Politikë

Në podcastin e kësaj të shtune kryeministrit Edi Rama ka biseduar me sipërmarrësin Agim Xhindoli, i cili ka treguar vitet e tij të vështira, se si është rritur në një dhomë 4 me 4, ku jetonin 9 persona, emigrimi në Itali e kthimi në atdhe si biznesmen.

Agron Kapllanaj, kandidati i PD për bashkinë Mallakastër është i bindur se do të marrë fitoren më 14 Maj pasi sipas tij pas çdo gare ka rritur ndjeshëm mbështetjen në elektoratin e tij.

Kandidati i PS-së, për bashkinë e Beratit, Ervin Demo kërkon një mandat të dytë në krye të kësaj bashkie. I ftuar në studion e "Pa Protokoll" me gazetaren Anduela Ndreu në Report TV, Demo tha se gjatë 4 viteve që ai ka qenë në krye të bashkisë së Beratit, qyteti ka pasur një transformim të jashtëzakonshëm.

Majlinda Bufi, kandidatja e Partisë Socialiste për Bashkinë e Roskovecit, që po garon për një mandate të dytë në krye të kësaj bashkie, thotë se puna e bërë nga ajo deri më tani në bujqësi, infrastrukturë, pastrimit të qytetit është garanci për fitoren e saj.

Kandidatja e Partisë Demokratike për Bashkinë e Patosit, në një intervistë dhënë për Report Tv, foli mbi pikat e saj të programit, ndërsa kërkoi votëbesimin e qytetarëve më 14 maj. Në emisionin ‘Studio Live’ në Report Tv  Pranvera Rizai prezantoi programin e saj me 10 pika për bashkinë e Patosit, ku në qendër të tij janë përmirësimi i ekonomisë, bujqësisë, shërbimeve për qytetarët apo edhe politika për të rinjtë.  

Ministrja e Financave dhe Ekonomisë, Delina Ibrahimaj, mori pjesë në Forumin e Biznesit “Shqipëri - Gjermani”, ku merrnin pjesë përfaqësues të 40 bizneseve të reja gjermane “The Young Entrepreneurs”.

Gjatë takimit me banorët e Njësisë 9 në Tiranë, Erion Veliaj ka ironizuar çiftin Berisha-Meta dhe kandidatin e tyre për Bashkinë e Tiranës, i cili u zbulua që ka gënjyer për diplomën e shkollës së mesme, duke thënë se atyre u vjen turp tashmë edhe nga fytyra e tyre. Pa logo partie, pa emër në fletë votimi tashmë, - tha Veliaj, - dalin edhe pa fytyrë, “no face, no name, no number”.

Kryeministri Edi Rama edhe nga kryeqyteti i Greqisë Athina e ka rikonfirmuar marrëdhënien e tij shumë të ngushtë me Presidentin turk, Erdgoan. Në një fjalim në panelin e politikës së jashtmes në Forumin Ekonomik të Delfit në Greqi, Rama i vlerësoi kreut të shtetit tyurk punën për shndërrimin e Turqisë.

Pas Kamzës edhe Lushnja e ka braktisur Sali Berishën. Në mitingun e zhvilluar në këtë qytet shihet se pjesëmarrja është modeste, e denjë për një parti të vogël të sapo krijuar.

Kandidati i Partisë Demokratike për Bashkinë e Tiranës, Roland Bejko zhvilloi një takim me banorët e zonës së ‘5 Majit’, zonë e cila është prekur nga procesi i rindërtimit pas tërmtetit të vitit 2021.

David J. Kostelancik, i emëruar nga Presidenti Biden për të shërbyer si Ambasador i Shteteve të Bashkuara në Shqipëri, pritet shumë shpejt të marrë ‘OK’ përfundimtar nga Senati Amerikan. Ai është konfirmuar dje nga Komiteti i Jashtëm i Senatit i cili ia ka kaluar kalendarit seancës plenare të institucionit më të lartë ligjvënës në SHBA për miratim përfundimtar. Më 1 maj pritet që David J. Kostelancik të marrë edhe emërimin e fundit.

Në raportin e siguruar nga gazetari i Report Tv Ermal Qori vihet theksi te fakti se fushata zgjedhore e cila sipas vëzhguesve të huaj ka qenë jo e bujshme dhe me tone të moderuara. Ndërkohë që përmenden 2 raste të dhunës, ku në njërën prej tyre iu rrezikua jeta një anëtari partia.

Deputeti demokrat, Saimir Korreshi foli në Report Tv për zgjedhjet e 14 majit dhe situatën në Partinë Demokratike. I ftuar në emisionin ‘Studio Live’ me gazetarin Arbër Hitaj, Korreshi tha se është në mbështetje të kandidatëve për këshilla bashkiakë që kanë dalë nga Partia Demokratike. Sipas tij, e gjithë opozita e bashkuar do të marrë gjysmën e bashkive të vendit.