Kronikë

Komisioni Qendror i Zgjedhjeve ka zhvilluar sot në Kukës testimin e dytë pas Tiranes të verifikimit dhe regjistrimit elektronik të zgjedhësve. Pas demonstrimit të procesit të identifikimit elektronik në këtë qark ka regjistruar kreu i Komisionit Qendror të Zgjedhjeve, Ilirjan Celibashi i cili deklaron se identifikimi elektronik jep siguri për një proces të rregullt në zgjedhjet e 25 prillit.

Policia ka arrestuar një prej autorëve që ka tentuar të vjedhin një dyqan celularësh pak kohë më parë në Fier, së bashku me 3 persona të tjerë.

Procesi i vaksinimit të të moshuarve mbi 80-vjeç vijon. Kryeministri Rama dhe ministrja e Shëndetësisë, Ogerta Manastirliu, ka qenë sot për të parë nga afër procesin në qytetin e Lezhës. 

Nuk ka dhimbje më të madhe se ajo e një nënë që humbet të birin. Stilistja e njohur Lira Koça e cila humbi djalin e saj të vogël, pasi vendosi ti jap fund jetës duke u hedhur nga kati i tretë i Sanatoriumit, teksa ishte i infektuar me COVID-19, një mëngjes të hidhur gushti, përmes një “Instatory” lajmëroi një festë ndryshe për 30 vjetorin e Xhinos.

Ariola Sakollari (Gjeçi) u prek nga koronavirusi 3-javë më parë dhe fillimisht u shtrua në repartin e COVID-19 në Spitalin Rajonal të Beratit. Burimet zyrtare të Spitalit Rajonal të Beratit konfirmojnë se,e reja mbërriti në këtë spital në gjendje kritike për jetën. 

Policia vijon aksionin në bizneset që nuk rezultojnë të regjistruara në organet tatimore. Në Kukës janë proceduar në gjendje të lirë, për veprat penale “Fshehja e të ardhurave” dhe “Punësim i paligjshëm”, 10 pronarë lokalesh dhe restorantesh.

Policia ka ndëshkuar disa shoferë për shkelje të rregullave të qarkullimit.

Është arrestuar Mihal Kote, 62 vjeç, pasi nga kontrolli i ushtruar në biznesin e tij u konstatua se kishte të ndryshuara datat e skadencës të disa produkteve që prodhonte, kishte paraqitur të rremë etiketimin e disa produkteve ushqimore që shiste dhe disa produkte të tjera i kishte të papajisura me fatura tatimore me TVSH. 

Me pranga në duar, gjyqtarja Enkelejda Hoxha ka mbërritur në ambientet e Këshillit të Lartë Gjyqësor (KLGJ). Vendimi, për shkarkimin ose jo të saj, nuk u mor as në seancën e sotme, kjo pasi u shty për në datën 11 mars ora 10:00, pas kërkesës së vetë gjyqtares për të pasur më shumë kohë për mbrojtjen e saj.

Mësuesi Refail Thomai nga Fieri është ndarë nga jeta parakohe. Lajmin e ka bërë me dije zv/kryeministri Erion Braçe, i cili shkruan se Thomai mësoi për më shumë se 20 vite mijëra nxënës. Ai e veçon për rolin e iniciatorit në rindërtimin e shkollës së Fier Semanit.

Janë shoqëruar në polici 12 persona lidhur me ekzekutimin e 31-vjeçarit Tauland Beqiraj në mes të ditës në Vlorë, në një rrugë të populluar. Burime për Report Tv bëjnë me dije se gjithashtu janë kyer kontrolle të shumta nga ana e policisë në disa banesa. I arrestuari i vetëm për këtë ngjarje Hans Jonuzaj ka qenë drejtuesi i makinës.

Mjeku infeksionit Tritan Kalo i cili ka qenë në vijën e parë të COVID që nga fillimi i pandemisë, ka lajmëruar se është larguar nga Komiteti Teknik i Ekspertëve, i krijuar më 31 janar 2020, pas shpalljes nga OBSH-ja emergjencë botërore për koronavirusin.

Orët e para të ditës janë dominuar nga kthjellimet në të gjithë Shqipërinë. Pasditja dhe nata sjellin kalime vranësirash nëpër territor, ku më të  shpeshta vranësirat paraqiten në zonat jugore-juglindore, sipas meteoalb