Kosova feston sot 23 vjetorin e çlirimit, reagon Meta: Ditë historike në rezistencën e lavdishme të UÇK

Presidenti Ilir Meta ka reaguar për 23 vjetorin e çliirimit të Kosovës nga serbët në një ofensivë ushtarake të drejtuar nga SHBA-të dhe NATO.

"Sot në Ditën e Çlirimit, çdo shqiptar i gëzohet arritjeve të Republikës së Kosovës, faktor kyç për paqen, stabilitetin dhe sigurinë në rajon, shembull frymëzues i ndërtimit të demokracisë dhe shtetit ligjor, që meriton sa më parë të jetë anëtare e NATO-s, përfituese e liberalizimit të vizave, anëtare e Këshillit të Evropës, si dhe çdo organizate ndërkombëtare.

Në këtë ditë historike nderojmë vizionin strategjik të Presidentit Ibrahim Rugova, rezistencën e lavdishme të UÇK, heroizmin legjendar të Komandantit Adem Jashari dhe sakrificat e çdo shqiptari që kontribuoi për lirinë dhe pavarësinë.

LEXO EDHE:
Osmani: Serbia po e shkel marrëveshjen për të zhdukurit duke mos i hapur arkivat

Mirënjohje dhe thellësisht falenderues për Aleancën e Atlantikut të Veriut, SHBA-ve dhe vendeve demokratike mike, që i dhanë fund genocidit, kurorëzuan aspiratën shekullore për liri dhe vazhdojnë t'i qëndrojnë afër Kosovës për të ndihmuar në zhvillimin e pandalshëm të demokracisë, avancimit të proceseve integruese europiane dhe euro-atlantike."- shkruan Meta. 

Lajmi kryesor:

Kosova feston sot 23 vjetorin e çlirimit, Osmani: E kaluara jonë asnjëherë nuk mund të harrohet! Kurti: Prekazi heroik, kryeqyteti i kryengritjes shqiptare

G.MO/Shqiptarja.com

TAG:
• adem jashari
• uck
• Vjosa Osmani
• Albin Kurti