Kronikë

Mëngjesin e sotëm ministrja e mbrojtjes Olta Xhaçka në rrjetin e saj social Facebook, ka postuar një video nga Forcat e Armatosura ndërkohë që po stërviteshin trupat e batalionit të III të këmbësorisë në Poshnje.

Gjykata e Vlorës ka dhënë masat e sigurisë për 32 të arrestuarit nga operacioni antidrogë në Vlorë. Për 27 prej tyre është dhënë masa "arrest me burg" kurse 5 të tjerë janë lënë në "arrest shtëpie". Në arrest shtëpie është lënë Ismet Hyseni i cili ka shfaqur shenja të COVID si dhe 4 të tjerë që janë në kërkim.

Dy persona janë arrestuar nga policia pasi janë kapur duke transportuar 7 emigrantë të paligjshëm në aksin Pogradec-Qafë Thanë. 

Një 40-vjeçar u arrestua në Elbasan pasi trafikonte lëndë narkotike të forta në sasi të vogla.Pas një hetimi disajavor, policia ka finalizuar operacionin e koduar "Kinemaja". Në banesën e tij u gjetën disa sasi heroine e kokaine, para që dyshohet se vinin nga aktiviteti kriminal, një peshore dhe 2 celularë.

2 persona u arrestuan ndërsa 2 të tjerë janë nën hetim për grumbullim të paligjshëm në kundërshtim me masat antiCOVID në Durrës. Në pranga kanë rënë një 24-vjeçar me iniciale Sh.M. dhe një 30-vjeçar me iniciale A.B. ndërsa nën hetim janë një 20-vjeçar me iniciale A.V. dhe një 23-vjeçar me iniciale F.D.

Detaje të reja zbulohen nga gjetja e 2 trupave brenda 3 valixheve në Itali të cilët dyshohen se ishin një çift shqiptar. Sipas mediave italiane, policia është vendosur në kërkim të një valixhe të katërt në zonën ku gjetën të parat, kjo pasi mungojnë disa pjesë nga trupi i tyre.

Efektivi i policisë Fadil Allaraj, që u dëmtua në sy gjatë protestës në Tiranë do t'i nënshtrohet një ndërhyrjeje të dytë në sy në Turqi. Ai është nisur mbrëmjen e djeshme teksa ishte i shoqëruar në aeroport nga Ministrja e Shëndetësisë, Ogerta Manastirliu dhe Drejtori i Përgjithshëm i Policisë Ardi Veliu.

Parashikimi i motit 16 dhjetor.

Një ish-boksier me origjinë shqiptare është sulmuar me armë ditën e sotme në Greqi. Ish-boksieri 32 vjeçar identiteti i të cilit nuk bëhet me dije është sulmuar nga 2 persona të panjohur të cilët ishin maskuar me kapuça dhe pamje të parë ishte e vështirë të identifikoheshin.

Transparency International ka nënvizuar problemet kryesore në vendet e Ballkanit Perëndimor duke vendosur theksin kryesor në kapjen e shteti që po pasuron politikanët dhe po shkatërron besimin e publikut në institucionet qeveritare.

Dy kufoma, të copëtuara dhe të futura në 3 valixhe të ndryshme janë gjetur në Itali, midis Firences-Pisa-Livorno dhe burgut Solliçiano. Autoritetet italiane kanë dyshime të forta se mund të bëhet fjalë për trupat e një çifti shqiptarësh nga Vlora, të cilët u zhdukën pa lënë gjurmë në Castelfiorentino më 2 nëntor 2015, në rrethana të paqarta.