Një nënë e braktisi dhe një tjetër e birësoi historia vjen në ’Pa Gjurmë’ kjo histori e rrallë e një 60-vjecari, që u birësua në maternitet. Një histori e trishtë në kërkim të rrënjëve biologjike e rrëfyer nga Shpëtim Boçi, i cili u lind më 16 shkurt të vitit 1960, në maternitetin e Beratit, por u braktis nga nëna biologjike sapo ajo e solli në jetë. Foshnja u birësua nga cifti Latif dhe Metulla, nga Elbasani, që asokohe jetonin në Kucovë. Ky rast u nis dhe mbyll brenda dyert e maternitetit ditën kur nëna birësuese humbi fëmijën e tretë pas lindjes. Por ndërsa një jetë u shua, një tjetër fëmijë erdhi në këtë botë. Si një shpëtim për fatin e familjes Boci, djali me të njëjtin emër pasi u lind nga nëna e tij biologjike u braktis mes lotësh. Ajo firmosi dhënien për dorëzim të djalit që lindi nënës birësuese Metulla, e cila pas ditëve plot trishtim më në fund gëzoi marrjen në duar të një foshnje. Por fati kishte rezervuar një tjetër surprizë, atëherë kur shpresat humbën u rikthyen. Djali që hyri në shtëpi do të sillte një tjetër gëzim të madh, kur 4 vite pasi u birësua ishte e shkruar mesa duket, që cifti nga elbasani të bekoheshin me një tjetër fëmijë. Liljana erdhi në jetë në vitin 1964, 4 vite pasi Shpëtimi u birësua. Por kur e gjithë kjo bujari prej fatit dukej se do të gëzonte pafund këtë familje elbasanllie, pas lindjes së motrës, Shpëtimi do të ndihej i tepërt. Me rritjen e tij, nisën edhe dyshimet e para të djalit i cili kuptoi se nuk kishte ngjashmëri me prindërit. Kësaj pyetje që ua drejtonte prindërve shpesh si cengel, nëna i përgjigjej se ai i kishte mbyllur plagët.Shpesh nuk afrohej as nga të afërmit. Kudo që shkonte merrte si shuplakë përbuzjen. Kur nëna ndërroi jetë në vitin 1979, Shpëtimi ishte 19 vjeç. Pas kësaj do të merrte një tjetër rrjedhë jeta e tij. Mesa duket ajo kishte qenë për të I vetmi person që e deshi, pasi pas largimit të saj një hendek i madh zbrazëtie u thellua mes babait birësues dhe motrës. Sot Shpëtim Boci është një 60-vjecar dhe bashkë me familjen e tij jetojnë në Greqi prej 20 vitesh.Edhe pse është bërë gjysh, një brengë e mundon ende. Ajo çfarë Shpëtimin e habit është fakti se në dokumenta mban datën e lindjes më 16 shkurt, por familja gjithmonë ia ka festuar ditëlindjen më 29 shkurt.