POP 5

Lajmet më të lexuara të 5 minutave të fundit

Kronikë

Afera 'Partizani'/ U mor i pandehur nga SPAK, Malltezi shkon në Apelin e GJKKO! Bashkë me Berishën kërkojnë zëvendësimin e masës arrest shtëpie (VIDEO)

Dhëndri i Sali Berishës Jamarbër Malltezi u paraqit këtë mëngjes në Apelin e Gjykatës së Posaçme, me kërkesë për ndryshim të masës “arrest shtëpie”. Kjo lëvizje vjen 2 ditë pasi u mor i pandehur nga SPAK, bashkë me ish-kryeministrin. Ai akuzohet për korrupsion dhe pastrim parash.

TIRANË- Jamarbër Malltezi, i cili u mor i pandehur për aferën ‘Partizani’ nga Prokurorie e Posaçme për korrupsion pasiv dhe pastrim parash, është paraqitur mëngjesin e sotëm në Apelin e Posaçëm.

Burime për Report Tv bëjnë me dje se seanca po zhvillohet pasi Malltezi ka kërkuar zëvendësim të masës së sigurisë. Po ashtu edhe Sali Berisha, në ‘arrest shtëpie’ ka kërkuar ndryshim të masës së sigurisë, por nuk është paraqitur në Gjykatën e Posaçme të Apelit.

Po ashtu do të informohen edhe në lidhje me hetimet për dosjen ‘Partizani’. Gjyqtare e çështjes do të jetë sërish Ilirjana Olldashi, e cila është sulmua vazhdimisht nga Berisha dhe dhëndri i tij.

Mesditën e 11 shtatorit, ish-kryeministri Sali Berisha, u mor i pandehur nga SPAK për korrupsion pasiv, duke u bërë kështu zyrtari më i lartë në historinë e shtetit shqiptar që merret i pandehur. Akuzat për aferën Partizani për korrupsion dhe pastrim parash iu komunikuan edhe dhëndrit Jamarbër Malltezi, ndërsa prokuroria u paraqiti një dosje me prova prej 500 faqesh.

Me një dosje me prova prej 500 faqesh dy prokurorët e SPAK akuzojnë ish-kryeministrin për 'korrupsion pasiv' e kryer në bashkëpunim, ndërsa dhëndrin e tij Jamarbër Malltezi e akuzojnë për 'korrupsion pasiv e kryer në bashkëpunim dhe 'pastrim parash"

Një ditë më vonë 12 shtator të pandehur, u morën edhe biznesmenët Fatmir Bektashi dhe Xhimi Begeja, ortakë të Jamarbër Malltezit në ndërtimin e kullave në ish kompleksin Partizani ku fitoi të paktën 5.4 milionë euro. Bektashi do të përgjigjet për korrupsion aktiv dhe pastrim parash, ndërsa Begeja për pastrim parash.

Akuzat 4 të pandehurve ia komunikuan dy prokurorët e dosjes, Arben Kraja dhe Enkeleda Millonai.

Lajm në përditësim...

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tralala zura nje gale: 13/09/2024 10:16

    Habitem si nuk i cuan tek 313 po i lane te ikin kur i moren te pandehur.

    Përgjigju
  • Sondazhi i ditës:

    PS abstenon e s'e çon mandatin e Xhaçkës në Kushtetuese, si e vlerësoni?

Lajme të tjera



×

Lajmi i fundit

Ministri Hoxha: Siguria në shkolla, ndër prioritetet kryesore të MB! Do zbatojmë projektin

Ministri Hoxha: Siguria në shkolla, ndër prioritetet kryesore të MB! Do zbatojmë projektin "Smart City" për të rritur sigurinë në gjithë Shqipërinë

13 Shtator, 11:08