Pasditen e 23-shtatorit në studion e emisionit ‘’Pa Gjurmë’’ u denoncua nga një qyetetare, një zonjë e moshuar, e cila kishte përfunduar në situatë rruge, pasi ishte braktisur nga 5 fëmijët e saj. Qytetarja nga Shkodra që e kishte gjetur në rrugë zonjën e moshuar e kishte strehuar në shtëpinë e saj për disa ditë, teksa kujdesej për të. Ajo vuan nga probleme të shëndetit mendor dhe të vetmin detaj që mbante mend ishte emri i saj, Sofia. Zonja e moshuar është në gjendje kritike shëndetësore, ku kishte disa të djegura në trupin e saj. Gjatë transmetimit një qytetar telefonoi live duke dëshmuar se Sofia ishte nga qyteti i Shkodrës. Ndër të tjera tregoi se para disa 2 vitesh shtëpia e saj në afërsi të Bunës ishte djegur. Fatëkeqisht nga flakët e zjarrit, kishte humbur jetën dhe bashkëshorti i saj. Kur mendonim se kjo zonjë ishte strehuar nga shërbimi social Shkodër, pasditen e sotme ajo u paraqit në ambjentet e Report Tv duke kërkuar ndihmë pasi ndodhej në situatë rruge dhe ishte braktisur nga 5 fëmijët e saj. Djali i Sofies I telefonuar nga moderatorja, e refuzoi të ëmën live. Uniformat blu mbërritën menjëherë në ambjentet e Report Tv për të ndihmuar zonjën në fjalë.
