Kronikë

Ngrihen tre grupe pune nga ARRSH për shpronësimet që parashikohen të bëhen te "Unaza e Re" në kuadër të projektit për zgjerimin e "Unazës së Madhe". Zbatimi i projektit prek rreth 300 banesa, një pjesë e mirë e të cilave të ndërtuara pa leje gjatë viteve të tranzicionit. Banorët pretendojnë se vlerësimi nuk është bërë sipas çmimit të tregut, ndërsa dëmshpërblime kërkojnë edhe ata që i kanë të palegalizuara.

Kryeinspektori Shtetëror i Mjedisit, Hadër Cako ka deklaruar këtë të mërkurë se dy kompani nafte do të ndiqen penalisht, pasi janë zbuluar si shkaktarët kryesorë të ndotjes së lumit Gjanica në Fier.

5 ditë pasi policia e Korçës në bashkëpunim me Shërbimin e Çështjeve të Brëndshme finalizoi me sukses një operacion për goditjen e kontrabandës së mallrave të ndaluara, në Doganën e Qafë-Thanës, ditën e sotme është dhënë masa e sigurisë për 9 të arrestuarit , 5 prej të cilëve punonjës në doganën e Qafë-Thanës.

Nga dokumenti i siguruar nga Report Tv rezulton se, Arjan Zoto ka qenë mbikqyrës në Sallën nr. 1 të testimit nga tre salla që ishin në total. Ndërkaq nga rezultatet e tistimit, Zoto ka marrë 84 pikë duke u renditur i katërti në listën e fituesve.

Në gjykatën e Gjirokastrës është zhvilluar këtë të mërkurë seanca gjyqësore në lidhje me rastin e 11 vjeçares nga fshati Kalasë i Delvinës. E mitura u ngacmua seksualisht nga mësuesi i saj 60 vjeçar dhe kanë qenë pikërisht gjyshërit e vajzës që e kanë denoncuar rastin në Report tv në prill të këtij viti. Dy palët janë përballur në sallë, ndërsa nxënësja e mitur ka shfaqur frikë gjatë kohës që ishte përballë ish mësuesit të saj.

Protesta e banorëve ka hyrë në ditën e 18-të. Në mbështetje të banorëve kanë shkuar sërish deputetë të Partisë Demokratike. Ndërkohë që ditën e sotme, protesta ka qenë e qetë dhe pa përplasje. Banorët kanë njoftuar se protesta ditën e nesërme do të zhvendoset para parlamentit. 

Report Tv ka mësuar se punonjësi quhet Naim Derstila me moshë 62 vjec. Ai ka prerë këmbën duke punuar dhe ka ndërruar jetë në spitalin e Traumës në Tiranë ku u transportua në gjendje të rëndë për jetën. Pak orë pas ngjarjes, Inspektoriati i Punës pezullon pa afat punën në repartin ku ndodhi ngjarja, në Repartin e Petëzimit.

Feim Vata dhe Xhemal Baco, u dënuan nga Gjykata e Canterbury- me 16 vite burg në total. Ata u gjetën fajtor për akuzën e trafikut të emigrantëve përmes kanalit të La Manshit me destinacion tokën angleze.

Nga

Esiona Konomi

Komisioni i Monitorimit i sugjeron Kuvendit që ta hedhë shortin, pavarësisht se nuk është ngritur KLGJ dhe KLP. 
 

Moti i keq dhe reshjet e vazhdueshme të dëborës që kanë përfshirë prej disa ditësh një pjesë të vendit kryesisht në zonat malore kanë shkaktuar probleme në fshatin Grik, në Dibër banorët e së cilës prej tre ditësh po vuajnë mungesën e enegjisë elektrike.

Një automjet është përfshirë nga flakët gjatë orëve të mbrëmjes në qytetin e Durrësit. Mësohet se automjeti është djegur gjatë orëve të mbrëmjes dhe i përket një vajze 24-vjeçare, identiteti i së cilës ende nuk dihet.

Në një konferencë shkencore ndërkombëtare, “Krimi kompjuterik, kërcënimi kibernetik dhe siguria kombëtare”, ministri i Brendshëm Sandër Lleshaj ka deklaruar se në vend është konstatuar se ka një rritje të krimit kibernetik. Ai propozoi që Akademia e Sigurisë të kthehet në promotor të shndërrimit modernizues, duke i krijuar hapësirë teknologjisë së informacionit dhe programimit kompjuterik për financat e ekonomisë digjitale.  

Militantët e Partisë Demokratike, të cilën qëlluan në muaji qershor kryebashkiakun Erion Veliaj me vezë, janë dënuar këtë të mërkurë nga Gjykata e Tiranës, Një prej tyre, Oleg Gora është dënuar me një gjobë prej 50 000 lekësh. 

Drejtoria e Përgjithshme e ALUIZNI-t ka reaguar menjëherë duke i kërkuar zyrtarisht Prokurorisë të hetojë mbi pretendimin e ngritur nga qytetari dhe jo vetëm.

Këshilli Kombëtar i Territorit ka miratuar lejen zhvillimore për Bashkinë e Tiranës për projektin e Unazës së Re, segmenti Pallati me Shigjeta – Sheshi Shqiponja, me subjekt zhvillues që është Autoriteti Rrugor Shqiptar.

Prokuroria e Krimeve të Rënda ka kërkuar 12 vite burg për Sajmir Cullhajn, i cili tentoi të kalonte armë drejt Anglisë nëpërmjet aeroportit të Rinasit me anë të pakove postare

Ndërprerje të shpeshta të energjisë elektrike po regjistrohen në zonën pranë stadiumit “Qemal Stafa”.

Ish-bodigardi i Berishës është shprehur në gjykatë seancën e sotme se kërkon një trupë gjykuese që të ketë kaluar vettingun. “Dua të gjykohem nga gjykatës që kanë kaluar vettingun” tha ai, raporton gazetari Arsen Rusta, ndërsa në seancë nuk u lejuan mediat.

Bashkia e Tiranës, ARRSH dhe Policia Rrugore kanë hartuar në kuadër të projektit për “Unazën e Re” një plan menaxhimi për trafikun në këtë zonë, ku do të kryhen edhe punimet që po kundërshtohen gjithnjë e më shumë nga banorët e saj.