Kronikë

Asnjë rast i trafikimit të drogës nuk është evidentuar nga Policia greke, që të ketë kaluar nëpërmjet Pikës së Kalimit Kufitare të Kakavijës. Shefi i Stacionit të Policisë Kufitare të kësaj pike, Vilson Dine, tha se gjatë këtij viti janë evidentuar gjithsej 37 raste të krimeve ndërkufitare.

Një aksident i rëndë ka ndodhur në aksin rrugor Berat-Poliçan mëngjesin e sotëm në vendin e quajtur "Uznovë e madhe". Dy makina, një tip "Honda" dhe një tip "Benz"  dy mjete janë përplasur kokë më kokë.

Kjo është pamja që të ofron qyteti i Gjirokastrës gjatë orëve të mbrëmjes. Dritat festive ndriçojnë qytetin e gurtë teksa vihet re se nuk ka pasur lëvizje të shumtë qytetarësh.

Reshjet e shiut që kanë përfshirë të gjithë vendin kanë sjellë përmbytje në qytetin bregdetar të Vlorës. Kushtet e këqija atmosferike ka detyruar autoritetet detare shqiptare të pezullojnë lundrimet e mjeteve të vogla dhe ato të peshkimit në Vlorë. Moti pritet që të përmirësohet pas mesnatës së datës 30 dhjetor, por nuk ka ende një vendim se deri në çfarë date do të jenë të pezulluara këto lundrime.

Greqia ka propozuar që kontrolli shëndetësor në pikat kufitare me Shqipërinë dhe vendet e tjera në kufi me të, të kryhen përpara kontrollit të pasaportave. Që do të thotë, në rast se personi del pozitiv, kthehet mbrapsht në vendin e origjinës pa pasur kontakt me efektivët e policisë.

Një bombë me peshë 500 kg e cila i përket Luftës së Dytë Botërore u gjet mëngjesin e sotëm në zonën e ish-Fushës së Aviacionit në Tiranë. Këtë e ka bërë të ditur Ministrja e Mbrojtjes Olta Xhaçka përmes një postimi në Facebook.

Pas shpërthimit me tritol mbrëmjen e djeshme në Shkodër, ka reaguar pronari i makinës, Nazmi Badulla. Në dëshminë e tij të dhënë në në polici, ai është shprehur se nuk ka dijeni se kush mund ta ketë vendosur tritolin në makinën e tij.

COVID-i ka marrë një tjetër jetë nga bluzat e bardha. Gazetari i Report Tv, Ronaldo Gjoshi raporton se ka humbur jetën Dr. Sali Baco neuropsikiatër.

Zv. ministri i Mbrojtjes, Petro Koçi nga izolimi ka folur për betejën e tij me COVID-19. Në një intervistë për Report Tv, Koçi ka treguar se lajmin se është konfirmuar pozitiv me koronavirus e ka mësuar ditën e djeshme, teksa rrëfen se në këtë "luftë" më të vështirë e ka pasur bashkëshortja e tij. Megjithatë, Koçi thotë se me infektimin me COVID-19 ka vënë re se janë shtrenjtuar ilaçet, kjo ndoshta edhe për shkak të ndryshimit të çmimeve edhe në tregun botëror.

Kallëzohet penalisht kryebashkiakja e Dimalit, Juljana Mema për shpërdorim detyre dhe shkatërrim i pronës private. Dosja përcillet nga Prokuroria Berat në SPAK. Kallëzimi penal është bërë nga Petrit Baho, nën akuzë edhe dy punonjës bashkie: Agim Çuni e Pandi Lilo. I akuzuar edhe qytetari Ramadan Baho.

Në 24 orët e fundit një numër i konsiderueshëm personash  kanë kaluar nga Greqia përmes kufirit të Kapshticës në Shqipëri. Report Tv mëson se për datën 26 dhjetor në Shqipëri kanë hyrë 406 persona dhe 108 mjete.

Një aksident rrugor u regjistrua mëngjesin e sotëm në aksin Lushnje-Berat. Dy makina, një tip 'Volkswagen' dhe një tip Lancia janë përplasur me njëra-tjetrën në vendin e quajtur 'Stan Karbunarë'.