Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv Rrëmbimi i Mereme Dodës në vitin 1997, ngriti pikëpyetje për familjarët, të cilët janë në kërkim të një të vërtete. Mereme Doda nga Tirana u martua në vitin 1989, me Shefqet Hutin, nga Lezha. Një martese kjo, e cila u bekua me ardhjen në jetë të 3 fëmijëve, 2 vajzave dhe 1 djali. Fati nuk kishte rezervuar dicka te mirë për familjen Huti. Ishte shtatori i vitit 1997, asokohe një 28-vjecare, kur doli për të bërë pazar dhe u rrëmbye në mes të ditës, në kryeqytet pranë zonës së Medresesë. Familjarët e saj nuk bënë asnjë denoncim në polici, pasi shpresonin se Meremja do të kthehej. Fëmijët, u strehuan në një jetimore në Shkodër, nga pamundësia e babait për t’i rritur. 1 vit nga humbja, 28-vjecarja bëhet e gjallë. Ajo kthehet në Shqipëri, por cdo gjë kishte ndryshuar për të. Pohim ky, i cili hodhi poshtë pistën e rrëmbimit, të vitit 1997. Gjatë 3 muajve që qëndroi në Shqipëri, Meremja nuk kërkoi të takonte as bashkëshortin dhe as 3 fëmijët e saj, por as nuk dha sqarime mbi largimin e saj. Në këtë periudhë ajo jetoi tek motra në Tiranë. Ajo nuk pranoi të takohej me askënd, arsye për të cilat nuk dihen, ndërsa 3 muaj më pas zhduket përsëri pa dhënë sqarime. Ishte hera e dytë që e reja ngre sërish pikëpyetje të mëdha. 2 vite më pas, Meremja rikthehet në Tiranë, në vitin 2000. Ndërsa fëmijët qëndronin ende në shtëpinë e fëmijës në Shkodër pa rënë në kontakt më nënën që ikte dhe vinte hera herës në Shqipëri. Ndryshe nga nëna, babai interesohej gjithmonë për fëmijët dhe kontaktet i kishin të rregullta. Sikur të mos mjaftonte të gjitha ikjet dhe dukjet e nënës së tre fëmijëve me rikthimin e saj në vitin 2000 pas një grindje me te motrën ajo vendosi të largohej përfundimisht nga Shqipëria, për të humbur gjurmët përgjithmonë.