Burani verore me oriz
Përbërësit:
- 2 speca jeshil
- 2 speca të kuq
- 1 fk oriz
- 2 qepë
- 3 domate
- 1 lgj salcë
- Vaj ulliri
- Kripë, piper
Përgatitja:
Në një tigan kaurdisim mirë qepën e grirë imët me pak kripë. E mbulojmë me kapak që qepa të zbutet. Ndërkohë specat i presim në kubikë mesatarë dhe i shtojmë tek qepa. Vazhdojmë kaurdisjen për pak minuta duke shtuar më pas domatet të prera në kubikë. Rregullojmë aciditetin e domateve me pak sheqer dhe e lëmë gatimin derisa domatet të treten. Shtojmë orizin që e kemi shpëlarë, pak kripë dhe piper të zi. E kalojmë gatimin në një tavë dhe e vendosim për disa minuta në furrë.
