Kronikë

Ministrja e Drejtësisë Gjonaj, ka thirrur sot në një mbledhje të gjithë punonjësit e Shërbimit të Kontrollit të Brendshëm në Burgje

Parku kombëtar Divjakë- Karavasta është kthyer në destinacion atraktiv për turistët vendas dhe të huaj, ende pa nisur sezoni turistik. Varkat, kulla 360 gradë dhe pylli i pishës janë vetëm disa nga aktivitetet që vizitorët mund të provojnë.   

Safet Bajri është kreu i grupit të "Bajrave" i arrestuar pak kohë më parë në një superoperacion në Shkodër, i akuzuar për një sërë ngjarjes kriminale.

Tre turistë anglezë, të cilët ishin duke eksploruar zonat turistike malore të Thethit, mbrëmjen e djeshme humbën komunikimin mes tyre në zonën e quajtur Qafë Thore. Ata kërkuan ndihmën e policisë, e cila u erdhi në ndihmë.

Përkujtohet në Fushë-Arrëz 108 vjetori i qeverisë së Kimzës që i parapriu shpalljes së pavarësisë në Vlorë. Në qytezën e vogël verilindore u inaugurua memoriali në nder të atyre që kontribuuan për ngritjen e flamurit dhe mëvetësinë e vendit.

Një orë mësimore në lëndën e historisë që rikthente në memorie, kohën e diktaturës dhe kreun e saj Enver Hoxha ka ngjallur reagim në rrjetet sociale madje edhe tek shoqatat antikomuniste.

Grupi i ushtarakëve shqiptarë që ndodhen me detyrë në Letoni i është kthyer aktivitetit normal, pak javë pas incidentit që u mori jetën dy kolegëve të tyre.

Më shumë se dy javë nga helmimi i mbi 140 banorëve të qytetit të Bulqizës, kryetari i bashkisë Melaim Damzi ka thyer heshtjen duke folur për mediat, pasi prej datës 4 prill nuk pranoi që të jepte asnjë prononcim.

2.3 ton qumësht pluhur dhe 21 ton vaj palme janë bllokuar nga Autoriteti Kombëtar i Ushqimit. Siç bëhet e ditur nga ky institucion, i cili ndryshe nga herët e tjera, ka bërë të ditur emrin e subjektit, kompania REND&BLEND&CO (Çermë, Bashkia Divjakë) ka blerë një sasi të madhe qumësht pluhur dhe vaj palme, që nuk e jusfitikonte në përdorim.

Autoriteti i Aviacionit Civil shqiptar, i bën apel gjithë pasagjerëve që do të udhëtojnë ditën e nesërme, e martë 21 maj nga Tirana drejt Italisë dhe anasjelltas, se për shkak të një greve që pritet të jetë 24 orëshe, do të ketë anulime dhe vonesa të fluturimeve.

Këshilli i Lartë Gjyqësor ka caktuar gjyqtarin e tretë në trupën gjykuese të dosjes së grupit të Emiljano Shullazit. Ndërkohë që sot është caktuar edhe trupa gjykuese për dosjen e Izet Haxhisë.

Shtyhet sërish seanca për ish-komandon grek Eftimius Eftimiu i akuzuar për vrasjen e Devi Kasmit, ngjarje e ndodhur në 29 Janar të vitit 2018.

Dy aksidente automobilistike kanë ndodhur ditën e sotme. Përkatësisht njëri aksident ka nodhur në Qafë-Thanë ku është plagosur drejtuesi i një makine ndrsa në Fier një punonjëse e pastrimit është përplasur lehtë nga një makinë.

Treni në Durrës ka përplasur një 16-vjeçar, duke i shkaktuar plagë të rënda, ku më pas ai humbi jetën në spital.  Mësohet se i mitur ka qënë me kufje në vesh në momentin që është përplasur nga treni. 

Komisioni i Pavarur i Kualifikimit nuk ka gjetur shkelje të kryera nga gjyqtarin, Sokol Binaj, kështu që është konfrimuar sërish në detyrën e tij.

Ambasada kërkon nga të gjithë aplikantët e Lotarisë Amerikane që kanë jetuar më shumë se 6 muaj jashtë vendit që të marin një vërtetim penal nga ai shtet. 

Policia kufitare e Rinasit ka vënë në pranga 2 punonjës në Aeroportin e Rinasit dhe ka vënë nën hetim 2 të tjerë pasi akuzohen se vidhnin bagazhet e udhëtarëve. Ata akuzohen për pesë vjedhje të ndodhura në Aeroportin e Rinasit. Gjatë operacionit policia ka bërë të mundur edhe sekuestrimin e 4550 eurove të humbura nga një pasagjer i cili kishte bërë denoncim tre ditë më parë.

33-vjeçari i arrestuar së bashku me një person tjetër kanë kërcënuar me armë dy persona më 8 shkurt të këtij viti. Ndaj 33-vjeçarit gjykata e Sarandës kishte dhënë masën e sigurisë 'arrest me burg' dhe ishte shpallur në kërkim. 

Një aksident ka ndodhur mëngjesin e sotëm në aksin Librazhd-Elbasan ku një automjet tip Opel me targa greke është përplasur me trafikndarësen duke pësuar dëmtime të rënda.