Një 36-vjecare nënë e 2 fëmijë prej dy muajsh nuk ka asnjë kontakt fizik me ta, pas ndarjes me bashkëshortin në korrik të këtij viti. Ish-bashkëshorti ka kaluar kufirin shqiptar bashkë me dy djemtë 8 dhe 11 vjecar, më datë 28 gusht të këtij viti. Një ditë para se 49-vjecari të kalonte kufirin në limitet e afatit, nëna u dërgoi një i-mail autoriteteve që mban datën 27 gusht 2020 ku informon se ish-bashkëshorti po kalon fëmijët në kufi me pasaporta greke të cilat kanë skaduar më datë 28 gusht 2020. Ajo shpreh shqetësimin se E. L dhe A.L nuk do të kenë mundësi të ndjekin shkollën dhe se të drejtën e rinovimit të pasaportave e ka nëna, e cila e ka të pamundur të udhëtojë drejt Greqisë për t’jua nxjerrë. Ditën që 36-vjecarja paraqiti kërkesën për divorc në fund të majit të vitit 2019, nis dhe kalvari i peripecive që nëna e dy fëmijëve ka nëpër dyert e gjykatave. 49-vjecari kërkoi 2 urdhra mbrojtje nga komisariati nr. 2. Njëri mban datën 26 shkurt 2020, kur çifti nuk ishin dovorcuar ende. Me këtë urdhër mbrojtje, gjykata mori vendimin që cifti të jetonte në të njëjtën banesë, por duke e urdhëruar nënën të mos kërcënojë fëmijët dhe të mos u afrohet në një distancë prëj 3 metrash. Ndërsa një tjetër urdhër mbrojtje u lëshua kur divorci ishte në proces. Ai mban datën 4 shtator të vitit 2019 ku nënës i jepej e drejta të udhëtojë vetëm me fëmijët e mitur jashtë territorit shqiptar për pushime, argëtim e shërbime shëndetësore pa autorizimin e të paditurit, ish-bashkëshortit A.