Kronikë

Një ditë më parë këngëtarja shqiptare me famë ndërkombëtare Dua Lipa ka mbërritur në Shqipëri

Shqipëria do të ndikohet nga mot i kthjellët, ndërkohë që një shi i papërfillshëm pritet në skajin verior

Një person ka humbur jetën mbrëmjen e sotme në Fushë Krujë dhe dy të tjerë kanë mbetur të plagosur, si pasojë e një aksidenti. Me një njoftim për mediat, Policia bën me dije se aksidenti u regjistrua rreth orës 22:00, në Tapizë, ku u përfshinë 2 automjete.

Ka shkuar në 1,123,253 numri total i vaksinimeve të kryera në vend kundër koronavirusit, ku vetëm në 24 orët e fundit u vaksinuan 13 mijë qytetarë. Shifrat u bënë me dije nga Ministrja e Shëndetësisë, Ogerta Manastirliu, e cila i bën apel personave mbi 18 vjeç që të shfrytëzojnë ditët e fundjavës, ditë e fundit të javës së vaksinimit të hapur, për t’u vaksinuar.

Një 45-vjeçare është proceduar në gjendje të lirë ditën e sotme në Kurbin, pasi akuzohet për shkatërrim prone nga pakujdesia.

Djali i vogël i Azem Hajdarit, i cili mban emrin e të atit, është shoqëruar në polici mbrëmjen e sotme në Elbasan, së bashku me 2 persona të tjerë, pasi iu gjet kanabis në makinën me të cilën po udhëtonin.

Një zjarr ka rënë këtë mbrëmje në Dukat të Vlorës. Report Tv sjell pamje nga ku shihet se tymi dhe flaka kanë mbuluar zonën.

Nuk ka vendim për vaksinimin me detyrim të mësuesve! Kjo u bë me dije sot nga Drejtoria e Përgjithshme e Arsimit Parauniversitar, në një reagim në lidhje me një lajm që qarkulloi në media ditën e sotme, ku një mesazh dërguar mësuesve u interpretua si urdhër për vaksinimin me detyrim të tyre.

'Alba Exotic Fruit' kapet serish me kokainë në Portin e Durrësit. 6.5 kg të tjera kokainë i janë kapur nga kontejnerët që vijnë me banane nga amerikane latine. Më 13 korrik iu kapen 11 kg e 650 gramë kokainë ndërkohë që rezulton e përmendur edhe në vitin 2019, kur në kontejnerët e kësaj kompanie, në Pire të Greqisë u gjetën 137 kg kokainë që u zëvendësua me oriz me GPS nga autoritetet.

Një i moshuar 85-vjeçar ka humbur jetën në një aksident në Lushnjë. Sipas njoftimit  të policisë, i moshuari ishte duke lëvizur me biçikletë dhe është përplasur nga një motor.  Ngjarja ndodhi rreth orës 18:15, në aksin rrugor Pushimi Shoferit-Divjakë, në vendin e quajtur “Kthesa e Gungasit”.

Mjeku i qendrës shëndetësore Dhivir në Finiq, Ilir Gazeli, u nis normalisht për në punë, si çdo ditë për ti dhënë ndihmë pacientëve të tij, por jo çdo gjë shkoi siç duhej. Një atak kardiak në zemër, i mori jetën. Për qytetarët që janë kuruar nga 66 vjeçari, kjo ngjarje është e pabesueshme. Ata e përshkruajnë mjekun, jo vetëm si profesionist, por edhe një njeri me zemër të madhe.

Shtatorja e patriotit Sali Butka është vendosur në qendër të Ersekës, në shenjë vlerësimi e mirënjohjeje për veprimtarinë e tij, si pjesë e luftës për çlirimin e vendit por edhe për hapjen e shkollës së parë shqipe në këtë zonë. Për kryebashkiakun Erion Isai, nderimi për një figurë kaq të madhe, është i vonuar.

Nga

Adriatik Doci

Deklarata e sotme e Yuri Kim për persona që kanë dashur të mos ndodhte reforma në drejtësi ishte një mesazh për Metën dhe Berishën? Zbulohet procesverbali i qershorit 2016 ku Petrit Vasili i LSI-së kërkonte kufizimin e kompetencave të SPAK që të mos hetonte që nga viti 1990 e këtej. Kërkesa u rrëzua nga përfaqësuesit e Brukselit, përfaqësuesi i SHBA mesazh paralajmërues për sabotuesit e reformës. 

31 raste të reja infeksioni me COVID janë regjistruar në vendin tonë në 24 orët e fundit, ndërsa fatmirësisht, kjo e premte ka shënuar një tjetër ditë pas asnjë viktimë nga ky virus.

Ndonëse nuk ka ende një konfirmim zyrtar për praninë e variantit Delta të koronavirusit në vendin tonë, për zv.ministren e Shëndetësisë, Mira Rakacollin, sinjalet për praninë e tij janë të forta. E ftuar në “Report Tv”, Rakacolli, ndërsa komentoi rritjen e rasteve të reja të infeksionit ditët e fundit në vend, Rakacolli u shpreh se shkaqet janë dy: prania e variantit Delta dhe grumbullimet gjatë Kampionatit Europian.

Reperi shqiptar, Dijonis Biba ka rënë në prangat e policisë britanike së bashku me shokun e tij pasi kishin përshtatur një shtëpi për kultivimin e lëndëve narkotike. Sipas raportimeve nga mediat e huaja arrestimi i Dijonis Bibës, 20 vjeç dhe shokut të tij Ervin Delija, 24 vjeç ka ndodhur në fillim të këtij viti pasi pas kontrolleve të ushtruara nga Policia janë konstatuar katër shtëpi bari ku janë gjetur 210 rrënjë kanabisi që arrinin vlerën rreth 350 mijë euro.

Nga

Doris Sallaku

Për epidemiologun Ilir Alimehemeti mutacioni Delta është i pranishëm në vendin tonë dhe është një nga shkaqet e shtimit të rasteve të infektimeve. Nga ana tjetër kanë ndikuar edhe grumbullimet gjatë kampionatit evropian. Por megjithatë Alimehmeti tha për Report Tv se në këtë periudhë prioritet në vaksinim duhet të kenë ata qytetarë që nuk e kanë kaluar virusin.