Kronikë

Ervin Salianji lirohet nga burgu pas gati 9 muaj e gjysmë në qeli. Gjyqtari i Fierit Noel Veizaj pranoi kërkesën e Salianjit, pasi dakordësinë e dhanë Burgu i Fierit, Shërbimi i Provës dhe Prokuroria. Mbrojtja e Salianjit e cilësoi një grimcë drejtësie të një procesi politik, ndërsa ish deputeti paralajmëroi konferencë për shtyp.

Gjykata e Lartë nuk ndryshoi masën për kryebashkiakun e Tiranës dhe la në fuqi arrestin në burg. Prej 5 muaj Erion Veliaj qëndron në paraburgimin e Durrësit, ndërsa hetimet e SPAK ndaj tij i ka quajtur politike e pa prova.

Një aksident është shënuar gjatë orëve të natës në aksin rrugor Lezhë-Shkodër. Një taksi u përplas me një kamion mbeturinash.

Nga

Armand Xhelili

Vija e zjarrit është e gjatë rreth 3-4 kilometra dhe ka degëzime të shumta që mund të përhapen më tej për shkak të erës dhe terrenit të thyer malor. Autoritetet paralajmërojnë se flakët mund të përhapen drejt Parkut të Llogarasë.

Elsa Gjeli është prokurorja e Shkodrës që është kritikuar publikisht këtë të hënë nga kryeministri Edi Rama, pasi sipas pretendimeve të këtij të fundit, ka arkivuar një denoncim të Policisë së Shtetit për ndërtimin e “fshatit turistik” në Theth.

Më 26 qershor, pas një seance që zgjati afro 4 orë, Gjykata e Posaçme la në fuqi të  masën e “arrestit me  burg” për ish presidentin Meta. Mes debatesh me prokurorin Sotir Kllapi, i cili përfaqësonte akuzën në këtë proces, kreu i Partisë së Lirisë pretendoi se akuzat ndaj tij nuk qëndrojnë.

Nga

Sokol Dema

Kabinat pa leje në Theth, të cilat përplasën kryeministrin Edi Rama me prokurorinë e Shkodrës, janë në pronësi të Prek Kodrës, një personazhi të shpallur 2 herë në kërkim nga SPAK. Më 2021, në një Dokument të Njësisë Kundër Terrorizmit në Kosovë cilësohej si personi që do vriste me snajper kryeministrin Kurti dhe 2 politikanë të tjerë. Lidhja me Bajrët dhe biseda në SKY ECC me Suel Çelën. 

Një banesë është përfshirë nga flakët, ditën e sotme në fshatin Trebinjë të Mokrës.  Sipas banorëve, zjarri i favorizuar dhe nga temperaturat e larta, është përhapur menjëherë në të gjithë banesën. Dyshohet paraprakisht se shkak i këtij zjarri ka qenë një shkëndijë elektrike, ndërsa dëmet materiale janë të shumta.

Një grup i përbashkët pune nga Bashkia Lezhë, Policia Bashkiake, Drejtoria e Urbanistikës, Drejtoria e Taksave dhe Njësia Administrative ka zhvilluar sot një kontroll të gjerë në terren përgjatë vijës bregdetare të Shëngjinit për lirimin e hapësirave publike. 

Gjykata e Posaçme e shkallës së parë shpall të pafajshëm ish-anëtarin e Gjykatës së Lartë, Shkëlzen Selimi, i cili akuzohej nga SPAK-u për fshehje të pasurisë. Sipas vendimit të gjykatës, "fakti penal objekt akuze nuk provohet se ekziston si i tillë", duke rrëzuar kështu akuzat e ngritura nga Prokuroria e Posaçme

Veprimet hetimore dhe ndalimi janë kryer nga specialistët për Hetimin e Krimeve të Komisariatit të Policisë Nr. 3. Gjykata kishte dhënë masën "arrest me burg" për ngacmim seksual, Policia e ekzekutoi

Është riaktivizuar sërish këtë pasdite, duke u përhapur me shpejtësi, zjarri në zonën e Leshnicës, në bashkinë Finiq. Aktualisht në terren ndodhen dy mjete zjarrfikëse dhe dhjetëra efektivë të angazhuar në operacionin e fikjes së zjarrit. Megjithatë, terreni i thepisur malor dhe era po e vështirësojnë ndjeshëm ndërhyrjen efektive.

Trupi i një personi është gjetur pasditen e sotme (7 korrik) në Kolonjë, teksa Policia e Korçës ka nisur hetimet për identifikimin, rrethanat dhe shkaqet. Bëhet me dije se ka qenë një banor i zonës, i cili korrte grurin me autokombanjë dhe ka parë kufomën, duke njoftuar menjëherë policinë.

Një aksident ka ndodhur në autostradën Vlorë-Fier, ku një automjet ka dalë nga rruga dhe ka përfunduar përmbys. Në makinë udhëtonin tre persona, ndërsa një prej tyre ka mbetur i plagosur rëndë dhe është dërguar në Spitalin e Vlorës për të marrë ndihmën mjekësore.

Gjatë javës së parë të muajit korrik Policia e Sarandës ka arrestuar dhe ka nisur hetimi për 5 shoferë, për veprat penale "Drejtimi i mjeteve në mënyrë të parregullt" dhe "Shkelja e rregullave të qarkullimit rrugor" si dhe janë pezulluar 5 leje drejtimi.

Policia Rrugore e Tiranës, ka vijuar kontrollet me qëllim parandalimin e aksidenteve, ndëshkimin e shkelësve, ku gjatë javës së fundit janë arrestuar dhe nisur hetimi për 35 drejtues mjetesh dhe janë bllokuar 42 automjete, për shkelje të ndryshme.

Nga

Mahir Jangulli

Përshkallëzohet protesta në Klos, aty ku dhjetëra banorë të Suçit kundërshtojnë ndërtimit e hidrocentralit, pasi ujin e perdorin për vaditjen e tokave. Ata kërkuan sot që bashkia te pezulloje menjehere punimet dhe me pas prokuroria te hetoje gjithë dokumentacionin. 

100 000 euro pajisje të teknologjisë së lartë (kompjuterë dhe monitorë profesionalë) i dhurohen Policisë së Shtetit nga Zyra Federale Kriminale Gjermane (BKA).