I la fëmijët në jetimoren e Durrësit nga pamundësia ekonomike, Geralda Shuli sot kërkon të ribashkohet me ta… U martua në vitin 2016 me Elidjon Selimin dhe në jetë solli 2 fëmijë, një djalë dhe një vajzë. Elidjoni emigroi drejt shtetit italian dhe nga andej ai humbi çdo kontakt me familjen e tij të re. Hoqi kështu dorë përfundimisht nga detyrat dhe përgjegjësitë atërore. Braktisi gruan dhe fëmijët duke i lënë të vetëm në mëshirë të fatit pa asnjë përkrahje. E ndodhur në këtë udhëkryq Geralda e vetme merr vendimin që do t’i kushtonte shtrenjtë. Ajo i dorëzon fëmijët në jetimoren e Durrësit. E kujton fare mirë momentin e ndarjes nga fëmijët, kur vajza ishte vetëm 3-vjeç dhe djali 1 vjeç. Janë kujtime që vrasin fort në shpirt… Kujtime që janë rrënjosur në memorien e saj… Fëmijët, ende të vegjël për ta kuptuar se çfarë po ndodhte me fatin e jetës së tyre. Pa e ditur se do vazhdonin jetën e tyre pa nënën… dhe pa babain që i kishte braktisur tashmë. Ajo shkonte i vizitonte shpesh, por vitet e fundit vizitat kanë qënë të rralla. Hera e fundit që i ka takuar fëmijët ishte korrikun e kaluar. Ndaj, Geralda kryen 3 muaj burg nga dhjetori deri në mars të këtij viti nën akuzën e braktisjes së fëmijëve… E sot kërkon ndihmë për t’u ribashkuar me fëmijët e saj dhe t’i ketë pranë gjirit të familjes së re që ka ndërtuar.