Mbi 17 mijë vaksinime në 24 orët e fundit, në total nga fillimi i fushatës janë realizuar mbi 494 mijë!  Manastirliu: Vijojmë në çdo cep të Shqipërisë

Qendra e vaksinimit në Sheshin 'Skënderbej'

Në 24 orët e fundit në të gjithë vendin janë kryer 17.125 vaksinime kundër COVID. Lajmin e ka bërë të ditur ministrja e Shëndetësisë Ogerta Manastirliu përmes një postimi në rrjetet sociale.

Ajo thotë se vijon me ritme të larta vaksinimi anticovid në çdo cep të Shqipërisë, ndërkohë që bën me dije se deri më tani që nga fillimi i fushatës 'Shqipëria buzëqesh' janë bërë 494.02 vaksinime.

Me këtë numër objektivi i vendosur nga Qeveria prej javësh që brenda majit të bëheshin 500 mijë vaksinime duke se do të arrihet në këto ditë të para të këtij muaji. Vaksinimi anti COVID po vijon në mbarë vendin, sipas kategorive të përcaktuara në bazë të moshës dhe profesioneve të veçanta. Procesi po vijon me kalendar të kombinuar, për personat mbi 60 vjeç dhe punonjës të shërbimeve kritike.

Ditën e djeshme kanë ardhur në Shqipëri edhe 25 mijë vaksina të tjera Sputnik V. Kryeministri Edi Rama tha se  se nuk do të ndalet procesi dhe se do të vijojë të intensifikohet.

Ndërkaq më 20 prill, Komisioni Evropian deklaroi se do të dhuronte në total 651 mijë doza BioNTech / Pfizer do të dorëzohen në rajon në këste javore nga fillimi i majit deri në gusht. Në saj të kësaj ndihme Shqipëria do të marrë 145 mijë doza, Kosova 95 mijë, Maqedonia e Veriut 119 mijë, Serbia 36 mijë, Mali i Zi 42 mijë dhe Bosnjë-Hercegovina 214 mijë doza.

Ndërkohë që në 24 orët e fundit në vend janë regjistruar 100 raste të reja infeksioni dhe 2 persona kanë humbur jetën.

Foto e publikuar nga Manastirliu

K.T./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • neri: 01/05/2021 21:05

    Po me keta idjotet e PD qe thone se nuk e bejme vaksinen e Rames si do behet apo presin te bejne ate te Saliut....

    Përgjigju
  • Sondazhi i ditës:

    A duhet të ndalohen filmat shqiptarë të prodhuar gjatë periudhës komuniste?



×

Lajmi i fundit

John

Si e vranë grekët patriotin, Kadri Gjata Kumbaro, kryetarin e Klubit 'Bashkimi' të shqiptarëve të Janinës dhe botuesin e gazetës 'Zgjimi i Shqipërisë'