u hodhën shumë para që Afganistani të ishte një vend më i mirë larg grupeve terroriste. Në një intervistë për Report Tv, Deliu u shpreh se pritja e afganëve në vendin tonë është gjëja e duhur për të bërë për një popull në nevojë, pasi para disa vitesh ishin shqiptarët si afganët.

Këngëtari i njohur, Robert Aliaj ka denoncuar një situatë shumë të pakëndshme që ka parë në një plazh në jug të vendit, ku plehrat ishin shpërndarë kudo. Por pas këtij denoncimi, bashkia ka reguar duke dërguar mjete për pastrimin e mbetjeve, fakt që e bën me dije po këngëtari, ku pasi kaloi sërish në të njëjtën rrugë, publikoi një video të dytë ku duken automjetet duke grumbulluar mbeturinat.

Në një cep tjetër të botës, mijëra kilometra larg, ekziston një popullsi që ka mbajtur gjallë karakteristikat, gjuhën dhe zakonet pellazge dhe ilire. Ata janë vendosur për mijëra vite në rajonin Indokinë në Qafiristan (sot Nuristan), një vend ku takohen Afganistani, Pakistani, Kina dhe Taxhikistani. Për shkak se ishte një vend i fshehtë për mijëra vjet, ata kanë mbajtur gjallë tiparet popullore, gjuhën dhe zakonet arbëreshe-pellazge-iliro-shqiptare, por sot, pasi talebanët morën në dorë Afganistanin, edhe traditat e kultura  e tyre rrezikohet.

Komentatori i njohur sportiv Kostandin Grillo vijon të kurohet në Stamboll të Turqisë pas infektimit me COVID-19, ndërsa duket se gjendja e tij shëndetësore fatmirësisht është përmirësuar.

Nga

Sokol Dema

Fatmir dhe Hamdi Sulaj babë e bir u arrestuan kur policia zbuloi se brenda në shtëpinë e tyre në Kashar ata kishin ndërtuar serë për kultivimin e kanabis sativa. Trendi i shtëpive të barit ka nisur në Evropë dhe në Britani të Madhe, por shumë shpejt grupet kriminale e sollën këtë përvojë në Shqipëri

Bashkia e Shijakut nuk i pastron mbetjet urbane të qytetit prej 3 ditësh tashmë duke sjellë një situatë mjaft shqetësuese për qytetarët dhe mbi të gjitha në dëm të shëndetit të tyre. Situata është mjaft e rëndë me erë që kutërbon jo vetëm në qytet, por edhe në një landfill të paligjshëm ku po digjen plehrat.

Fushë-Arrëzi dhe Maja e Rrunës janë dy zonat më problematike në lidhje me zjarret, ku flakët vijojnë të përparojnë pavarësisht ndërhyrjes nga ajri dhe nga toka. Në Fushë Arrëz flakët po i afrohet shtëpive në fshatin Armiraj. Në terren për shuarjen e flakëve po operon një helikopter holandez, Forcat e Armatosura, zjarrfikësit e bashkisë dhe punonjës të njësisë administrative dhe shërbimit pyjor.

Me qindra emigrantë shqiptarë që po kthehen në Greqi kanë mbetur të bllokuar për disa orë, në pritje për të kaluar kufirin në Kakavijë. Shkak për radhët e gjata bëhet testimi për Covid-19 që aplikohet nga pala greke për pjesën më të madhe të udhëtareve.

Nga

Sokol Dema

Tre persona kanë rënë në pranga, mes tyre një anëtar i forcave speciale RENEA. Grupi kriminal i udhëhequr nga Real Luli shpërndante lëndë narkotike në disa zona të Tiranës. Pas kontrolleve në banesa janë sekuestruar kokainë, kanabis, vlera monetare dhe armë.

Tri gra kanë mbetur të plagosura mëngjesin e sotëm në Fier, si pasojë e një aksidenti që u regjistrua në aksin Pojan-Levan. Në aksident u përfshinë dy automjete, ku një fuoristradë 'Nisan' goditi nga pas një automjet tip 'Volksvagen', duke përfunduar të dyja jashtë rrugës. Të plagosura mbetën tre gra në veturë, nënë e bijë dhe shoqja e vajzës.

Ambasadorja e SHBA-së Yuri Kim ka pritur në takim kongresmenin amerikan, me të cilin vizituan dhe bazën ajrore të Kuçovës, në të cilën NATO do të investojë 58 milionë dollarë për modernizimin e saj.