Politikë

Kryeministri Edi Rama prezantoi në Mirditë kandidatin për kryetar bashkie për zgjedhjet lokale të 30 qershorit, Gjergj Ndreca. Gjatë fjalës së tij ai u shpreh i vendosur se zgjedhjet nuk mund të shtyhen se një forcë politike i trembet rezultatit të tyre, duke iu referuar qëndrimit të opozitës.

Kryebashkiaku Erion Veliaj prezantoi sot në Tiranë kandidatët për këshilltarë bashkiakë për zgjedhjet lokale të 30 qershorit. Veliaj nisi fjalimin e tij me një parantezë për protestën e djeshme të opozitës teksa tha se qyteti dje u dhunua nga një grup njerëzish që mendojnë vetëm për interesat  e tyre dhe nuk mendojnë për të mirën e Tiranës.

Ditën e djeshme presidenti Ilir Meta i bëri thirrje për vetëpërmbajtje opozitës joparlamentare gjatë protestës së dhunshme që shpërtheu dje tek Kryeministria dhe Parlamenti.

Komisioni Qendror i Zgjedhjeve, me asistencën teknike të Institutit Demokratik Amerikan (NDI) dhe mbështetje të Ambasadës Britanike, trajnoi kandidatët për kryetarë bashkie në zgjedhjet për organet e qeverisjes vendore dhe financierët e tyre, lidhur me deklarimin e fondeve të përfituara dhe të shpenzuara gjatë fushatës zgjedhore.

Në çdo qytet në të cilin ndalet apo në çdo dalje publike që kryeministri Rama paraqitet, ia bën të qartë opozitës se zgjedhjet në 30 qershor do të zhvillohen. Ndalesa  e radhës ishte Kurbini, ku prezantoi para qytetarëve kandidaten për kryebashkiake Majlinda Cara. Ai tha se në këtë situatë politike në të cilën gjendet vendi, nuk ka vend për shprehjen "hapi rrugë budallait".

Kryetari i Kuvendit, Gramoz Ruçi, priti sot Presidentin e OSBE-së, njëkohësisht Ministër i Punëve të Jashtme dhe Çështjeve Evropiane i Republikës së Sllovakisë, Miroslav Lajcak ku u diskutua për situatën në vendin tonë. 

Nga

Esiona Konomi

Deputeti opozitar Lefter Maliqi thotë se në 30 qershor është e pamundur të bëhen zgjedhje. Gjatë një interviste për Report TV, ai shprehet se puna si drejtues policie, i ka mësuar se forcat policore nuk janë të mjaftueshme për të garantuar qetësi në të gjitha qendrat e votimit.

Nga

Esiona Konomi

Socialistët i paraprijnë një veprimi të mundshëm nga ana e Presidentit për të anuluar zgjedhjet e 30 qershorit. Interesimit të Report TV, Taulant Balla ju përgjigj se ky do të ishte një vendim i papranueshëm antikushtetues, ndërsa shtoi se dje në protestë, agresorët u maskuan dhe armatosën në selinë e PD-së.

Komisioni Parlamentar i Integrimit do i drejtohet me një kërkesë zyrtare ambasadores së Holandës në Shqipëri për të raportuar në komision dhe të japë shpjegime lidhur me kërkesën e vendit të saj për rikthimin e vizave për shqiptarët.

Ish-deputeti i Partisë Demokratike, Klevis Balliu tha se seanca në Gjykatën e Apelit është shtyrë për shkak se edhe shteti ka rënë.

Kompania do të paguhet 600 milionë lekë të vjetër për këtë proces. KQZ do të nisë sot pasditë edhe përmbajtjen e fletëve për  bashkitë e ngelura.