Epidemiologu Ilir Alimehmeti, në një intervistë të dhënë për Report Tv, është shprehur se është e rëndësishme që njerëzit duhet ta dinë që shumica e të infektuarve me COVID-19 ia dalin me sukses në këtë betejë. I pyetur në lidhje me masat që duhen marrë në spitalet COVID për të shmangur vetvrasjet Alemehmeti thotë se situata është shumëdimensionale.
"Situata është shumë më multidimensionale sesa thjesht kangjellat te muri. Fillojnë me frikën e madhe kur testi del pozitiv. Duhet të jetë informacioni i saktë që shumica e njerëzve dalin nga spitali të shëruar dhe nuk vdesin. Duhet t'i themi këto shifra. Sepse fokusohemi te shifrat që shkojnë keq. Ky është terreni që ccon në këtë problem këtu. Kangjella është e lehtë për tu menduar por është gjëra e fundit fare në të gjithë këtë zinxhir të madh. Duhet mbështetje psikologjike. Pra duhet të mendojmë në multidimensional. Është lajm i mirë edhe fakti se serish numri i të shëruarve e ka kapërcyer numrin e rasteve aktive. Dhe ky është një lajm shumë i mirë dhe shënon një pikë kthese. Duhet t'ia themi njerëzve se ka shumë më tepër raste të lehta sesa ata që dalin", u shpreh mjeku.
Sa i përket shifrave të bërë publikë nga Ministria e Shëndetësisë sot, epidemiologu Alimehmeti shprehet se ato janë stabël dhe duhen më shumë testime për të pasur një tablo më të qartë.
"Mbetemi pak a shumë në të njëjtat shifra. Luhatjet ditore do t'i pranojmë. Ne shohim një ecuri 7 ditore ose më saktë 14-ditore. Përqindja e pozitivitet mbetet shumë e lartë pasi testimet i bëhen njerëzve me dyshim të fortë klinikë. Numrat janë stabël praktikisht. Janë shifra në të njëjtin ton sicc kanë qenë ditët e kaluara. Duhet testim më i gjerë për të kuptuar më shumë. Nëse nuk arrijmë të bëjmë testime mjaftueshëm do të mbetemi në diskutimin se në çfarë faze të kurbës jemi", deklaroi Alimehmeti.
Për epidemiologun e njohur masat më të rëndësishme që duhen marrë për të kufizuar infektimet me COVID janë ato që lidhen ngushtë me kategoritë e riskuara.
"Rikthehemi tek ajo që thamë pak më parë. Do të duhet të kishim testime më shumë për të kuptuar tablonë e vërtetë. Masat në këtë aspekt nuk është se kanë luajtur ndonjë rol. Nuk është se kemi ndonjë diferencë shifrash. Unë mendoj se rregulli më i rëndësishëm është koncepti 'smart ëorking', leja e administratës për të punuar nga shtëpia. Kjo ka efektin më të madh. Ndërsa ndalimi në orën 22-6 është një masë e lehtë nuk ka ndonjë ndikim të madh tek popullata e riskuar. Ndërkohë që nëse bëjmë masa shumë më afër tyre efektin e kanë më të madh. Sa më larg i tyre i bëjmë masat tek popullata e riskuar efekti do të jetë më i vogël dhe në shifra nuk na përgjigjet", vijoi Ilir Alimehmeti.
Ndërkohë që për ecurinë e vaksinave anti COVID epidemiologu thotë se nuk duhet ta kemi vëmendjen aty por te masat.
"Ne nuk do të na vijë neve në dhjetor. Në Evropë mund të vijë por ne nuk kemi drejtuesit e Evropës, Neve nuk kemi bërë asnjë lloj investimi në prodhimin e vaksinës. Edhe aleanca COVAX ku ne bëjmë bëjmë pjesë nuk ka asnjë kontratë as me Pfizer dhe as me Moderna. Ndoshta e bën shumë shpejt. Por deri më sot nuk ka marrëveshje. janë shtete të tjera që kanë kapacitete më të mëdha blerëse që do e marrim të parët. Të paktën këtë dimër ne do të duhet ta kalojmë pa vaksinë dhe ndaj vëmendja duhet të përqendrohet tek respektimi i masave", u shpreh ndër të tjera në intervistën për Report Tv epidemiologu Alimehmeti.
Lajme të tjera
-
Ndahet nga jeta politikani dhe aktivisti Arben Tafaj, u rrëzua nga lartësia në banesën e tij në Dajt, Veliaj: Humbje e madhe
3 Dhjetor, 10:46 -
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për gjykim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Dështimi me mosbindjen civile/ Meçe: PD e reduktuar në sektin berishian! Çaça: Organizimi linte për të dëshiruar
8 Tetor, 21:49 -
Ndarja nga jeta e Gert Bogdanit/ Alimehmeti: Iku një djalë fisnik, pinjoll i një familje të madhe! Nesturi: Imazhi i tij bënte ndryshim! Çaça: Ishte mik me të gjithë
18 Shtator, 22:09 -
Vota gri dhe diaspora/ Nesturi: PS më e avantazhuar! Alimehmeti: PD është prapa, nuk kemi kohë
18 Shtator, 21:51 -
Komisioni Evropian kritikohet për jotransparencë në marrëveshjet për vaksinat
17 Korrik, 11:36 -
Opozita nesër në shesh/ Avokati Karaj në 'Repolitix': Këto protesta nuk sjellin produkt! Nesturi: Do festojnë marrjen e vulës
10 Korrik, 21:43 -
Spahiu: SHBA paralajmëroi ashpër Ramën, kur emëroi Ilir Beqajn me dosje penale të hapur
4 Korrik, 21:39 -
'Cirku' me pacientët tek Onkologjiku/ Alimehmeti në 'Përballje': Është vetëm një episod, kjo dramë ka dhe aktorë të tjerë
26 Qershor, 15:19 -
Pjesë e grupit të Bashës, Hasa: E identifikojmë veten si demokratët euroatlantikë! Berisha deshi luftë civile brenda partisë! Alimehmeti: Deputetët po lëvizin nga kahu i PD-së
18 Qershor, 21:34 -
Politika në tehun e drejtësisë, avokati në '5 Pyetjet': Dumani dha një raport serioz para KLP-së! Blushi: Hetimet e SPAK të vonuara
8 Prill, 21:16 -
Vaksina e fruthit shkakton autizëm? Mjeku Alimehmeti del garant: Shkenca e rrëzoi si tezë! Është virusi më ngjitës që njohim, të lodh më tepër se gripi
30 Janar, 19:02
