Kronikë

Një i ri 18 vjeçar është aksidentuar pasditen e sotme në rrugën 'Turizim', Kanali i Cukës në Sarandë. Për shkak të plagëve të marra ai është transportuar me helikopter drejt Tiranës për një mjekim më të specializuar. Ndërkohë gjatë paradites së sotme një tjetër aksident ka ndodhur në Sarandë, ku një 37- vjeçar ka dalë nga rruga  me automjetin e tij, por nuk ka pësuar lëndime të rënda.

Pas tetë orëve seancë gjyqësore, Gjykata për Krime të Rënda ka marrë vendim për ish-ministrin e Punëve të Brendshme Saimir Tahiri: Dosja e prokurorisë kundër tij do të kalojë për gjykim. Ish-ministri ka pranuar gjykim të shkurtuar, që do të thotë se në rast dënimi ai përfiton ulje të dënimit me 1/3. Por Tahiri u kujdes të theksojë se gjykimi i shkurtuar nuk do të thotë se ai ka pranuar fajësinë, por thjesht dëshiron që procesi gjyqësor ndaj tij të jetë i shkurtër dhe të mos zvarritet. 

Artan Lame është emëruar në krye të kadastrës e cila do të funkionojë si agjencia më e re e pronave pas shkrijes së ALUIZNIT dhe Hipotekës.

Ish-presidenti Bujar Nishani ka sqaruar përse djali i tij, Ersilio, ka hequr dorë nga shtetësia shqiptare.

Fotoja e një të riu, Esli Levendi, 21 vjeç publikuar në media, edhe nga Shqiptarja.com, si person i arrestuar si bashkëpunëtor në vrasjen e Jurgen Kurtit në Tiranë, më 18 mars , nuk i përket autorit të dyshuar. Fotoja i përket në të vërtetë një djali 19-vjeçar me origjinë nga Vlora dhe banim në Tiranë, ku kryen studimet, dhe nuk ka asnjë lidhje me ngjarjen kriminale.

Në të njëjtën ditë që indiani, Patel, i akuzuar për pastrim parash u arrestua në Rinas në tentativë për tu arratisur, bashkë me të kanë qenë edhe kunetërit e tij, vëllezërit Sandesara, të cilët kanë flutuar me charter ng aTirana në Dubai pa asnjë problem ligjor. Burime për Shqiptarja.com thanë se nuk ka pasur asnjë urdhër arresti ndërkombëtar për ndalimin e tyre.

Nga

Arsen Rusta

Pavllo Mihali, kërkoi dënimin me nga 35 vite burg secilin, si dhe paralajmëroi se nëse nuk vendoset drejtësi, do veproj Kanuni dhe Kurani.

Dy të rinj, i Kledi Saliaj, 21 vjeç, dhe Arben Muçaj, 22 vjeç,të dy  banues në Panahor dhe të dënuar më parë për vjedhje me armë në Greqi, dolën sot para Gjykatës së Fierit. Ata akuzohen për greabitjen me dhunë në një banesë në fshatin Greshicë të Mallakastrës, ndërsa sot togat e zeza vendosën ndaj tyre masën e sigurimit personal të arrestit me burg. Autori i tretë i kësaj ngjarje është ende në kërkim nga forcat policore.

Kreu i i Prokurorisë së Rrethit Lushnjë, Çlirim Shahini është shkarkuar nga Komisioni i Pavarur i Kualifikimit, pasi rezultoi me probleme në të tre shtyllat e vlerësimit nga Vettingu.
 

Tetë personat akuzohen për tre episode, grabitjen e një banke të nivelit të dytë te stacioni i Trenit dhe dy të tjerat në rrugën e Rinasit në vitin 2015.

Policia e Shtetit do të kallëzojë penalisht për shpifje ish-kryeministrin Sali Berisha sa herë që ai do të bëjë denoncime publikë në profilin e tij në Facebook, përmes informacioneve që i vijnë me mesazhe private nga qytetarë të ndryshëm. Sa herë që shpifjet ndaj policisë të faktohen, kryepolici Ardi Veliu përmes një njoftimi nga zyra e shtypit të policisë, thotë se do të ndjekë çdo hap ligjor kundrejt akuzave të pabaza.

Gjykata e Shkallës së Parë në Shkodër ka dhënë masën “arrest me burg” në mungesë për dy djemtë e ish-prefektit, , ndërsa ka vendosur “detyrim paraqitje” për ish-prefektin Paulin Radovani me kushtin që ai të mos largohet jashtë Shqipërisë.

Kryeministri Edi Rama gjatë takimit me mjekët, ku paralajmëroi ashpërsimin e masave në kodin penal për dhunuesit bëri edhe disa batuta.

''Goditen mjekë, policë, punonjës të shtetit, përfaqësues të popullit për shkak të detyrës, por kjo nuk mund të kthehet në sport. Është e nevojshme për të ndërhyrë në Kodin Penal'' tha Rama. Do të ashpërsojnë denimet. 

Vrasës me pagesë janë personat që ekzekutuan në Tiranë, poshtë shtëpisë së tij, 26-vjeçarin Jurgen Kurti. Tre persona që kanë marrë pjesë në ekzekutimin e të riut në hyrje të pallatit ku i riu jetonte me nënën, u vunë në pranga si autorë të paguar për vrasjen. Një i katërt dyshohet të ketë pasur rolin e koordinatorit. Burime për gazetarin e Report Tv, Arsen Rusta, thanë se autorët dyshohet të jenë paguar 30 mijë euro. Nuk dihet ende se kush është personi/at që ka dashur kokën e Jurgen Kurtit. Pista kryesore e hetimeve: Hakmarrja.

Alfred Martini ka pranuar se i ka dhënë makinën e tij autorit të vrasjes me inicialet K.S ditën e ngjarjen, por thotë se nuk e dinte se kishte planifikuar vrasjen.

Kreu i Dhomës së Avokatisë në Korçë, Arben Lena u shpreh se do të bojkotojnë gjyqet tre ditë, ndërsa shtoi se ka besim drejtësia do të zbardh vrasjen, të cilën e cilësoi si atentat ndaj institucionit të Avokatisë. Edhe avokatët e Fierit kanë vendosur të bojkotojnë procest gjyqësore në tre ditët në vijim.

Dështon sërish seanca gjyqësore ndaj Kelment Balilit, të konsideruarit nga mediat greke si 'Escobari i Balllkanit'. Seanca gjyqësore ku do të jepej pretenca është shtyrë për shkak të mungesës së avokatit të Balilit, Theodhori Sollakut. Një mungesë pa arsye, ndryshe nga hera e shkuar ku ai paraqiti një raport shëndetësor. Seanca e radhës do të mbahet më 2 prill në orën 13:30.

Nga

Ergys Kavaja

Antiterrori iu drejtua gjykatës së Shkodrës duke kërkuar që prokuroria të nisë hetimet. Kësaj here të pranishëm në sallën e gjyqit ishin vetëm njëra palë, seksioni i Antiterrorit të policisë ndërsa nuk ishte i pranishëm prokurori i çështjes Ermir Lelçaj.