Gjyshe, vajzë dhe mbesë të braktisura dhe të lëna në mëshirë të fatit rrezikojnë të mbeten mes katër rrugëve. Alma Manka është 51-vjeçarja, e cila ka udhëtuar nga fshati Pojan i Korçës për të denoncuar këtë histori të dhimbshme në ambjentet e Report Tv. Ajo kujdeset për të bijën e sëmurë, pasi bashkëshorti e braktisi kur ajo ishte shtatzënë me vajzën. Sot të treja jetojnë në këtë banesë, që është kthyer në një mollë sherri mes dy familjeve. Vdekja e papritur e bashkëshortit e ka rrënuar edhe më shumë Almën. Pas kësaj fatkeqësie kunati kërkon ta dëbojë sëbashku me vajzën e sëmurë dhe mbesën 13-vjeçare. Pak ditë më parë ai e ka njoftuar se tapia e shtëpisë është në emër të tij duke i lënë 3 muaj afat për t’u larguar. E gjendur pa asnjë rrugëdalje me borxhe për të shlyer, me një vajzë të sëmurë që kërkon kujdesin e vazhdueshëm të saj, por edhe me një mbesë e cila ka të drejtë të rritet si të gjithë bashkëmoshataret e saj Alma kërkon ndihmën e emisionit ’Pa Gjurmë’. Të mbetura pa përkrahje të 3-ja jetojnë në njërën prej dhomave të kësaj shtëpie të vjetër, e cila u nda përgjysëm me kunatin, i cili kërkon t’i dëbojë...