Kronikë

Komisioni i Sigurisë ka rrëzuar dekretin e presidentit Meta për Vettingun në Polici. I pranishëm në këtë Komision, Ministri i Brendshëm, Sandër Lleshaj ka deklaruar Vettingu nuk është një gjë që është me kohë të përcaktuar, por një aksion që do të vazhdojë dhe do të shtrihet në kohë.

Kryetari i Grupit Parlamentar Taulant Balla ishte sotë në Elbasan ku pa nga afër rikonstruktimin e shkollës profesionale "Ali Myftiu" në Elbasan. Ai shoqërohej nga kryetari i Bashkisë Qazim Sejdini dhe Prefekti Gledian Llatja, të shoqëruar nga drejtoresha e shkollës Refiko Lushnjari.

Soreca ka deklaruar se të rinjtë shqiptarë e duan BE dhe kjo grupmoshë është gjithashtu në fokusin e Bashkimit Europian.

Vdekja tragjike e ushtarakes shqiptare ka sjellë edhe reagimet nga politika.

Ushtarakja shqiptare Zarife Hasanaj, pjesë e kontigjentit të FA në misionin e NATO-s në Letoni,  ndërroi jetë nga shpërthimi i një mine, teksa ishte duke e çmontuar atë. Nga shpërthimi kanë mbetur të plagosur edhe dy ushtarakë të tjerë, major Klodian Tanushi, që është në gjendje të rëndë dhe rreshter Julian Kapaj. Komandanti i Forcave të Armatosura Kombëtare në Letoni: Nuk është e qartë nëse ishte një mine trajnimi apo një minë nga Lufta e Dytë botërore. Do të nisë një hetim rigoroz. 

Ka dalë sot para Komisionit të Pavarur të Kualifikimit, Fuat Vjerdha, kryetari i Gjykatës së Apelit Civil në Shkodër. Hetimi mbi Vjerdhën është bërë në bazë të tre kritereve, të pasurisë, pastërtisë së figurës dhe aftësive profesionale.

Ka shkuar në mbi 100 numri i të helmuarve në Bulqizë. Shkaku i këtij helmimi dyshohet të jetë uji i pijshëm. Mes qytetarëve të helmuar ka burra, gra dhe fëmijë të cilët janë paraqitur në spital me të vjella dhe dhimbje barku. Banorët e lagjes së 'Qytetit të Vjetër' janë lajmëruar të mos konsumojnë ujë nga çezma. Prefekti i Qarkut të Dibrës, Nexhbedin Shehu ka deklaruar se analizat e deri më tanishme thonë se shkaku i helmimit nuk është uji megjithatë në vijim do kryhen analiza akoma më të specializuara për të vërtetuar këto dyshime.

Pas deklaratës së kryeministrit Rama ditën e djeshme ku thoshte se Institutit për Studimin e Krimeve të Komunizmit duhet të vlerësohej nga Kuvendi, ka ardhur edhe reagimi i Drejtorit të këtij instituti, Agron Tufa.

Një telefonatë e qytetarëve te 112-ta ka bërë të mundur arrestimin e një 42-vjeçari me iniciale A.Th., i cili hiqej si polic. Në momentin e arrestimin atij iu gjetën një armë zjarri pistoletë, një dokument policie dhe pranga metalike, të cilat u sekuestruan në cilësinë e provës materiale