Kryeministri Edi Rama ka inspektuar punime në rindërtimin në  lagjen e re në Vaqarr, që po ndërtohet për të prekurit e tërmetit. Lagja e re do të jetë si një qendër rezidenciale me shtëpi individuale, me lulishte përpara, do të ketë objekte arsimore dhe qendër komunitare duke sjellë në zhvillim të ri për zonën e Vaqarrit.

Të shtëna me armë zjarri kanë ndodhur gjatë natës në Vorë, në fshatin Prezë. Burime për Report Tv bëjnë me dije se është qëlluar në drejtim të një banesë, ndërkohë që raportohet se nuk ka të lënduar. Autorët ende nuk janë identifikuar. Policia po punon për zbardhjen e rrethanave të ngjarjes dhe identifikimin e autorëve

Një pjesë e qytetarëve të Tiranës, gjatës së hënës do të përballen me mungesën e energjisë elektrike. OSHEE me anë të një lajmërimi, njofton qytetarët se një remont ka ndodhur në NST Tec të Kombinatit.

Tre persona të shpallur në kërkim ndërkombëtar janë ekstraduar në Shqipëri ditën e sotme. Me  një njoftim për mediat, Policia bën me dije se janë kapur në Itali, Londër e Slloveni, tre shtetas, të cilët janë ekstraduar drejt vendit tonë.

Në kohën kur në sheshin “Skënderbe” u tregua forca ushtarake e stërvitjes më të madhe në rajon “Defender Europe 2021”, në anën tjetër nisi një marshim protestë për fëmijët e abuzuar. Organizuar nga shoqëria civile pak ditë pas abuzimit të një 15-vjeçareje nga 4 persona në Mirditë, shumë qytetarë, pjesa më e madhe vajza, aktivistë të shoqërisë civile,  protestuan kundër abuzimit ndaj fëmijëve. 

Kim, Rama dhe Meta ishin të pranishëm bashkë në një ceremoni për herë të parë pas tensioneve të krijuara pasi SHBA shpalli 'non grata' kryeministrin Sali Berisha dhe familjen e tij. Meta reagoi dje me një gjuhë të ashpër, duke mos lënë gjë pa thënë për SHBA dhe duke e konsideruar vendimin e tyre për Berishën si "të pacipë".

Stërvitja më e madhe ushtarake “Defender Europe 21” në vendin tonë, ka vijuar këtë të diel në sheshin 'Nënë Tereza', ku u cilësua si “Dita e hapur” e Forcave të Armatosura Shqiptare në kuadër të stërvitjes së përbashkët me trupat amerikane. Stërvitja ‘Defender 21’ bëri bashkë, ambasadoren amerikane Yuri Kim, kryeministrin e vendit Edi Ramën dhe presidentin Ilir Meta. I pranishëm ishte edhe ministri i Mbrojtjes Niko Peleshi.

Komisariati i policisë numër 6, është ndeshur me dy kallëzime të veçanta të dy bashkë-fshatarëve nga Pezë Helmësi, ku secila nga palët akuzonte tjetrën për dëmtim të pronës. Njëri akuzon se i është dëmtuar vreshti nga dhitë e tij, ndërsa tjetri e akuzon se i ka marrë peng bagëtitë dhe se në zonë ka mjaft bagëti dhe s’mund të akuzohen kafshët që ai ka në zotërim.

Një punonjës i Gardës së Republikës, ruhej aq shumë nga hajdutët se nuk i besonte çelësit të shtëpisë. Si ambientin më të sigurt, ai konsideronte atë të Gardës që survejohet me kamera dhe ka kushte të forta sigurie. Por kur hajdutët e ndajnë mendjen, s’ka masë sigurie që i ndal. Ata i vjedhin 15 mijë euro në zyrën e tij.