Kronikë

Konflikti për disa metra territor plazh në Velipojë ka përfunduar me 4 të vrarë dhe 2 të plagosur. Kujtim Ferracaku 59-vjeç, Xhovani Gocaj 25-vjeç, Edmond Gocaj 38-vjeç dhe Musaen Zeneli vetëm 20 vjeç mbeten të vdekur. Nipi i Kujtim Ferracakut, Elmilind Dyli, ka marrë një plumb në gju. I plagosuri tjetër është vëllai i Ferracakut, 54 vjeçari Hasan Ferracaku, të dy janë në Spitalin e Traumës. 

Mushkonjat janë kthyer këtë vit në një problem shqetësues për shumicën e pushuesve të cilët preferojnë bregdetin e Darëzezës. Për këtë arsye bregdeti që vitet e fundit kishte marrë vemendje të madhe këtë sezon po popullohet përherë e më pak.

Një tjetër sasi e konsiderueshme droge është zbuluar, e fshehur në një kamion. Report Tv mëson se bëhet fjalë për 17 kg heroinë, e cila kishte si destinacion final Malin e Zi. Droga e cila ishte e mbështjellë me natriban, e ndarë në 34 pako e që po të hidhej në treg kapte vlerën e rreth 300 mijë eurove, ishte fshehur në serbratorin e një kamioni.

Kosova dhe Shqipëria kanë nisur aksionin e pastrimit të Liqenit të Kukësit, i cili ishte i mbuluar nga mbeturinat. Ky aksion që u zhvillua në bashkëpunim mes ministrit Klosi dhe dy ministrave të Kosovës, u konsiderua si nismë që bashkon më shumë vendet.

Duke nisur nga 9 korriku, Aeroporti i Kukësit do të nisë fluturimet e para. Lajmi është konfirmuar nga kompania e fluturimeve zvicerane “Helvetic Airëays”, e cila ka nxjerrë në shitje biletat, nga Aeroporti i Zyrihut, për në atë të Kukësit,  i quajtur “Zayed-Flatrat e Veriut”.

Një person është gjetur i mbytur pasditen e kësaj të shtune në Durrës.

Ish-kryebashkiaku i Kamzëz, Xhelal Mxiu ka publikuar një video në profilin e tij në Facebook, ku akuzon efektivin e Policisë për sjellje kriminale.

Nëse keni planifikuar pushime në jug, do duhet që të keni kuletën plot. Kjo sepse ajo që po na serviret në rrjetet sociale të personave që kanë drekuar apo darkuar në restorantet në jug, faturat janë shumë të kripura.

Një tjetër aksident rrugor është regjistruar pasditen ë kësaj të shtune në Kukës. Një makinë ka përplasur një të moshuar, duke e aksidentuar rëndë.

Zv.kryeministri Erion Braçe ka publikuar disa foto nga puna që vijon për eksportin e shalqirit të zonës. Në një postim në 'Facebook' Braçe shkruan se prioriteti i tij është ekonomia e njerëzve punëtorë dhe ndërkohë thumbon biznesmenët e kryeqytetit duke shkruar 'ju që hani drona e rrini nëpër aviona, hani ndonjë kokërr të freskoheni'.

Për të përmbushur objektivin të imunizuar popullatën ndaj COVID-19, Ministria e Shëndetësisë ka kërkuar që të blihen dhe 1.1 mln doza vaksine. Report Tv, mëson se për këtë do të përdoret fondi shtesë në buxhetin e Ministrisë se Shëndetësisë prej 1 miliard lekësh, i dedikuar për vaksinat. Ky fond prej prej 1 miliardë lekësh do të hiqet nga rimbursimi dhe do të shkojë në fondin rezervë dhe do të përdoret për koston e vaksinave, ndryshime këto të bëra në Buxhetin e Shtetit.

Pas 2 vitesh, Prokuroria e Elbasanit ka mbyllur hetimet, për funksionarët dhe simpatizantët e Partisë Demokratike në Elbasan dhe Librazhd që i bllokuan rrugën dhe goditën eskortën në të cilën qarkullonte kryeministri Edi Rama.

Për këdo që do të shkojë në Greqi për pushime apo për arsye familjarë, do duhet të kalojë në Kakavija, pasi Dogana e Kapshticës do jetë e mbyllur deri më 3 korrik. Report Tv mëson nga burime zyrtare nga Dogana Shqiptare se shkak është bërë situata e COVID në Greqi.

Liqeni i Komanit nuk është gati për të pritur turistë. Ai është i "pushtuar" në mbeturinat. Ndoc Mulaj, specialist i turizmit malor në Shqipëri, ka publikuar video nga kjo katastrofë, teksa ngre alarmin se në këtë Liqen po shkarkohen kamionët me mbeturina.

Në spitalin infektiv aktualisht ndodhet vetëm 1 pacient që po merr trajtim mjekësor, shifër kjo që tregon se pandemia në vendin tonë është drejt fundit. Si rezultat i 3853 testime të kryera në 24 orët e fundit, janë identifikuar vetëm 3 raste të reja infeksioni, ndërsa një 73-vjeçare nuk ka mundur të fitojë betejën me virusin.