Është 27-vjeçe dhe nënë e 6 fëmijëve, gruaja nga Berati rrëfehet për herë të parë në ’Pa Gjurmë’ për dhunën që burri ka ushtruar mbi me vite të tëra. Sot, ajo ndjehet e kërcënuar prej tij edhe pse jetojnë të ndarë, por jo vetëm ka humbur kontaktet me tre nga fëmijët e saj. Arsye e largimit të saj nga banesa është se nuk më guxim e as besim se i shoqi do të ndryshojë pas 14 viteve dhunë, madje 27-vjeçarja prej një viti tashmë është e pajisur me urdhër mbrojtje. Ishte një e mitur 13-vjeçare asokohe, kur prindërit e dhanë tek një tjetër familje në fshatin ngjitur, ndërsa me burrin kishte 9 vite diferencë. Mosmarrëveshjet nisën që prej fillimit, ndërsa xhelozia u bë shkak i grindjeve të vazhdueshme në çift, gjë e cila degradoi në dhunë fizike. Edhe pse bashkëshortja thuajse njëri pas tjetrit sillte në jetë fëmijë dhuna bëshkëjetonte me ta. Një baba, i cili nuk kujdesej as për fëmijët e tij, ishte kthyer tashmë në frikë edhe për të vegjëlit. Ai shpenzonte deri edhe qindarkën e fundit, nga paratë e së shoqes e cila ishte e vetmja që punonte në familje. Pas 14 vitesh durimit i erdhi fundi dhe që prej 11 shtatorit të vitit 2022 27-vjeçarja largohet nga shtëpia për tu zhvendosur tek i vëllai që jeton në një tjetër qytet.Pas do ta ndiqte i shoqi. Ai i kërkoi me ngulm të kthehej, por ajo nuk do të mundej dot, as për hir të fëmijëve. Sot, çdo ditë që kalon është një kërcënim më shumë nga burri. Ajo është e pajisur për një vit me urdhër mbrojtje, gjë që e mban larg për ca kohë prej tij. Por ajo që e mundon më shumë nënën nga çdo gjë tjetër është humbja e kontakteve me tre fëmijët të cilët jetojnë me të atin. Ai nuk e lejon të takohet me ta, edhe pse gruaja nuk ia ka mohuar takimin e vajzave me të atin. Vëllezër e motra jetojnë gjithashtu të ndarë nga njëri-tjetri, në qytete të ndryshme. 27-vjecarja vjen në program me një apel ndaj fëmijëve më i madhi 14 dhe më i vogli 3, për të cilët sot ndjen detyrimin dhe obligimin si nënë për t’i ribashkuar.