Kronikë

Për të gjithë ata që i kanë planifikuar pushimet në 2 javët e fundit të gushtit, ka lajme të mira. Moti do jetë në favor të tyre pasi termometri do të shënojë në temperatura të larta që variojnë nga 37-39 gradë celcius. Pritet një ulje e lehtë me 2 gradë në 18-20 gusht, por më pas vendi do i rikthehet sërish të nxehtit.

Një nga vatrat e zjarrit më problematike në vendin tonë vijon të jetë Maja e Rrunës. Sipas ministrisë së Mbrojtjes një tjetër vatër është shfaqur në Malin e Tërbunit ku flakët janë përhapur prej erës

Ministrja e shëndetësisë Ogerta Manastirliu njoftoi se në maternitetin ‘Mbretëresha Geraldinë’ është vënë në funksion laboratori i ri ku do të kryen rreth 160 lloje analizash. Manastirliu tha se në të gjithë vendin janë hapur 10 të tillë, ndërsa brenda tetorit pritet të vihen në funksion laboratorët e analizave në 18 spitalet publike në vend.

Dy javëshi i fundit i gushtit, i cili korrespondon edhe me nisjen e pushimeve për një kategori pushuesish, ka sjellë një trafik të rënduar në aksin Milot-Lezhë.

Një firme ndërtimi në Durrës, i njohur edhe si ish Italcementi, i është vendosur një eksploziv, i cili nuk ka arritur të shpërthejë. Ngjarja raportohet se ka ndodhur rreth orës 03:00 të natës, ndërsa disa persona që ende nuk janë identifikuar janë futur në ambientet e firmës dhe kanë vendosur lëndën shpërthyese. Kjo firmë i përket administratorit Mihail Lazarov, me origjinë nga Bullgaria.

Pasi talebanët morën nën zotërim Afganistatin, DASH ka bërë një deklaratë për shtyp e cila mbështetet nga Shqipëria dhe shumë vende të tjera. Referuar situatës së përkeqësuar ku mijëra njerëz po vrapojnë drejt aeroporteve për të lënë Afganistanin, DASH nënvizon se ekipet e tij po punojnë për të siguruar të gjithë qytetarët afganë.

Pas gatishmërisë së qeverisë shqiptare për të pranuar në vendin tonë shtetasit afgan të larguar nga atdheu pas marrjes së pushtetit nga talebanët, Report Tv mëson se dy vendstrehimet për ta do të ngrihen në disa hotele në Durrës dhe në konviktet e Tiranës. Ende nuk ka një numër të saktë se sa shtetas afganë do të strehohen përkohësisht në Shqipëri, por burime për Report Tv thonë se fillimisht do të vijnë rreth 350 emigrantë të cilët pritet të mbërrijnë në vendin tonë brenda pak ditëve.

Dy fëmijë shqiptarë të moshës 11 dhe 10 vjeç janë shpallur të zhdukur, teksa nëna e tyre ka akuzuar babanë e fëmijëve, bashkëshortin e saj si autor të rrëmbimit.

Është goditur një grup kriminal i shpërndarjes së lëndëve narkotike në Lushnje. Gjatë operacionit kanë rënë në pranga 4 persona

Inspektoriati Vendor i Mbrojtjes së Territorit të Bashkisë Sarandë ka filluar një aksion për prishjen e një objekti në zonën e Pemës së Thatë në Ksamil.

Arrestohet në Shkodër Kastriot Guraj, 44 vjeç i cili transportonte lëndë narkotike të njomë. Në cilësinë e provës materiale 44 vjeçarit i është sekuestruar 286 kilogramë kanabis i njomë

Zjarri vijon të përpijë dhjetëra hektarë tokë në majën e Rrunës, ku prej disa ditësh kjo vatër vijon të jetë aktive dhe shumë problematike. Ndonëse në terren janë angazhuar forca zjarrfikëset, punonjës të pyjores dhe të komunitetit, zjarri nuk është shuar ende. 

Gazetari i "familjes Berisha", Bledian Koka ka sulmuar ashpër kreun aktual të Partisë Demokratike, Lulzim Basha për qëndrimin e mbajtur lidhur me vendimin e Shqipërisë për strehimin e qindra afganëve në vendin tonë.

Orët e para të ditës do të jenë me kthjellime në ultësirën perëndimore, Ndërsa kalime të pakta vranësirash do të ketë përgjate zonave malore. Por në orët vijuese vranësirat do të bëhen më të dukshme, duke u shfaqur dhe në zonën e ulët.     

Në 24 orët e fundit në vendin tonë janë infektuar me COVID-19,  397 persona dhe është shënuar një humbje jete si pasojë e virusit. Në Spitalin Infektiv po marrin trajtim 46 pacientë.

Ministrja e Arsimit, Evis Kushi ka marrë pjesë ditën e djeshme në eventin ndërkombëtar sportiv "Duel në Themel", të organizuar nga vëllezërit Keta dhe Bashkia Rrogozhinë në një atmosferë fantastike në Kalanë e Bashtovës. Përmes një postimi në 'Facebook', Kushi uron Ferit Ketën për fitoren shkruan teksa thekson se ai është një shembull frymëzimi për talentet e reja shqiptare.

Gjatë 48 orëve të fundit në në Bypass-in e Fierit dhe aksin rrugor Lushnjë-Fier, janë gjobitur 113 drejtues mjetesh pasi janë konstatuar me shpejtësi mbi normat e lejuara. Ndërkaq, 47 shoferëve iu është pezulluar patenta pasi kanë thyer rregullat rrugore, ndrësa 5 drejtues janë arrestuar.