Top 24

Kryesia e Partisë Demokratike ka miratuar sot tre propozimet e kryedemokratit Basha, që PD të futet në zgjedhje por me disa kushte. Tre propozimet e Bashës ishin që të garantohen zgjedhjet e lira me një qeveri tranzitore, që PD të bëhet barrierë për moslejimin e zgjedhjeve fasadë, ndërsa u mandatua edhe për negociatat me partitë e tjera opozitare. Më të njëjtin qëndrim edhe LSI.

Reshat Radhima, anëtar i grupit të Habilajve i cili u ekstradua nga Itali është lënë nga burg nga Gjykata e Krimeve të Rënda, e cila la në fuqi vendimin e dhënë në vitin 2017.

Detaje të reja kanë dalë në dritë për 50 vjeçarin nga Kanadaja, i cili tentoi ditën e djeshme që të përdhunonte një 13-vjeçare nga Hungaria.

Kryeministri Edi Rama qetësoi shqiptarët duke garantuar se nuk do të ketë rikthim vizash dhe se vendimi i Holandës është politik. Shefi i ekzekutivit tha se shqiptarët janë bërë ‘mish për top’ për disa parti holandeze që shkelin dinjitetin e shqiptarëve, ndërsa shprehu habinë me deklaratat e opozitës në Tiranë. Balla u shpreh dje se nismëtarja e mocionit në Holandë kundër vizave është mikeshë e Bashës! Rama: Nuk dyshoj fare që mund të jetë një kontribut sado i vogël i PD-së rrugore (demokratëve që dogjën mandatet) në këtë proces, pasi nuk lënë gjë pa thënë për Shqipërinë. Rama u ndal edhe te nisma e tij anti-shpifje, theksoi se shumë shpejt do të vijë në parlament për t’u votuar.

Përfaqësuesit e OSBE-së dhe ODIHR-it pak javë më parë ishin në Shqipëri ku takuan drejtuesit e shumicës dhe të opozitës për t'u njohur me realitetin parazgjedhor dhe problematikat. Në përfundim ata kanë hartuar edhe një dokument, ku theksojnë se polarizimi dhe mosbesimi mes partive politike mund të ndikojnë negativisht në procesin e zgjedhjeve.

Ambasadori i BE në Shqipëri, Luigji Soreca foli për qëndrimin e opozitës parlamentare për pjesëmarrje në zgjedhje lokale. Ai tha se duhet që opozita të marrë pjesë në zgjedhje teksa tha se është koha për dialog jo vetëm brenda opozitës por edhe me qeverinë në mënyrë që të ketë pjesëmarrje në zgjedhjet lokale.

Organizata “Gazetarët pa kufij", me seli në Paris, vlerëson në raportin për lirinë e medies se urrejtja ndaj gazetarëve në nivel botëror është shndërruar në dhunë duke nxitur shtimin e frikës.

Tre grupet parlamentare në Kuvendin e Shqipërisë, PS-së, grupi demokrat të drejtuar nga Rudina Hajdari dhe 'Të pavarurit' e drejtuar nga Nimet Musai kanë rënë dakord për zgjatjen e afatit të Komisionit të Reformës Zgjedhore dhe nisjen e debatit për ndryshimin e sistemit zgjedhor

Rudina Hajdari mbajti fjalën e parë si drejtuese e grupit demokrat duke vendosur edhe objektivat. Hajdari u bëri thirrje partive opozitare që të marrin pjesë në zgjedhje, ndërsa shtoi se opozita e re do të përgatitet për të shpalosur një alternativë të re. Ajo tha se opozita e re nuk do t’i bojkotojë zgjedhjet e qershorit. Përsa i përket reformës zgjedhore, vajza e Azem Hajdarit u shpreh se kërkesa e grupit që ajo përfaqëson është ulja dhe gjetja e një zgjidhje për ndryshimin e sistemit, me qëllim që përfaqësimi të vijë nga populli.

Kryetarja e Gjykatës së rrethit Gjyqësor Lushnje, Esmeralda Çeka është rikonfirmuar në detyrë.

Dje Lulzim Basha zhvilloi një takim me Monika Kryemadhin për hapin e radhës, ndërsa sot do të ketë disa takime intensive brenda partisë me strukturat.

Kolegji i Posaçëm i Apelimit ka shkarkuar nga detyra gjyqtarin e gjykatës së Tiranës, Astrit Faqolli. Në korrik të vitit të kaluar, ai u konfirmua në detyrë nga Komisioni i Pavarur i Kualifikimit, por vendimi u apelua nga Komisioneri Publik për shkak të problemeve me pasurinë, ndërsa sot u shkarkua nga Kolegji i Posaçëm i Apelimit.

Seanca ka nisur me interpelancën e thirrur nga opozita e re me ministrin e Brendshëm, Sandër Lleshaj për sigurinë pas grabitjes së Rinasit. Kjo është seanca e parë plenare që pas datës 16 shkurt që opozita nuk proteston jashtë ambienteve të Kuvendit, pasi deri tani ka zhvilluar gjashtë tubime, ndërsa tre të tjera para Kryeministrisë.

Një sasi tritoli ka shpërthyer në orët e vona të natës në një mobileri në Fushë-Krujë. Sasia e eksplozivit i është vënë derës hyrëse të mobilerisë dhe për pasojë janë shkaktuar dëme të shumta materiale.