Kronikë

Një 43-vjeçar shqiptar është arrestuar dje në Greqi pasi policia e vendit fqinj e ka kapur në flagrancë me drogë dhe armë. Ai akuzohet për trafikim të lëndëve narkotike dhe armëmbajtje pa leje.

Në Durrës një 50-vjeçar është gjetur në breg të detit i mbytur. Në njoftimin e policisë së Durrësit thuhet se viktima ende nuk është identifikuar dhe se paraprakisht është arritur në përfundimin se nuk ka shenja dhune në trupin e tij. 

Sipas parashikimit të bërë nga MeteoAlb moti pritet që nga mesdita të ketë të ketë largim të vranësirave fillimish nga zonat perëndimore dhe gradualisht kthjellimet do të përfshijnë gjithë territorin shqiptar. Orët e natës sjellin sërisht shpeshtim të vranësirave në vend. 

Një mesazh i fortë kërcënues ka mbërritur në telefonin e punës së shefit të sektorit të krimeve në policinë e Gramshit, Sokol Novaku. Report Tv ka zbuluar përmbajtjen e këtij mesazhi nga një person ende i paidentifikuar.

Tre persona kanë tentuar që të vjedhin një banesë në Kavajë, por ato janë ndalur nga familjarët, si pasojë kanë mbetur të plagosur fëmija dhe gruaja e shtëpisë.

Kërcënohet me jetë shefi i sektorit të krimeve në Gramsh, Sokol Novaku. Në numrin celular të policisë që mbante Novaku i ka mbërritur një mesazh kërcënues nga një person ende i paidentifikuar

Sot ka ndërruar jetë në moshë të re, një nga themeluesit e LRI, Amarildo Mekollari, i cili ishte infektuar me COVID.

4 shqiptarë kanë rënë në pranga në Britani të Madhe pas një operacioni të zhvilluar në Uellsin Jugor, ku policia ka gjetur kanabis të mbjellë në 14 prona. Kryesori që merrej me kanabisin e mbjellë në këto prona ishte shqiptari Rentil Zyberi. Policia ka zhvilluar një operacion rutinë gjatë të cilit u kap kanabis me vlerë 2 milionë paund. Zyberi, i cili kujdesej për kanabisin e mbjellë është kapur në korrik të vitit të kaluar, kur oficerët e policisë shkatërruan dhe kanabisin e mbjellë

Rruga e Sanxhakut në Kurbin është kthyer në shqetësim për drejtuesit e mjeteve për shkak të amortizimit. Ata ankohen se nga prezenca e gropave në rrugë kalimi me mjete të vogla është shumë i vështirë.

Një shembull i drejtësisë, e ka cilësuar ambasadorja e SHBA-së në Tiranë, Yuri Kim konfiskimin e 60 mln eurove pasuri dhe dënimin e grupit që tjetërsoi pronat në bregdetin e Shëngjinit.

Sekretariati i Përhershëm i Komunitetit të Transportit ka vlerësuar nënshkrimin e marrëveshjes, e cila i hap rrugë nisjes së punimeve për rehabilitimin e hekurudhës Tiranë-Durrës dhe ndërtimin e segmentit të ri në drejtim të aeroportit ndërkombëtar “Nënë Tereza”.

Banorët e fshatit Lazarat në Gjirokastër ankohen për punimet e ujësjellësit të ri, i cili do të vihet në punë gjatë verës dhe do të mundësojë ujë 24 orë në ditë për 900 familje. Sipas banorëve linjat shpërndarëse të ujit të pijshëm janë shtruar në kanalet e hapura, por mbulimi i gjurmëve me beton nuk po bëhet siç duhet.

Gramoz Lulaj është babai i dy fëmijëve, i cili figuron i zhdukur që prej 7 vitesh.

Toka ka rrëshqitur duke spostuar disa varre në varrezat e vjetra të qytetit të Durrësit, çka ka bërë që familjarët të kërkojnë menjëherë ndërhyrje nga autoritetet.

Regjistri kombëtar i pedofilëve është drejt shndërrimit në ligj. Pedagogia Iris Luarasi në një intervistë për Report Tv ka deklaruar se regjistri do të jetë për burrat në moshë që dhunojnë seksualisht fëmijët. Gjithsej në vendin tonë Luarasi tregon se janë 98 pedofilë, 58 prej tyre janë në Tiranë, kurse vetëm 2 janë në vëzhgin pas dënimit.

Kjo e premte ka shënuar një tjetër rekord sa i përket rasteve të reja ditore. 1089 qytetarë kanë rezultuar pozitiv me COVID-19, një ndër shifrat më të larta që nga fillimi i pandemisë në vendin tonë. Ndërkohë, në shifra qetësuese mbetet edhe numri i viktimave, ku sot kanë humbur jetën 15 qytetarë, të moshave 34 -86 vjeç. Këto raste kanë ardhur si rezultat i 4270 testime.

Nga

Diamila Leka

Mësimi online dhe situata e pandemisë ka bërë që prindërit të dorëzohen para vendimit për ti mbajtur fëmijët larg telefonit. Shqetësimin për qëndrimin me orë të zgjatura para ekranit të smartphone, e shprehin edhe mjekët okulistë sipas të cilëve ka një dyfishim të vizitave për probleme me shikimin. 
 

Banorët e një pallati 12 katësh në lagjen nr.5 Durrës protestuan përpara prokurorisë së qytetit, pasi pallati i tyre është klasifikuar si DS3 në një kohë që ata deklarojnë se godina është për t’u shembur.