Gjykata e Apelit në Durrës ka lënë në fuqi vendimin e Gjykatës së Shkallës së parë të Elbasanit, për Arbër Paplekajn, i cili vrau me armë zjarri Pjerin Xhuvanin pak ditë para zgjedhjeve të 25 prillit. Për Arbër Paplekajn mbetet në fuqi masa e sigurisë personale “arrest me burg”. Po ashtu në fuqi është lënë edhe vendimi për 10 të akuzuarit e tjerë të ndalur në lidhje me ngjarje, për të cilët është lënë në fuqi masa ‘detyrim paraqitje’.

Komisioni i Ankimimeve dhe Sanksioneve, ka rrëzuar kërkesën ankimore të PD dhe LSI për pavlefshmëri të rezultatit të zgjedhjeve të 25 prillit në qarkun e Durrësit dhe të Shkodrës. Ndërkaq KAS ka pranuar kërkesën e LSI për rinumërimin e 108 kutive të votimit po në këtë qark.

Pezullohet nga detyra polici i anti-drogës në Durrës Edvin Sinani pasi shpërndante drogë përmes një grupi të ngritur prej tij. Sinani dyshohet se organizonte persona për të shpërndarë lëndë narkotike në vende të ndryshme të qytetit të Durrrësit, të cilët nga ana tjetër e ndihmonin për të goditur grupet kundërshtare

44 vjeçari Alban Ramadani i cili po lëvizte me kallashnikov me vete nëpër Durrës, është arrestuar.

Largohet nga detyra drejtori i Agjencisë Shtetërore të Kadastrës së Durrësit, Rezart Elmazi. Elmazi ka dhënë dorëheqjen nga kreu i Kadastrës që e mbante nga tetori 2020 për arsye personale.

Ministrja e Arsimit Evis Kushi ka zhvilluar konsultimet publike në lidhje me hartimin e Strategjisë Kombëtare të Arsimit 2021-2026 janë zgjeruar më tej edhe në nivel vendor me pjesëmarrjen e aktorëve të ndryshëm të përfshirë në këtë proces në Durrës.

Komisioni i Ankesave dhe Sanksioneve është mbledhur sot për të shqyrtuar kërkesat ankimore të PD dhe LSI për qarkun e Durrësit si dhe kërkesën e PD për Shkodrën. Në kërkesat e PD-LSI kërkohet pavlefshmëri e zgjedhjeve dhe rivotim në të gjithë qarkun, ndërsa LSI për Durrësin ka kërkuar rinumërim të disa qendrave të votimit.

Tre persona janë arrestuar dhe tre të tjerë janë shpallur në kërkim ditën e sotme në Durrës, të akuzuar si autorë të disa vjedhjeve me dhunë në këtë qytet, por edhe në qytete të tjera.

Policia e Durrësit ka shoqëruar djalin dhe kushëririn e Saimir Taullaut. Konkretisht është shoqëruar në polici Sajmojen Taullau i cili është djali i Saimir Taullaut, kurse Klajdi Taullau është kushëriri i tij i parë

Ujërat e zeza, të derdhura në kanalet kulluese, në zonën e ish-Kenetes në Durrës janë kthyer në një shqetësim mjaft të madh për banorët e rrugës"Gjergj Balshaj". Të ndodhur në këtë situatë, ata janë ngritur në protestë. 

Një histori shumë të fortë ka rrëfyer Elmedi Nouak, një i ri refugjat nga Maroku, i cili prej tre muajsh jeton në Durrës. Ai pretendon se është dhunuar nga policia, ka 3 muaj që qëndron në Durrës dhe kërkon një telefon për të folur me familjen e tij në Marok, gruan dhe 2 fëmijët e vegjël.