Politikë

Nga

Rovena Cerka

Pas arrestimit të 4 personave për publikimin e pagave dhe të dhënave personale, Komisioni Europian në një reagim për Report TV, thekson se është e rëndësishme që Shqipëria të përfundojë përafrimin e legjislacionit me standardet e BE për të forcuar mbrojtjen e të dhënave personale.

Oborri i selisë së Partisë Demokratike nuk po gjen qetësi! Berisha paralajmëroi punonjësit e selisë blu “të mos tremben” pasi qëllimi i protestuesve është hapja e dyerve të blinduara nga Basha, ndërsa kërcënoi se 'mercenarët' që shoqërojnë Bashën se do të përballen me pasoja të rënda. Nga ana tjetër Gazmend Bardhi tha se është Berisha që shoqërohet me kriminelë dhe kërkon gjakderdhje

“Fluturoj qiellin tim unë e mbroj. Dashurinë që kjo tokë ma mëkoi. Unë e fal gjakun tim kur vlon, e më thotë ti je shqiptar.”, me një zë, dedikuar Forcave të Armatosura të vendit tonë, Elton Deda, Redon Makashi, Eneda Tarifa dhe Saimir Braho bashkuan forcat për një këngë.

Kur mbështetësit e Sali Berishës do të shkojnë në seli në 8 janar, Lulzim Basha ka deklaruar se do jetë në zyrën e tij për të vijuar axhendën e ditës. Kryedemokrati e ka cilësuar protestën e thirrur të 8 janarit, si një tjetër shfaqje e shëmtuar e Sali Berishës.

Në një kohë kur mbështetësit e Sali Berishës flasin për skenarë dhune në protestën e 8 janarit, Lulzim Basha i ka marrë mirë masat për të mbrojtur selinë e partisë. Pas shumë akuzave që janë hedhur për blindim të "kështjellës së demokratëve", për herë të parë ka dalë fotoja brenda selisë ku shihet qartë që janë instaluar dyer hekuri.

Kryeministri Edi Rama ka deklaruar se nuk do të merret me atë se çfarë po ndodh në kampin kundërshtar, e megjithatë, herë pas here nuk i ka kursyer edhe mesazhe të koduara për situatën në Partinë Demokratike.

"Jashtëzakonisht e rëndësishme, pikë kulmore në diplomacinë shqiptare", kështu e cilësoi diplomati i njohur Lisen Bashkurti anëtarësimin e Shqipërisë në Këshillimin e Sigurimit të OKB-së.

Sot Floriana Garo, mbështetësja e Sali Berishës publikoi një foto të njerëzve me maska, kapele duke pretenduar se kanë edhe armë, e që rrinë brenda selisë së PD. Garo pretendon se fotoja është bërë sot, por e vërteta është krejtësisht ndryshe.

Nard Ndoka, kreu i Partisë Demokristiane, ish-aleat i PD-së është i mendimit që "lufta" e brendshme politike mes Lulzim Bashës dhe Sali Berishës mund të zgjidhet mes negociatave.

Pas Fierit, Sali Berisha u ndal në degën e PD-së në Gjirokastër nga ku sulmoi edhe njëherë kryedemokratin Lulzim Basha duke e konsideruar atë simbol të dështimit. Berisha tha se ai dhe mbështetësit e tij janë shumica, ndërsa ‘pengkryetari’ është pakica, e kështu sipas tij Basha nuk ka sesi të dominojë ndryshe përveçse me bandat dhe narkoshtetin.

Komisioni i Rithemelimit ka publikuar një foto ku pretendojnë se njerëz me maska dhe të armatosur qëndrojnë brenda selisë së PD-së.

Komanda Amerikane e Operacioneve Speciale në Europë (SOCEUR) ka njoftuar së fundmi se një shtab i saj pararojë do të ngrihet në Shqipëri. Në njoftim thuhet se selia e re u bë e mundur falë mbështetjes së jashtëzakonshme të qeverisë shqiptare dhe Ministrisë së Mbrojtjes si pjesë e përpjekjeve të vazhdueshme për rritjen e aftësive të Forcave të Operacioneve Speciale, si një gur themeli për stabilitetin rajonal.

Partia Demokratike i "trembet" skenarit të dhunës në protestën e thirrur nga Sali Berisha në 8 janar. Sekretari i Përgjithshëm, Gazment Bardhi tha se këto thirrje për dhunë dhe përplasje vijnë pasi Berisha është i dëshpëruar nga braktisja që po i bëjnë demokratët, e ndërsa thekson se kjo nuk është gjë tjetër veçse një favor për Edi Ramën.