Kronikë

Troket Viti i Ri 2021. Në ndryshim nga vitet e tjera, këto festa u zhvilluan në një situatë aspak të zakontë në një moment ku e gjithë bota po përballet me armikun e padukshëm COVID-19. Por kjo nuk i ka ndaluar aspak që atmosferën festive që qytetarët ta sjellin në shtëpitë e tyre. Rrugët e qyteteve ishin të boshatisura, kjo për shkak dhe të masave të marra nga qeveria për ndalimin e lëvizjes pas orës 20:30.

Violinisti Shkëlzen Doli ka uruar të gjithë shqiptarët me rastin e festave të fundvitit. Ai ka postuar një foto në faqen e tij në Facebook nga një sallë koncertesh në Vjenë. Artisti shprehet se koncerti në këtë sallë prestigjoze do jetë sfida më e vështirë e jetës së tij, duke shtuar se uron që koncerti të depërtojë thellë në zemrat e teleshikuesve.

Ndryshe nga herët e kaluara atmosfera e pritjes së Vitit të ri  2021, do të jetë e ndryshme për qytetarët në të gjithë vendin. Në mungesë të ambienteve të lokaleve dhe restoranteve për shkak të rregullave të diktuara nga Covid 19 qytetarët e Elbasanit, shprehen se festat e fundvitit do t’i kalojnë brenda rrethit të ngushtë familjar.

Rreth 20 shtëpi në zonën e ish-kënetës në Durrës janë përmbytur. pjesa më e madhe kanë prezence ujë në oborre ndërsa në disa të tjera uji ka deportuar në katet e para. Shkak për këtë mësohet se është mospastrimi i kanaleve kulluese.

Nga

Sokol Dema

2020-a u mbyll me 57 ngjarje të ndryshme kriminale që u pasuan me 65 viktima. Nga hakmarrjet e deri tek përplasjet mes bandave. I krahasuar me një vit më parë, numri i ngjarjeve kriminale është i njëjtë. Janë 57 ngjarje të regjistruara në të dyja vitet, në 2020-ën, ashtu edhe në vitin 2019. Dallimi bëhet vetëm në numrin e viktimave, ku në vitin aktual janë dy të vdekur më shumë.

Një aksident u regjistrua pasditen e kësaj të enjte (31 dhjetor) në autostradën Lezhë-Shkodër pranë kryqëzimit të Blinishtit. Tre automjete janë përplasur me njëra-tjetrën e për pasojë janë plagosur dy persona.

Në 24 orët e fundit në vendin tonë u regjistruan 589 raste të reja me koronavirus nga 2350 testime të kryera në të gjithë vendin. Fatkeqësisht gjatë kësaj periudhe kanë humbur jetën 7 qytetarë të tjerë duke e çuar bilancin në total në 1181 humbje jete.

Në 31 dhjetor, Kadastra e Vlorës ka njohur drejtorin e ri! Ai është Klodian Troci. Troci ka qenë nëndrejtor në këtë institucion dhe zë vendin e Andi Binajt. Ky i fundit u largua pas 6 muajsh në krye të Kadastrës, pasi ka marrë postin e drejtorit të Autoritetit Kombëtar të Ushqimit.

 Drejtori i Përgjithshëm i Policisë së Shtetit, Ardi Veliu, së bashku me Drejtorin e Përgjithshëm të Doganave, Genti Gazheli, pasditen e sotme kanë inspektuar portin e Durrësit, për të parë nga afër zbatimin e masave të përbashkëta që kanë si qëllim parandalimin, evidentimin dhe goditjen e paligjshmërisë, kryesisht të kontrabandës me mallra për të cilat paguhet ackizë, si dhe masat e përbashkëta për të mos krijuar vonesa në lëvizjen e mjeteve dhe të qytetarëve, për të ofruar një shërbim sa më cilësor, pavarësisht fluksit të ulët për shkak të pandemisë COVID-19.

72 pako fishekzjarre me fuqi të lartë shpërthyese, të rrezikshme për jetën e qytetarëve gjatë përdorimit të tyre janë sekuestruar ditën e sotme, teksa është vënë në hetim poseduesi i tyre.

289 qytetarë janë ndëshkuar pasi nuk kanë respektuar masat anti-COVID. Më konkretisht 276 persona janë kapur duke lëvizur në rrugë pa maskë, 10 të tjerë duke lëvizur pas orës 20:30, teksa 4 të tjerë janë shoqëruar në Komisariat pasi nuk i dhanë policisë kartën e identitetit.

PD e Durrësit akuzon Qeverinë se ka lënë pa shtëpi shumë familje që janë dëmtuar nga tërmeti i 26 nëntorit 2019.